Kuvendari i PDK-së Shukri Çuni e ka vlerësuar tendencioz thirrjen e seancës së Kuvendit,për të diskutuar për arsimin e Prizrenit.
“Sa herë kemi mbajtur seancë për arsim. Kjo seancë është tendencioze dhe ka për qëllim shkarkimin e Nexhat Çoçajt”, ka thënë ai.
Sipas tij, drejtori Çoçajt është dashur të jetë në seancë./PrizrenPress.com/
Kuvendarja e LDK-së Mybera Mustafa, në emër të grupit opozitar në Prizren, ka kërkuar nga kryetari i Prizrenit, Ramadan Muja, që të pezullohen nga postet e tyre zyrtarët e Drejtorisë së Arsimit.
Sipas saj, arsimi në Prizren është degraduar.
“Kryetari i Prizrenit në vend të pezullimit emron nipin e tij ushtrues të detyrës”/PrizrenPress.com/
Mbreti i Jordanisë, Abdullah II bin Al-Hussein në një konferencë për media gjatë vizitës që po zhvillon në Kosovë ka thënë se është i lumtur me përparimin që ka bërë Kosova që nga paslufta.
“Është kënaqësi të jem përsëri këtu dhe të shoh ndryshimet që janë bërë në Kosovë”.
Ai ka theksuar se Kosova është shembull i tolerancës fetare, ndërsa ka komentuar sulmet e Parisit, që i ka quajtur shpërfaqje të tmerrit të terrorizmit, njofton Klan Kosova.
“Kosova reflekton vlerat më të mira, vlera të cilat duhet t’i reflektojmë të gjithë”.
“Sulmet e tmerrshme të Parisit tregojnë se grupet terroriste nuk respektojnë asnjë ligj në botë”.
“I thashë presidentes Jahjaga se ne jemi pak para Luftës së Tretë Botërore”, transmeton KlanKosova.
Fakultete dhe drejtime të ndryshme janë hapur në Universitetin Publik “Ukshin Hoti”, në Prizren, por ato nuk po ofrojnë kushtet e duhura për studentët.
Studentët e këtij universiteti, kryesisht ata të vitit të parë, në rubrikën e përjavshme “VOX” të Radios Evropa e Lirë, tregojnë për shqetësimet e tyre lidhur me mungesën e hapësirë së duhur për vijimin e ligjëratave.
Vesel Hajdari, i cili studion në Fakultetin Ekonomik në vitin e parë, thotë se për shkak të numrit të madh të studentëve, e ka të vështirë që t’i dëgjojë ligjëratat.
“Unë jam në grupin e tretë të ligjëratave në drejtimin Administrim i biznesit. Nuk po mund të hyj në këtë grup për vijimin e ligjëratave, pasi që është një tollovi e madhe. Jo vetëm në grupin e tretë, por njëjtë është edhe në grupin e parë dhe të dytin. Edhe një çështje tjetër është se edhe orarin nuk e kanë bërë si duhet dhe nuk po dimë çka të bëjmë”, tregon Hajdari.
Mungesa e hapësirës, problem për studentët në Prizren
ListaShkarkoje
Liridon Bytyçi, student i vitit të parë në Fakultetin e Edukimit, konsideron se si pasojë e moscaktimit si duhet të orareve për ligjërata, ato nuk po mbahen me rregull. Ai thotë se nga kjo mund të humbin shumë studentët.
“Qe një muaj ka filluar viti i ri akademik dhe ende nuk kanë dalë listat për të treguar se në cilin grup je. Studentët nuk e dinë ende se në cilin grup janë. Ende ka paqartësi, duhet të vijmë herët në mëngjes dhe të thonë je në grupin e parë ose të dytin ose edhe në të tretin”, rrëfen Liridoni.
Adi Skenderi, student i Fakulteti Ekonomik, është pjesë e një grupi prej 100 studentësh, që dëgjon ligjëratat në drejtimin Administrim biznesi:
“Jemi tri grupe me nga 100 studentë që bëjnë 300 studentë. Mendoj se një grup prej 100 studentësh është numër i madh. Vendi është jo i mjaftueshëm, kurse zhurma shumë e madhe dhe nuk dëgjohen ligjërata – studentë shumë e vendi i vogël”.
Liridona Aliaj, studente në Fakultetin e Edukimit, drejtimi fillor, thotë se nëse nuk ka një ndarje të më shumë grupeve, vijimi i ligjëratave do të jetë problem.
