Kryetari i Kuvendit të Kosovës, Kadri Veseli e ka vlerësuar si shumë të rëndësishme bashkëpunim mes Kuvendit të Kosovës dhe shoqërisë civile.

Veseli ka thënë se që nga ardhja e tij në krye të Kuvendit të Kosovës, ka pasur prioritet rritjen e transparencës.

Por, Veseli në konferencën e Parë Vjetore për Partneritet midis Kuvendit të Kosovës dhe Shoqërisë Civile, ka kritikuar shoqërinë civile, pasi siç është shprehur ai që një vit asnjëri nga përfaqësuesit e shoqërisë civile nuk ka shkuar në zyrën e tij për ti dhënë ndonjë vërejte, por të gjitha i kanë bërë në media, raporton lajmi.net.

Veseli në këtë konferencë në mënyrë ironike ka pyetur nëse udhëheqësi i organizatës Instituti Demokratik i Kosovës, organizatë që monitori punën e Kuvendit, Driton Selmanaj është anëtarësuar në ndonjë parti politike.

Kryetari i Kuvendit të Kosovës, tha se sikur në institucionet shtetërore që ka njerëz që keqpërdorin pozitën zyrtare edhe në shoqëritë civile ka të atillë që zhvatin para.

“Institucionet e vendit nuk janë të gjitha me djaj, por as shoqëria civile nuk është e mbushur me engjëj, ka thënë ndër të tjera Veseli.

Në këtë konferencë mori pjese ehe shefi i Misionit të OSBE-së në Kosovë, Ambasadori Jean-Claude Schlumberger, i cili shprehi përkushtimin për rritjen e bashkëpunimit mes Kuvendit e shoqërisë civile.

Jakup Krasniqi, Kryetar i Këshillit Kombëtar të Nismës për Kosovën ka thënë në maifestimin e sotëm që po mbahet në Pejë se Opozita i ka 1000 mijë arsye për të protestuar,

“Dëshiren për Kosovën e kanë kthyer në dëshirë për ikje. Këtë e kanë dëshiruar armiqtë shekullor, të cilët nuk e kanë arritur por po e arrijnë Isa Mustafa e Hashim Thaçi.

“Kemi ardhur për të kërkuar përkrahjen e qytetarëve për marrëveshjet e dëmshme e për për fatin tonë politikë”.

“Jemi të vendosur `t`i mbrojmë të drejtat tona”

Sipas tij ndryshimet në shoqëri i sjellin qytetarët e bashkuar.

“Qeveritarët janë vënë një ndjekje të qytetarëve. Kërkojmë nga ju që të kërkoni shkarkimin e këtyre qeveritarve, atyre iu ka mbetur vetëm një rrugë e që është dorëheqja”.

“Nëse diush duhet me ik nga Kosova duhet me ik ata që e meritojnë e jo qytetarët” ka thënë Krasniqi në fjalimin e tij, njofton Klan Kosova.

Kryetari i Kuvendit të Kosovës Kadri Veseli ka kritikuar qasjen e Bashkimit Evropian pas lajmit se qytetarët e Kosovës nuk do të mund të udhëtojnë pa viza në Evropë.

Në “Konferencën e Parë Vjetore Kuvend-Shoqëri Civile”, Veseli ka thënë se në qoftë se ka zëra për krim të organizuar dhe korrupsion në politikën e vendit atëherë le të dënohen politikanët dhe jo qytetarët.

Dje gjatë ditës Këshilli Evropian ka dalur  me Raportin për vendet aspiruese në Bashkimin Evropian me ç`rast ka konstatuar se përkundër  përparimeve që ka shënuar Kosova në implementimin e kritereve, ajo nuk ka marrë një rekomandim pozitiv, sa i takon liberalizimit të vizave./Gazeta Fjala

Deputetja dhe Shefja e Grupit Parlamentar të AAK-së, Donika Kadaj- Bujupi është e para deputete nga radhët e opozitës e cila u arrestua më 18 nëntor për shkak të veprime të saj në Kuvend ku edhe hodhi gaz lotsjellës.

