Deputeti i Nismës Zafir Berisha ju është drejtuar me një letër publike “nipave të Serbisë”.

Ai në këtë letër ka bërë një vargë pyetjesh.

Postimi i plotë në Facebook

Nipave të Serbisë dhe barkqitjes sllave që po kundërmon në Kosovë.
-Ku ishit kur Komandanti Legjendar Adem Jashari së bashku me familjen e tij i rezistoi makinerisë ushtarake,policore dhe paramilitare Serbe?
-Ku ishit dhe pse e latë vetëm në vijën e frontit Komandantin Fehmi LLadrofci?
-Ku ishit dhe pse i vendoset në pritë luftëtarët dhe prijësit e mëdhenj të UÇK-së Zahir Pajazitin, Edmond Hoxhen dhe Akif Zejnullahun?

-Ku ishit dhe pse e vendosët në pritë Luan Haradinajn, Remzi Ademajn, Tonin dhe Micin, Ismet Jasharin “Kumanovën” dhe shumë prijës tjerë të UCK-së?
-Ku ishit dhe pse heshtni për fatin e veprimtarit të madh të çështjes kombëtare Behadin Allaqi?

-Ku ishit dhe pse heshtni për vrasjen e Komandantit të Zonës Operative të Pashtrikut Ekrem Rexha – DRINI?

-Ku ishit ju dhe cili ishte roli juaj në kurdisjen e dosjeve kundër qindra luftëtarë të UCK-së të cilët u burgosët në Burgjet e UNMIK- RUSISË në mesin e të cilëve edhe luftëtarët e mëdhenj, vëllezërve KIQINA dhe RAMADANI?

-Ku jeni tash dhe cili është roli juaj në bërjen e dosjeve kundër djemve dhe vajzave të UCK-së për në Gjykatën Speciale, me qëllimin që luftën çlirimtare të UCK-së ta barazoni me luftën okupuese të Serbisë.
Ju nipat e Serbisë, që jeni produkt I projektit të UDB-së , që prindërit tuaj të martohen me serbe për të lindur sa më shumë fundërrina sikur ju me qëllimin që sa më thellë ta lëndojnë shqiptarinë në trojet e veta, dhe ju barkqitja sllave që po kundërmoni edhe nëpër këto ditë të vështira nëpër të cilat po kalon vendi dhe asnjë herë nuk e merrni guximin të dilni publikisht të tregoni se jeni në shërbim të Serbisë, po ashtu të tregoni fytyrën e vërtetë që keni keqpërdorur për 10 vite rresht emrin familjes se madhe të Komandantin Legjendarë Adem Jashari, deri sa e kapët shtetin, ndërsa tash e 5 vite nuk guxoni të shkelni në Kullën legjendare të kësaj familje, sepse ka filluar të ju shqyhet maska dhe të dalë në shesh fytyra juaj e vërtetë.

Në asnjë mënyre ju,nuk mund të i ikni fakteve dhe të dhënave të familjes legjendare, edhe për kundër joshjeve me poste ambasadori dhe shantazheve të cilat ju i bëni që e vërteta për ju të mos dal në shesh.

Përpjekjet e juaja janë të kota dhe nuk do t’ia arrijnë qëllimit, as me propagandë linçuese ndaj djemve dhe vajzave të cilët janë të vendosur që kauzën tonë kombëtare ta dërgojnë përpara dhe më asnjë çmim të mos lejojnë që ju ta zhbëni Republikën dhe Serbinë ta ktheni në Kosovë.
Z.B

Drejtori i arsimit në Komunën e Prizrenit, Nexhat Çoçaj, kërkon në gjykatë 3 mijë euro dëmshpërblim nga asamblistja e Lëvizjes Vetëvendosje, Drita Millaku, duke akuzuar se kjo e fundit ka shpifur ndaj tij.

Në Gjykatën Themelore të Prizrenit, të mërkurën u mbajt seanca gjyqësore ku Nexhat Çoçaj ka paditur për shpifje asamblisten e Lëvizjes Vetëvendosje Drita Millaku.

Në padinë e Çoçajt thuhet se në cilësinë e kuvendares, më 26 shkurt 2015, Millaku ka bërë deklarime të pavërteta nga foltorja e kuvendit të Prizrenit në lidhje me listat e pagave të mësimdhënësvë të ShFMU “Lekë Dukagjini”.

Sipas padisë, ajo ka thënë se në këtë shkollë po fshihet lista e pagave pasi që në këtë shkollë punon gruaja e drejtorit të arsimit Nexhat Çoçaj, e cila dyshohet se ka përfituar nga paga.

“Duke ditë faktin se të gjithë mësimdhënësit e kësaj shkolle e dinë saktësisht rrogën ë bashkëshortes sime, por edhe të kolegëve tjerë. Kjo njëherësh është edhe një shpifje tjetër, duke keqpërdorë detyrën zyrtare dhe duke futur urrejtje në kolektivin e shkollës ku punon bashkëshortja ime”, thuhet në padinë e Çoçajt.

Çoçaj më tutje thotë se “deklarimet e saja të pamatura u bënë shkas për thirrjen e protestave dhe parullat që u përdorën në ato protesta kundër meje, më 7 mars 2015”.

Si rezultat i kësaj, Çoçaj në padinë e tij të deponuar në Gjykatën Themelore të Prizrenit, ka kërkuar nga asamblistja Millaku, 3 mijë euro në emër të dëmshpërblimit material dhe jo material.

Në fillim të seancës përgatitore, gjykata refuzoi kërkesën e Çoçaj, që në cilësinë e dëshmitarëve të ftohen edhe drejtori, zëvendës drejtori dhe sekretari i shkollës fillore “Lekë Dukagjini”.

Ndërsa e paditura Drita Millaku tha se kishte pritur nga gjykata që kjo padi të rrëzohej ngase ishte bërë në emër të Drejtorisë Komunale të Arsimit e jo në emrin personal të Nexhat Çoçajt.

Mirëpo pas sqarimit të Çoçaj për këtë çështje, gjykata morri vendim me të cilin e konsideroi si të bazuar padinë ngase pas precizimit u konstatua se padia është në emrin personal të Çoçajt.

Millaku, në gjykatë u sqarua edhe lidhur me fjalimin e saj të mbajtur në seancën e Kuvendit Komunal të Prizrenit.

“Nuk e di se a e ka pas të qartë zotëria [Nexhat Çoçaj], shqetësimin për të cilin e kam ngritur pyetjen ka qenë se mësimdhënësve u ka munguar lista e nënshkrimeve të rrogave, do me thënë se qysh e ka marr ky, se qysh i ka dhënë kahje”, tha Millaku për KALLXO.com.

Të dyja palët propozuan provat e tyre në seancën përgatitore, mes të cilave edhe CD-në e mbajtjes së fjalimit në konferencë për media të Drita Millakut, si dhe CD-në bashkë me transkriptin nga fjalimi në mbledhjen e Kuvendit Komunal në Prizren.

Seanca e shqyrtimit kryesor u caktua për datë 28 dhjetor 2015.

Një muaj më parë, Millaku kishte fituar rastin në gjykatë për shpifje ndaj drejtorit të shërbimeve publike në këtë komunë, i cili kërkoi falje publike ndaj asamblistes./kallxo.com/