“Ende nuk kemi jemi adaptuar siç duhet me ligjërata. Po na thonë se ende është fillimi, se do të ndryshojnë gjërat dhe do të ketë më shumë grupe. Ne po presim që do të jetë ashtu, se me të vërtetë kjo çështje është problem. Mendoj se problem kanë qenë edhe afatet e fundit të pranimeve të studentëve, siç ka qenë ai për pranimin e fëmijëve të veteranëve. Na kanë thënë se kur të përfundojë gjithçka në këtë drejtim, do të ketë më shumë grupe”, thekson Liridona.
Kurse, Antoneta Badalli tregon:
“Jemi diku rreth dyqind studentë që ndjekim ligjërata në të njëjtën kohë dhe unë mendoj se nuk është normale kjo gjë. Mund të ketë studentë, të cilët nuk janë në gjendje që të ndjekin ligjërata ose nuk janë në humor për diçka të tillë dhe mund të bëjnë zhurmë dhe nuk mund të ketë ligjëratë cilësore”.
Nga ana tjetër, Albin Muçaj, i cili studion në njërin nga fakultetet e Universitetin të Prishtinës “Hasan Prishtina”, është i interesuar që të transferohet në Universitetin e Prizrenit, por deri më tash thotë se nuk ka marrë ndonjë përgjigje pozitive.
“Jam i interesuar që të transferohem nga Prishtina në Prizren, nuk e di ndoshta edhe bëhet kjo punë. Në Prishtinë në universitet nuk janë kushtet edhe shumë të mira, në ligjërata ka zhurmë, profesorët nuk vijnë me rregull, dikush mungon. Mendoj se kërkesat e studentëve që kanë dëshirë për t’u transferuar, do të ishte mirë që të merren parasysh”, mendon Albini.
Fitore Krasniqi nga Prizreni, e cila studion në Fakultetin Ekonomik dhe që i takon gjeneratës së parë që kur është hapur universiteti, tregon për eksperiencën e saj:
“Edhe në fillim kur është hapur universiteti, ka pasur numër të madh të studentëve dhe ka pasur rregulla sa i takon vitit 2010 deri më tani. Tani nuk e di se si janë rregullat dhe sa është numri i studentëve, por unë mendoj se është mirë gjithçka”.
Universiteti publik “Ukshin Hoti” në Prizren, ka nisur punën në vitin 2010, pas vendimit të Qeverisë së Kosovës për themelim.
Selia e Universitetit “Ukshin Hoti” është në Prizren dhe është universiteti i dytë publik në Kosovë.
Në vitin 2010, numri i studentëve ishte afër 1.700, ndërsa në vitin 2014 numri i studentëve ishte rreth 10.000.
Aktualisht, Universiteti i Prizrenit ofron studime në ciklin Bachelor dhe Master.
Një 65-vjeçar i zhdukur prej pesë ditësh është gjetur pa jetë në një greminë nga policia në qytetin e Dibrës.
Faik Lasku ishte denoncuar si i zhdukur nga familjarët e tij dhe policia kishte ditë që po e kërkonte. Sipas policisë, viktima nuk kishte shenja dhune në trup.
Gjykata e Tiranës ka dhënë masën e sigurisë “arrest me burg” për Emiljano Tashon, i cili dyshohet se ka vrarë para pak ditësh në Linzë Enton Nikajn pas një sherri të momentit.
Tasho, ndaj të cilit rëndon edhe akuza për një plagosje të kryer në korrik të këtij viti, ka qenë i shoqëruar ditën e krimit nga katër miq të tij, dy prej të cilëve janë vënë në panga. Po ashtu, gjykata ka dhënë “arrest me burg” edhe për Enver Biraçin, personin që e ndihmoi Tashon të strehohej në banesën e tij ndërsa ishte shpallur në kërkim nga policia.
Edhe hetimet e Moskës zyrtare kanë arritur në përfundimin se katastrofa e avionit rus, i cili u rrëzua me 224 persona në bord, është një akt terrorist. Lajmi është bërë i ditur nga shefi i shërbimit sekret sur Aleksandër Bortnikov.
Sipas këtij të fundit, shkaku që avioni është rrëzuar në Sinai në datën 31 tetor, është vendosje e një bombe artizanale. Këtë e përforcon edhe fakti që në pjesët e shpërbëra të avionit janë gjetur gjumë eksplozivi të prodhimit të huaj.
Bomba kishte një fuqi të barabartë me 1.5 kilogramë tritol. Ndërkohë është përgënjeshtruar lajmi ku janë arrestuar dy funksionarë të aeroportit të Sharm el-Sheikh, të dyshuar se kishin vendosur bombën në avion. Saktësimi vjen nga agjencia “Mena”, e cila citon burime të Ministrisë së Brendshme: “Lajmi është i pavërtetë”.