Për nesër Kuvendi i Kosovës ka paraparë të mbajë seancën e radhës ku do të shqyrtohen edhe disa pika nga rendi i ditës i seancës së kaluar, e po ashtu presidentja, Atifete Jahjaga do të mbajë fjalimin e saj vjetor para deputetëve.

Ndërkaq nuk dihet nëse deputetja Kadaj-Bujupi do të jetë pjesë e kësaj seance pasi që nesër do të merret vendimi përfundimtar për të se a do të lirohet apo do i vazhdohet masa e arrestit.

E kontaktuar nga Indeksonline, Kadaj-Bujupi ka thënë se në momentin që i hiqen kufizimet ajo do ti kthehet Kuvendit.

“Në momentin kur të më hiqen kufizimet unë do të vazhdoi aktivitetin tim si deputete në shërbim të qytetarëve. Dhe sigurisht do ti kthehem punëve të mia në Parlamentin e Republikës”, ka thënë Kadaj- Bujupi.

Kujtojmë se opozita ka thënë se do ta kundërshtojnë fjalimin e presidentes në Kuvend mirëpo nuk kanë dhënë detaje tjera se me çfarë metodash do të bëhet ky kundërshtim, ani pse lideri i AAK-së, Ramush Haradinaj ditë më parë ka thënë se do ta kundërshtojnë me metodat e njëjta siç kanë bërë edhe në vizitat e presidentit Fischer dhe komisionerit Hahn.

Kryeministri i Kosovës, Isa Mustafa tha se nuk ka arsye qe BE të mos jap rekomandime për liberalizim të vizave.

“Kriteret i kem përmbush. Vendimi është politik. Ne kemi nënshkruar MSA është e rëndësishme por nuk ka domethënie nëse qytetarët mbesin të izoluar, nëse bizneset tona mbesin të izoluar. Mbetet vetëm një dokument më letër nëse nuk zbatohet”, ka thënë Mustafa.

Ne nuk shohim arsye që BE të mos dëshiroj të drejta të barabarta për qytetarët e Kosovës si me qytetarët e vendeve të tjera.

Ai tha se është takuar me Zhbogarin dhe ai raport s’është përfundimtari. Sipas tij , Zhbogar ka thënë se ky ka qenë raport për zgjerim e ai për liberalizim do publikohet ditëve në vijim.

“Në demokracinë se shohim si demokraci të standardeve të dyfishta. Mustafa tha se kërkoj që të bëjmë apel të BE që të jetë i drejtë ndaj këtij procesi. Presim që vitin tjetër të lëvizim lirshëm pa viza”, tha Mustafa. /Tribuna/

Këshilli i Bashkimit Evropian nuk i ka dhënë rekomandim pozitiv procesit të liberalizmit të vizave për qytetarët e Kosovës.

Në konkluzionet për vitin 2015 të pakos së Zgjerimit dhe Stabilizim Asociimit për vendet e Ballkanit Perëndimor dhe për Turqinë, Këshilli ka vlerësuar rëndësinë e përmbushjes së kushteve për liberalizimin e vizave, duke e inkurajuar Kosovën t’i vazhdojë përpjekjet për të përparuar në këtë proces. Këto konkluzione, sipas njohësve të integrimeve evropiane, tregojnë se raporti për liberalizim të vizave i Komisionit Evropian, që pritet të publikohet gjate ditëve në vijim, nuk do ta rekomandojë heqjen e vizave për Kosovën.

Megjithatë, njohësit e integrimeve evropiane i kanë ftuar institucionet e Kosovës të mos i vajtojnë këto konkluzione, por t’i përvishen punës për nxjerrjen e qytetarëve nga ky izolim.

Shenoll Muharremi ka deklaruar për “Epokën e re” se Kosova ende gjatë vitit 2016 mund ta ketë liberalizimin e vizave.

