Një aksident automobilistik i mori jetën një 27-vjeçari ditën e sotme. Aksidenti ndodhi në Mirditë, ku kamioni që drejtohej nga Fatmir Regji humbi kontrollin dhe doli nga rruga.
Ngjarja ndodhi tek Ura e Vjetër e Repsit, ku kamioni pa targa ra nga një lartësi prej 40 metrash, ndërsa shkaqet e aksidentit ende nuk janë zbardhur nga organet hetuese.
Drejtuesi i mjetit, edhe pse u dërgua menjëherë në spital për kurim, nuk mundi dot t’u mbijetonte plagëve të mara./Shekulli/
Vetëm pak ditë pasi u nda nga i dashuri Patrick Schwarzenegger, Miley Cyrus është hedhur në sulm, duke puthur këdo që i del përpara.
Siç raporton amerikanja TMZ, Miley ishte e pranishme në një festë në Los Angeles ku u pa duke u puthur me supermodelen Frankie Rayder, fotografin Mert Alas, ndërsa ndau përqafime të zjarrta edhe me supermodelen Cara Delevingne.
Sipas TMZ, tani që Miley është sërish single, nuk ka ndërmend të humbë asnjë minutë nga koha e saj e çmuar.
Prokurori i EULEX-it, Heikki Wendrof, i cili përmes një letre dërguar presidentes Atifete Jahjaga, kishte akuzuar Kryeprokurorin e Shtetit Aleksandër Lumezi, për përfshirje në vrasje dhe korrupsion, i ka kërkuar falje këtij të fundit.
Wendrof, i cili tani po hetohet nga EULEX-it për këtë letër, në kërkimfaljen drejtuar kryeprokurorit Lumezi, i ka thënë se këto akuza i kishte dëgjuar nga thashetheme të rrugës.
Këtë e ka konfirmuar për RTV21, edhe zëdhënësi i Prokurorisë së Shtetit, Ekrem Lutfiu.
Prokurori Wendrof, këtë letër ja kishte dërguar presidentes Jahjaga, derisa pritej që ajo të dekretonte Lumezin si Kryeprokuror të Shtetit.
Një alarm për bombë mesditën e së premtes në Nju Jork, ka detyruar forcat e sigurisë të evakuojnë njerëzit përreth Statujës së Lirisë dhe Ishullit të Lirisë, siç bëhet e ditur nga Shërbimi i Parkut Kombëtar amerikan.
Evakuimi i vendngjarjes ka ardhur pas një telefonate, që kërcënonte për bombë brenda një sirtari me kyç të vizitorëve turistë, të marrë nga policia e Parkut Kombëtar të SHBA-ve rreth orës 11:30, siç bëhet e ditur nga dy zyrtarë të zbatimit të ligjit, raporton Top Chanel.
Policia e Shërbimit në fjalë dërgoi qentë antieksplozivë, njëri prej të cilëve ka nuhatur diçka të dyshimtë brenda sirtarit. Ndaj dhe policia e Parkut Kombëtar ka njoftuar Departamentin e Policisë së Nju Jorkut që të dërgonte ekipet e specializuara për bombat për të hetuar. Megjithatë, zyrtarët theksojnë se nuk është diçka e pazakontë, që të marrin sinjale pozitive false nga qentë antieksplozivë.
Statuja e Lirisë u mbyll në Nëntor të vitit 2012 për shkak të dëmeve të rënda të pësuara nga superstuhia Sandy, e më pas u rihap për mbi 3,5 milionë vizitorë çdo vit, më 4 Korrik 2013, me një ceremoni prerjeje shiriti. Statuja iu dha Amerikës nga Franca në vitin 1886, në shenjë mirënjohjeje të miqësisë mes dy kombeve.
Si çdo shkollë që e ka emrin dhe bustin e vendosur në oborrin shkollës edhe shkolla e mesme e Rahovecit e mban emrin e Heroit të Kosovës, Xhelal Hajda-Toni.