Ka kaluar tashmë një vit që nga humbja tragjike e kantautorit Dr. Flori, një prej personazheve më të dashur të muzikës shqiptare.
Kompozitori dhe tekstshkruesi i shumë hiteve që do të rrembënin zemrën e fansave, u nda nga jeta më datë 17 nëntor 2014, në moshën 35 vjeçare, duke lënë pas, jo vetëm bashkëshorten Blerinë dhe dy fëmijë, vajzën Kaltrina dhe djalin Daniel, por dhe shumë këngë të papërfunduara. E tillë ishte dhe një demo e lënë në studio, të cilën i vëllai i tij Albani sëbashku me një prej mikeshave të tij më të ngushta Aurela Gaçe, e shndërruar një hit me titullin “Baba në ktë skenë” pikërisht këtë verë që lamë pas.
Një dedikim të ndjerë i ka bërë bashkëshortja e tij, Blerina, e cila i shkruan disa radhë shumë prekëse. Ja çfarë shkruan ajo:
“Sot u bë një vit pa ty, pa gjënë më të çmuar të jetës sime, kam mbetur ende tek 17 nëntori i një viti më parë, ku nuk mund të besoja se tashme do të më duhej të ecja e vetme, në udhëtimin që nisëm bashkë. Flori na ka marrë marrë të gjithëve për ty. Kaltrina përpiqet të jetë e përmbajtur se ka hallin tim, përpiqet të fshehë gjithçka që ndodh brenda saj, por ka ditë që shpërthen në lot dhe unë e lë të qajë dhe i bashkohem fshehurazi lëtove të saj. Ishte shumë e vogël për të pasur një mugesë kaq të madhe Flori, por ndidhet krenare kur flitet për ty. Danieli të përqafon. Po, po merr fotografinë tënde dhe i flet asaj. Po përpiqem të dëshifroj dhe më duket sikur pyet … pse .. pse .. pse Pse s’mund të luajmë bashkë, pse nuk ece dhe pak kohë mbi tokë dhe unë do të isha një arsye më shumë për të vazhduar udhëtimin bashkë me mamin.
Flori, ti thjesht mungon fizikisht sepse unë sërisht flas me ty thuajse gjithë ditën dhe kur flenë femijët jam sërisht me ty, sepse ti je ëndrra ime çdo natë, pastaj zgjohem me ty dhe kështu përsëritet çdo ditë. Ndryshimi i vetëm është se fëmijët po rriten dhe bashkë më to dhe mungesa jote. Flori ju mungon të gjithëve, mamit, babit, Albanit, Idës, të gjithëve. Të duam shumë shumë Blerina, Kaltrina, Daniel”/tvklan.al
Një dhelpër ra njëherë në pus dhe u detyrua të presë, sepse nuk dinte si të dilte. Kur një cjap, i shtyrë nga etja, erdhi në atë pus dhe e pa dhelprën brenda, e pyeti se a ishte uji i mirë. Duke fshehur fatkeqësinë e saj, dhelpra filloi ta lavdërojë, duke i thënë se uji ishte shumë i mirë. Cjapi zbriti poshtë, pasi e kishte marrë etja dhe kur e shoi etjen filloi të mendojë me dhelprën se si mund të dilte prej pusit. Dhelpra i tha se kishte menduar diçka mirë për të shpëtuar të dy: Çoji këmbët e para në murin e pusit dhe afroji brirët. Kur të ngjitem unë lart nëpër kurrizin tënd, kam për të tërhequr mandej edhe ty. Pas një bisedimi të gjatë, cjapi pranoi. Dhelpra kërceu në shpatullat e tij, qëndroi në brirë, doli prej pusit dhe filloi të largohet. Kur cjapi e qortoi që nuk e mbajti fjalën e dhënë, dhelpra u kthye e i tha: I dashuri cjap, sikur të kisha aq mend sa ke qime në mjekër, ti as që do të zbritje në pus para se të mendoje se si kishe për të dalë.
Rasti i UNESCO-s
Edhe përkrahja e aleatëve tanë është thikë me dy tehe. Në njërën anë aleatët tanë për dialogun me Serbinë thoshin që Serbia, përkundër mosnjohjes së pavarësisë, është pajtuar që mos ta pengojë anëtarësimin e Kosovës në institucione dhe agjenci ndërkombëtare, kurse në anën tjetër po na dëshmohet e kundërta. Kjo u dëshmua edhe në UNESCO. Prandaj, duhet që dialogu me Serbinë të rishikohet, sepse s’ia vlen që të vazhdohen bisedimet derisa Serbia bën një luftë të ashpër kundër shtetit të Kosovës, për ta penguar çdo nismë dhe anëtarësim të Kosovës në institucione dhe agjenci ndërkombëtare.