“Nëse ky është rasti, Kosova gjatë tremujorit të 2016-s mund t’i zbatojë kushtet e mbetura përfundimtare dhe pjesën e dytë të vitit 2016 të lirohet nga vizat. Pra, nëse hyrja në fuqi e liberalizimit të vizave për Kosovën ndodh në qershor (nëse ishte rekomanduar tani në dhjetor) apo tetor (nëse rekomandohet në mars/prill) pak ka rëndësi, me rëndësi është që ajo të ndodhë gjatë 2016-s. Andaj, nuk është në interesin tonë të vajtojmë e të biem në depresion, pasi këtë javë nuk është rekomanduar liberalizimi i vizave”, ka thënë Muharremi.

Për shtyrjen e këtij procesi ai i ka fajësuar institucionet e Kosovës, duke shtuar se gjetja dhe identifikimi i fajtoreve bëhet për konsum të brendshëm politik.

“Po lexoj që diskursi dhe fokusi rreth konkluzioneve të Këshillit të BE-së është se ‘kush i ka fajet’, apo si në rastin e reagimit të Qeverisë si të dislokohet faji në një ‘qendër tjetër’. Sigurisht se fajin e kemi ne, por ky konkludim nuk do të na sjellë shumë dobi në këtë moment. Reagimi i z. Thaçi ka qenë i keqkalkuluar politikisht dhe mund të jetë i rrezikshëm, me pasoja, për Kosovën”, është shprehur Muharremi.

Edhe njohësi tjetër i integrimeve evropiane, Vigan Qorrolli, e ka fajësuar Qeverinë e Kosovës për këtë dështim.

“Raporti i Këshillit të BE-së, në pjesën ku ishin pritshmëritë më të mëdha të kosovarëve (tek vizat), flet për një kritikë të vetme dhe ajo është mospërmbushja në plotësi e të gjitha kritereve të parapara me udhërrëfyesin për liberalizim, që i është dorëzuar qeverisë muaj më parë. Kjo gjë e mbrapshton dhe e demanton fuqishëm Qeverinë, e cila në secilën ditë të saj krenarisht deklaron se i ka përmbushur të gjitha kushtet”, ka deklaruar Qorrolli për “Epokën e re”.

Mirëpo, sipas tij, kushtet për liberalizim të vizave nuk janë krejtësisht teknike, siç zakonisht thuhet.

“Aty ka kushte të rënda politike dhe që lidhen me luftën kundër krimit të organizuar dhe korrupsionit. Këtë gjë institucionet e drejtësisë nuk janë duke e bërë në nivel të duhur. Kjo është goditja më e madhe që BE-ja ia jep Kosovës pas nënshkrimit të MSA-së, e cila goditje do ta thellojë edhe më tej skepticizmin qytetar për BE-në, veçanërisht për Qeverinë e Kosovës. Me patjetër që kësaj situate i ka kontribuar edhe gjendja e rëndë politike në vend, ku pozitë dhe opozitë bashkë, po i japin arsye këtij mosliberalizimi dhe po e rrisin vështirësimin e mëtejmë të gjendjes për qytetarët tanë”, ka thënë Qorrolli.

Ai ka treguar se për të pasur liberalizim të vizave gjatë vitit 2016 duhet të luftohen më tepër krimi i organizuar dhe korrupsioni.

“Hapi vijues është ai i ardhjes së një grupi ekspertësh, kryesisht burokratë të Brukselit, të cilët jo para pranverës së vitit 2016, do të duhej t’i rivlerësonin edhe një herë rezultatet për përmbushjen e kritereve. Nëse edhe deri atëherë nuk ka rezultate në luftë kundër krimit dhe korrupsionit, me vendime të plotfuqishme të gjykatave – vendimi i ri për liberalizim ose jo do të shtyhet për fundin e vitit 2016. Kjo gjendje është e pashpresë dhe e paudhë. BE-ja dëshiron që Kosovën ta bëjë shtet të së drejtës e jo të padrejtësive, ku qytetarët vuajnë për gjëra më elementare, në momentin kur besimi popullor në politikë, drejtësi, ekonomi dhe arsim nuk ka qenë kurrë më i paktë dhe është në pikën zero të tij”, ka thënë Qorrolli. /Epoka e Re