Kryetari i Këshillit Kombëtarë i subjektit politik Nisa për Kosovën, Jakup Krasniqi nëpërmjet rrjetit social Facebook i është drejtuar prokurorit finlandez të EULEX-it, Heikki Wendorf në lidhje me rastin e skandalit të fundit me letrën drejtuar presidentes Atifete Jahjaga, për kryeprokurorin e shtetit, Aleksandër Lumezi, derisa ky i fundit po priste dekretimin për pozitën e tij.

“Njeriu me mendje të kthjelltë ne një rast të tillë nuk ka qare pa ia shtruar një pyetje vetvetes, në ketë rast pse jo edhe ju. Nëse letrën që i keni dërguar Presidentes e keni ngritur mbi bazën e thashethemeve, sa akuza i keni ngritur mbi bazën e thashethemeve? A është ky rasti i parë dhe i vetmi që Prokurorët e EULEX-it ngritin akuza mbi ketë farë baze?Unë po u besoj, besoj se një soj si unë, ju besojnë edhe shumë bashkëkombës të mi. A e dini pse? Në Kosovë është një grup i madh i njerëzve që për shumë vite kanë bërë punë të liga kundër vendit e popullit tonë, kanë ngritë edhe medie te fuqishme, ku kanë akuzuar rrejshëm kundër cilitdo që ka guxuar të luftoi për liri. Ata nuk kanë guxuar ta bëjnë një gjë të tillë kundër Serbisë, por e kanë fituar guximin me yshtjet e disa ndërkombëtarëve, për të dëshmuar rrejshëm ndaj pjestarëve te UÇK-së. Mbi bazën e dëshmive të rrejshme dhe të thashethemeve janë dërguar dy rast (Limaj dhe Haradinaj) në Tribunalin e Hagës prej nga kanë dalë të pa fajshëm. Pse thua ti? Pse akuzat ndaj tyre kanë qenë të ngritura mbi bazën e thashethemeve ose dëshmive të rrejshme. Kur kjo u ka ndodhur jo pak herë Prokurorëve të tjerë të EULEX-it, ndaj shumë rasteve”, ka shkruar Krasniqi.

Ai ka shtruar pyetjen se kush mund të garanton se mbi bazën e thashethemeve nuk po kërkohet të ngritët edhe Gjykata Speciale për trafikimin e organeve te kryera nga UCK-ja.

“Sigurisht që ka edhe raste të tjera, dhe njeri nga ato raste pa dyshim që është edhe rasti Kiçina. Ata njerëz po mbahen në burg mbi bazën e thashethemeve. Kush duhet të kërkoj falje për rastin në fjalë? Thashetheme, por këto thashetheme njerëzve po ua bëjnë gjamen”, ka shtuar në fund Krasniqi.

Deputeti i PDK-së, Zenun Pajaziti, ka deklaruar se institucionet e Kosovës nuk duhet të zgjedhin në asnjë mënyrë rrugën e Beogradit sa i përket izolimit të lëvizjeve atje nga liderët politikë.

Pajaziti këto komente i ka bërë në Televizionin Rrokum. Sipas tij, ajo që ngec në administratë është mungesa e kapaciteteve dhe stërngarkimi i stafit civil.

Sipas tij, Kosova ka legjislacion të mirë, por duhet zbatuar ligjet sa i përket këtyre fenomeneve. Pajaziti tha se pavarësisht qasjes se Beogradit, rruga e vetme ka me qenë rruga e dialogut.

“Problemet edhe ngecjet sa i përket dialogut, duhet adresuar te faktori ndërkombëtar”.

Derisa sa i përket Listës Serbe, ai ka theksuar se nuk kanë fuqi ta ndajë Kosovën.

“Madje atë fuqi e ka humbur edhe Beogradi”.

Prokurori i EULEX-it, Heikki Wendrof, i cili përmes një letre dërguar presidentes Atifete Jahjaga, kishte akuzuar Kryeprokurorin e Shtetit Aleksandër Lumezi, për përfshirje në vrasje dhe korrupsion, i ka kërkuar falje këtij të fundit.

Wendrof, i cili tani po hetohet nga EULEX-it për këtë letër, në kërkimfaljen drejtuar kryeprokurorit Lumezi, i ka thënë se këto akuza i kishte dëgjuar nga thashetheme të rrugës.

Këtë e ka konfirmuar për RTV21, edhe zëdhënësi i Prokurorisë së Shtetit, Ekrem Lutfiu.

Prokurori Wendrof, këtë letër ja kishte dërguar presidentes Jahjaga, derisa pritej që ajo të dekretonte Lumezin si Kryeprokuror të Shtetit.

Kryetari i Komunës së Malishevës, Ragip begaj, ka pritur sot një delegacion të Këshillit koordinues të shoqatave të të pagjeturve të Kosovës dhe Prenk Gjeta, kryetar i komisionit qeveritar për të pagjeturit, me të cilët ka biseduar për çështje të ndryshme, si dhe ju ka dhënë përkrahjen e tij për punën e asociacionit, përkatësisht në krijimin e kushteve për mbledhjen e fakteve, që të bëhet padi ndaj shtetit serb dhe personave, përgjegjës për vrasjet dhe zhdukjen e qytetarëve, gjatë luftës.

Fillimisht Prenk Gjetaj, e faledneroi kryetarin Begaj, për pritjen,e më pas e njoftoi me punën dhe angazhimin e zyrës që ai drejton, si dhe e njoftoi me punën e bërë për ngritjen e përmendores për të pagjeturit që pritet të zbulohet të hënën në oborrin e Kuvendit të Kosovës.

Më pas kryetari Begaj, duke ju drejtuar delegacioni të asociacionit të shoqatave të të pagjeturve, ju tha se “është pjesë e dhimbjes së tyre dhe përkrah tyre, edhe pse nuk është e lehta dhimbja që ata kanë”. “Kjo kategori, nuk është trajtuar si duhet dhe institucionet tona nuk janë marrë seriozisht me çështjen e të pagjeturve, pasi është dashur që menjëherë të merren me gjetjen e personave të humbur dhe të mos pranohet asnjë lloj bisede me shtetin serb, pa gjetjen e atyre që ata i kanë zhdukur”, tha kryetari Begaj.

Ndërsa z.Bajram Qerkini, në emër të këshillit korrodinues, tha se “neve po na vajtojnë shumë, po ne duam punë konkrete e jo të na vajtojnë”. Sipas tij, kemi ende edhe rreth 1600 persona të pagjetur dhe ne si këshill, jemi duke punuar në gjetjen e fakteve të të gjitha rasteve dhe jemi në proces të ngritjes së padive për të gjitha krimet.

Për këtë, kryetari Begaj, ju premtoi se do të angazhohet në gjetjen e një zyre, për avokatin e shoqatave dhe ta përkrah në gjetjen dhe grumbullimin e dokumentacionit për ngritjen e padive, për të gjitha rastet e krimeve.

Më pas, u vizituan edhe varrezat e dëshmorëve në Malishevë, ku vendosën buqeta me lule dhe u bënë homazhe pranë varreve të dëshmorëve të kombit në Malishevë.