Sekretari amerikan John Kerry në një deklaratë për media ka thënë se SHBA-të përshëndesin përparimin e Kosovës në dialogun me Serbinë. Me nënshkrimin e MSA-së Kerry tha se Kosova I është afruar integrimit në BE.
Ndërkohë që ka bërë me dije se marrëveshjet që Kosova ka nënshkruar kanë mbështetjen e plotë të SHBA-ve pasi që sipas tij SHBA-të nuk do të mbështesnin marrëveshjet që cënojnë integritetin e SHBA-ve./Zeri/
Lexoni deklaratën e plotë.
Flamujt qe keni vendosur tregojnë se jam në një vend krenaria dhe respekti që keni ju ndaj shtetit tonë. Ju jam mirënjohës për këtë sjelljes në emër të SHBA-ve,.
Është një rrugëtim I rëndësishëm që kemi bërë së bashku dhe kjo ka të bëjë me respektin e ndërsjellë. Kosova meriton një vizitë më të gjatë dhe ju kam premtuar se do të vij sërish kur të kem më shumë kohë. Por kam menduar se përderisa do të shkoj në Beograd dua që të vij edhe këtu që të flasim për dialogun. Dua të sigurohem që Kosova ka kuptuar respektin dhe angazhimin tonë në këtë proces. Në emër në të presidentit Obama ju kam sjell përshëndetjet e tij.
Ne patëm një takim produktiv me kryeministrin dhe zëvendëskryeministrat. Ne folëm për çështjet e sigurisë, ekonomike, sfidat në parlament, folëm edhe për mundësitë e punësimit.
Ne e dimë që shumica e popullsisë në Kosovë janë të ri dhe ata kanë nevojë për punë. Duhet të kemi pak durim dhe reflketim dhe angazhim që pritet të ndodhë në të ardhmen. Ka raste të shumta për qytetarët e Kosovës dhe të rajonit dhe ka shumë mënyra që kombet tona të arrijnë te këto mundësi nëse bashkëpunojmë.
Derisa diskutuam se Kosova ka bërë një progres të fuqishëm në rrugën për integrimin në Evropë. Nënshkrimi I MSA-së paraqet një hap të madh në këtë drejtim. Këto fitore janë rezultat direkt i vullnetit të Kosovës për të bërë progres në dialogun me Serbinë të lehtësuara nga BE-në.
Vendimet e Kosovës nuk kanë qenë të lehta mirëpo aftësia për ti bërë ato për të mirë të vendit, quhet lidership. Unë jam këtu të ju sjell respektin e presidentit Obama për të ju përgëzuar për lidership.
SHBA-të përshëndet Kosovën për përparimet dhe përpjekjet në dialog me Serbinë. Ne nuk do të mbështesim asnjë marrëveshje që cenon integretitin dhe shtetin e Kosovës.
Ne kemi investuar shumë në Kosovë për ta lënë atë në rrezik. Dhuna është e papranueshme në Kuvendin e Kosovës. Në Kuvendin e Kosovës duhet të ketë një vend ku do të ketë debat ku njerëzit dëgjojnë njëri tjetrin në mënyrë paqësore.
Liria e shprehjes do të thotë se njerëzit kanë të drejtë të flasin. Duhet të gjindet një rrugë e përbashkët dhe kjo është kryesore për Kosovën. Ne në SHBA vijmë nga parti të ndryshme por kemi gjetur gjuhë të përbashkëta. Ne e kemi kuptuar këtë rrug që ta lëmë prapa luftën. Debati duhet të ndodhë në demokraci. Nuk ka vend për gaz lotsjellës në Kuvend. Të gjitha partitë duhet të largohen nga dhuna dhe të gjejnë rrugën e përbashkët. Rruga e përbashkët do të ishte që secili qytetarë të trajtohet i njëjtë pavarësisht, racës, gjinisë e orientimit seksual.
Kosova do të themeloj Gjykatën Speciale e cila do të merret me dyshimet e krimet të luftës. I kërkon liderëve të Kosovës të luftoj korrupsionin. SHBA do të qëndroj pranë Kosovës.
Ne kemi bashkëpunuar me Kosovën që të adresojmë çështjet e ekstremizmit të dhunshëm dhe kthimin e qytetarëve nga ISIS. Kosova po vendos shembull të rëndësishëm në rajon duke arrestuar persona të ndryshëm.
Mustafa: Populli gjithmonë mirënjohës ndaj SHBA-së
Kryeministri i vendit Isa Mustafa gjatë një konferencë që është duke e mbajtur për media me sekretarin e SHBA-së, John Kerry, ka falënderuar SHBA për mbështetjen dhe vazhdon të përkrah Kosovën në të gjitha aspektet.
“ E vlerësoj lartë përkrahjen e Amerikës për lirin e pavarësisë së Kosovës, dhe do të jemi gjithmonë mirënjohës për SHBA çka ka bërë dhe po bënë për Kosovës”, ka thënë Mustafa.
Kryeministri i deklaruar se Qeveria e Kosovës është e gatshme të dialogon me opozitën duke shtuar se Qeveria nuk e pranon dhunën e opozitës në Kuvend. / Zëri/