Deputeti i Lëvizjes Vetëvendosje, Mytaher Haskuka ka reaguar pas arrestimit dhe ngritjes së padisë ndaj tij, për hedhje të ujit në drejtim të kryeministrit të Kosovës, Isa Mustafa, duke thënë se cili pushtet mund të konsideroi ujin si rrezik për jetë.

Ai në rrjetin social Facebook ka shkruar se “Dje u arrestova dhe u ngrit padi ndaj meje për hedhje uji, ‘për rrezikim të zyrtarit’. Cili pushtet mund të konsideroj ujin si rrezik për jetë? Ndoshta një pushtet që e identifikon veten si virus apo baktere?”.

Policia e Kosovës bën të ditur se ka arrestuar personin i cili kishte rrahur mjekun në Suharekë.

I dyshuari me vendim të prokurorit është dërguar në mbajtje.

PrizrenPress pati raportuar se të mërkurën, rreth orës 15 e 20 minuta, në Suharekë është rrahur një mjek nga djali i një të sëmuri.

Sipas informatave që ia ka dhënë policisë viktima thuhet se si shkas i mos vizitës së një pacienti në shtëpinë e tij, është sulmuar fizikisht nga djali i të sëmurit. /PrizrenPress.com/

Ndërprerja e shiut, ka bërë që të filloi të bie niveli i ujit në lumin Mirusha, si dhe në liqenin në Mirushë, mirëpo rruga Mirushë-Gurbardh vazhdon të mbetet e pakalueshme, si dhe rruga Malishevë-Duhël, me vështirësi e kalueshme, ndërsa masat preventive dhe kujdesi i shtuar, vazhdojnë të jenë në fuqi.

Drejtoria për Mbrojtje dhe Shpëtim në Malishevë bën të ditur se niveli ujit në liqenin Mirusha ka rënë për afro 20 centimetra, mirëpo rruga që lidh fshatin Gurbardh, mbetet e mbuluar. Po ashtu edhe rruga në dalje të Malishevës, është vështirë e kalueshme, andaj qytetarëve ju rekomandohet të shfrytëzojnë rrugët alternative.

Sipas drejtorisë, ekipet e kësaj drejtorie, së bashku me të gjitha organet tjera të sigurisë, janë n gatishmëri të plotë, edhe pse niveli i ujit në lumenj e përroska është u ulur gradualisht. /PrizrenPress.com/

Kryetari i Aleancës për Ardhmërinë e Kosovës (AAK), Ramush Haradinaj, ka thënë se Kuvendi i Kosovës është bërë mbulesë për kapjen e shtetit.

Në këtë intervistë për “Epokën e re”, Haradinaj ka thënë se partitë opozitare nuk do të marrin pjesë në seancat e Kuvendit të Kosovës. Ky veprim i partive opozitare, sipas Haradinajt, nuk nënkupton dorëzim të mandateve.

“Nuk dorëzohen mandatet, por deputetët e opozitës nuk do të marrin pjesë në punimet e një Kuvendi, sepse e konsiderojnë jolegjitim”, është shprehur Haradinaj, i cili ka bërë me dije se opozita mbetet e bashkuar në pikat për të cilat është rënë dakord më herët, pavarësisht dallimeve që mund të kenë si subjekte politike.

“Opozita ka pasur dhe ka dallime, pasi jemi parti të ndryshme politike. Por, mund t’ju them se opozita ka një qëndrueshmëri së bashku për temat për të cilat kemi rënë në dakord, për kundërshtimin e dy marrëveshjeve, për kundërshtimin e kësaj qeverie antikushtetuese dhe për dërgimin e vendit në zgjedhje të parakohshme. Pra, për këto pika jemi bashkë dhe s’ka ndarje e as përçarje të opozitës”, është shprehur Haradinaj.

Ai ka shtuar se tash opozita do ta rrisë kundërshtimin e saj me anë të protestave deri në dorëheqjen e regjimit Mustafa – Thaçi. Kurse sa i përket paralajmërimit të presidentes Atifete Jahjaga për formimin e një komisioni të pavarur me ekspertët ndërkombëtarë për çështjen e demarkacionit me Malin e Zi, Haradinaj ka thënë se kjo ide tashmë është e vonuar.

“Mendojmë se ideja për një komision të tillë është e vonuar. Pra, në bazë të rendit, i pari veprim që është dashur të ndodhë ka qenë shkarkimi i komisionit të kryesuar nga z. Meha, pastaj fillimi i një komisioni të ri”, ka deklaruar Haradinaj. /Epoka e Re/