Kreu i Lidhjes Demokratike të Kosovës (LDK), Isa Mustafa ka folur pas përfundimit të procesit zgjedhor brenda LDK-së.

Ai është shprehur i kënaqur me procesin e zgjedhjeve, duke e cilësuar si korrekt dhe demokratik.

“Procesi zgjedhor ishte korrekt dhe demokratik”, ka thënë Mustafa, transmeton zeri.info.

Zërat që kundërshtuan zgjedhjen e tij, Mustafa tha se nuk do t’i dëgjojë dhe nuk do të merret me ata që këtë proces e quajtën si formë diktature.

“Ishte një kuvend i suksesshëm ashtu siç e ka natyrën LDK-ja me mundësi të vërejtjeve, me vota ashtu siç e parasheh rregullorja edhe statuti dhe me pajtim të pjesës dërmuese të delegatëve të Kuvendit. Në fjalorin e atyre që e kanë në mendësinë e tyre diktaturën nuk merrem. Delegatët që kanë qenë këtu janë të vetëdijshëm dhe të moralshëm për votën e tyre, pasi që është pronë e tyre”, tha Mustafa.

“Ata më kanë votuar në përjashtim të dy apo tre të tjerëve dhe çdo cilësi tjetër është edukatë e tyre personale”, tha tutje Mustafa.

Ai po ashtu tha se nga sot LDK do të jetë edhe më unike dhe më e fortë.

Mustafa u shpreh i bindur se LDK-ja, në zgjedhjet e ardhshme parlamentare do të jetë fituese.

Një person është kërcënuar me armë nga borxhliu. Policia e Kosovës njofton se ngjarja ka ndodhur në Prizren.

“Një person ka informuar se kishte shkuar në shtëpinë e të dyshuarit për t’i kërkuar një shumë të parave që i kishte borxh, mirëpo i dyshuari e kishte kërcënuar me armë zjarri”, njofton Policia e Kosovës.

“Gjatë kontrollit në shtëpinë e të dyshuarit është gjetur dhe konfiskuar një pushkë automatike AK/47 me 29 fishekë të kalibrit 7.62mm dhe një pushkë ajrore”.
Me vendim të prokurorit i dyshuari pas intervistimit është liruar. Rasti vazhdon në procedurë të rregullt./PrizrenPress.com/

Përfaqësues të Lëvizjes “Vetëvendosje”, partisë në opozitë në Kuvendin Komunal (KK) të Prizrenit, kanë kritikuar anëtarët e ekzekutivit duke thënë se ata nuk përfillin rregulloret, derisa po anashkalojnë asamblistët duke mos ua kthyer përgjigjet në pyetjet e parashtruara gjatë mbledhjeve të KK-së.

Megjithatë, drejtuesit e Asamblesë kanë hedhur poshtë si të paqëndrueshme deklarimet e këtilla.

Këshilltari komunal nga LVV, Arbër Rexhaj, në mbledhjen e fundit të këtij organi e ka vlerësuar si papërgjegjësi mosgatishmërinë e anëtarëve të ekzekutivit lokal për t’i kthyer me shkrim përgjigje anëtarëve të Kuvendit, ndonëse për këtë janë të obliguar.

“Ju e keni ekzekutivin dhe jeni të obliguar të na ktheni përgjigjet në pyetjet të cilat i parashtrojmë me qëllim që të sqarohen çështjet me rëndësi për qytetarët”, ka thënë ai në mbledhjen e fundit, në të cilin pos udhëheqësisë së KK-së prezantojnë edhe drejtorët.

Rexhaj ka thënë se përkundër që parashtron disa pyetje në pikën përkatëse të rendit të ditës në mbledhjet e organit më të lartë lokal, ai merr pak përgjigje.

Por, nga kjo neglizhencë ka përjashtuar dy drejtori, atë të Shërbimeve Publike dhe të Kulturës, Rinisë e Sportit../zeri/

(I plotësuar) Kryetari i Degës së LDK’së në Suharekë, Sali Asllanaj, ka thënë se nuk kanë mundur t’i numërojnë votat pasi kanë shpërthyer duartrokitjet e delegatëve të LDK’së.

Ai ka thënë se ka votuar për Isa Mustafën për të udhëhequr LDK’në.

Sidoqoftë, Asllanaj ka sqaruar se më mirë do të ishte sikur votimit të organizohej në mënyrë të fshehtë. /Gazeta Express/

Sali Asllanaj: Nuk pati diktaturë në LDK

Delegati i LDK-së Sali Asllanaj i ka vlerësuar se gjithçka ishte në rregull dhe në përputhje me statusin e partisë.

“Zgjedhja e Isa Musfatës u bë me meritë. Ai ka marrë shumicën e votave të delegatëve”, tha Asllanaj.

Asllani ka thënë se nuk pati diktaturë në LDK. Sipas tij Kosova e ka kaluar atë përiudhë para 15 vitesh./Klan Kosova/