Qeveria e Kosovës duhet t’ia bëj me dije edhe bashkësisë ndërkombëtare se nuk do i vazhdojë më bisedimet, derisa Serbia sillet në mënyrë raciste dhe fashiste dhe bën luftë të ashpër ndaj shtetit të Kosovës.
Duke e njohur Serbinë dhe agresivitetin e saj ndaj shqiptarëve dhe Kosovës, nuk është dashur që në fillim pala kosovare të futej në bisedime pa kushte, sepse kështu s’jemi të barabartë në bisedime. Një ndër ato kushte do të duhej të ishte njoha e pavarësisë së Kosovës, kërkimfalja dhe kompensimi i dëmeve të luftës. Tek atëherë do të ishim të barabartë në bisedime dhe nuk do të ndodhnin kurrë këto pengesa dhe dështime, siç na ndodhi dështimi në UNESCO, që nuk do të kalojë pa pasoja për anëtarësimin e Kosovës, në institucione dhe agjenci të tjera ndërkombëtare.
Popullata e Kosovës ka mbetur si në kafaz
Pasi që deri më tash Serbia nuk është paditur për gjenocidin që ka bërë në Kosovë, nga Qeveria e tanishme dhe qeveritë e mëhershme të Kosovës nuk besoj që do të paditet as sot e as nesër, derisa në skenën politike i kemi këta pushtetarë dhe këtë klasë politike, që mendjen e kanë vetëm tek pushteti, vjedhja, hajnia, tenderomania, paraja dhe luksi, dhe falë të cilëve jemi në këtë gjendje të mjerueshme.
Nga këto bisedime me Serbinë, Kosova deri më tash nga BE-ja nuk ka arritur ta nxjerrë të paktën liberalizimin e vizave, për popullatën e saj që ka mbetur si në kafaz, e lëre më diçka më shumë. Kurse Serbia, edhe pse shtet agresor, falë këtyre bisedimeve dhe favoreve që i bëri Kosova me nënshkrime në dëm të vetes, i fitoi gati të gjitha, liberalizimin e vizave, statusin kandidat për BE, ndihma ekonomike dhe një ‘’autonomi’’ për serbët në Kosovë, me krijimin e Asociacionit të komunave serbe, ose ndryshe siç po e quajnë serbët “Zajednica’’.
Franca ka deklaruar të hënën se “shfaqja duhet të vazhdojë”, duke bërë thirrje publike për t’u kthyer në bare, restorante dhe koncerte, pavarësisht nga sulmet terroriste që goditën Parisin të premten.
Ministri i Kulturës, Fleur Pellerin, ka thënë se artistët kurrë nuk do të duhej t’i linin koncertet.
“Përpara barbarisë, kultura është mburoja jonë më e madhe dhe artistët janë arma jonë më e mirë”, është shprehur ai, shkruan Politiko.net.
Simboli i Parisit, Kulla Eiffel, e cila u mbyll të premten pas tragjedisë, tashmë është hapur për publikun – e ndriçuar me ngjyrat kaltër, bardhë dhe kuq të flamurit francez.
Teksa Kryeqyteti i Francës po përpiqet ta marrë veten nga të shtënat dhe shpërthimet e kamikazëve që lanë 129 të vdekur, disa nga qytetarët kanë nisur t’ua thyejnë hundët terroristëve me idenë për jetën.
Adhurues të muzikës kanë shpërndarë në Twitter kujtimet e tyre më të bukura nga Salla e Koncerteve “Bataclan” – ku shumica e viktimave të sulmeve të së premtes vdiqën aty, ndërsa të tjerë filluan një kampanjë në Facebook për ta çuar bendin Eagles of Death Metal në krye të top-listës britanike.
Me deklaratat emocionale se “muzika live” duhet të vazhdojë në qytetin e shokuar, hashtag’u #MonPlusBeauSouvenirDuBataclan (Kujtimet e mia më të bukura nga Bataclan) u shndërrua në një prej temave më të diskutuara në Twitter, në Francë, me plotë veta që shpërndanin foto dhe video të artistëve që dikur kishin performuar aty – përfshirë Jeff Buckley dhe Arctic Monkeys.
Ministri Pellerin ka pohuar se Qeveria është duke përgatitur një fond të veçantë për të ndihmuar që argëtimi të merrte jetë sërish, duke shtuar masa të reja sigurie.
“Francezët nuk do të ndalojnë së shkuari në koncerte dhe nuk do të pushojnë t’i shpërndajnë momentet e tyre të kënaqësisë”, ka thënë ai. /Politiko.net
https://youtu.be/5wlL0-xvHb4