Nga pajkujdesia disa nxënës të mbeshtetur para bustit thyen pllaken siq shihet edhe në foto, te cilet i ka siguruar ORAinfo.
Por, a e meritojn këta Heronje që mos t’i çmojmë e mos ti nderojm, mbetet një enigmë për këta nxënës.
Edhe në shkollën fillore në Krushe të Madhe busti i heroit Bajram Curri, e cila e mban emrin në këtë shkolle nuk ka shpetuar lehtë, bile ky bust është shkarravitur me ngjyra nga nxënësit e kësaj shkolle.H.Hoti /ORAinfo/
Kryetari i Komunës së Malishevës, Ragip begaj, ka pritur sot një delegacion të Këshillit koordinues të shoqatave të të pagjeturve të Kosovës dhe Prenk Gjeta, kryetar i komisionit qeveritar për të pagjeturit, me të cilët ka biseduar për çështje të ndryshme, si dhe ju ka dhënë përkrahjen e tij për punën e asociacionit, përkatësisht në krijimin e kushteve për mbledhjen e fakteve, që të bëhet padi ndaj shtetit serb dhe personave, përgjegjës për vrasjet dhe zhdukjen e qytetarëve, gjatë luftës.
Fillimisht Prenk Gjetaj, e faledneroi kryetarin Begaj, për pritjen,e më pas e njoftoi me punën dhe angazhimin e zyrës që ai drejton, si dhe e njoftoi me punën e bërë për ngritjen e përmendores për të pagjeturit që pritet të zbulohet të hënën në oborrin e Kuvendit të Kosovës.
Më pas kryetari Begaj, duke ju drejtuar delegacioni të asociacionit të shoqatave të të pagjeturve, ju tha se “është pjesë e dhimbjes së tyre dhe përkrah tyre, edhe pse nuk është e lehta dhimbja që ata kanë”. “Kjo kategori, nuk është trajtuar si duhet dhe institucionet tona nuk janë marrë seriozisht me çështjen e të pagjeturve, pasi është dashur që menjëherë të merren me gjetjen e personave të humbur dhe të mos pranohet asnjë lloj bisede me shtetin serb, pa gjetjen e atyre që ata i kanë zhdukur”, tha kryetari Begaj.
Ndërsa z.Bajram Qerkini, në emër të këshillit korrodinues, tha se “neve po na vajtojnë shumë, po ne duam punë konkrete e jo të na vajtojnë”. Sipas tij, kemi ende edhe rreth 1600 persona të pagjetur dhe ne si këshill, jemi duke punuar në gjetjen e fakteve të të gjitha rasteve dhe jemi në proces të ngritjes së padive për të gjitha krimet.
Për këtë, kryetari Begaj, ju premtoi se do të angazhohet në gjetjen e një zyre, për avokatin e shoqatave dhe ta përkrah në gjetjen dhe grumbullimin e dokumentacionit për ngritjen e padive, për të gjitha rastet e krimeve.
Më pas, u vizituan edhe varrezat e dëshmorëve në Malishevë, ku vendosën buqeta me lule dhe u bënë homazhe pranë varreve të dëshmorëve të kombit në Malishevë.
Të premten në Gjykatën Themelore në Prizren u mbajt shqyrtimi gjyqësor ndaj deputetes Duda Balje pasi janë vërejtur mospërputhje ndërmjet të ardhurave që ka deklaruar dhe atyre që ka marrë si deputete e Kuvendit të Kosovës.
Gjykimi vazhdoi me administrimin e provave. Gjykatësi Zejnullah Gashi, pasi bëri leximin e shkresave të lëndës, ftoi të akuzuarën Duda Balje për të marrë deklaratën e saj.
E akuzuara Duda Balje, tha se me rastin e plotësimit të formularit për deklarimin e pasurisë kanë qenë prezentë edhe kolegët e saj nga grupi parlamentar.
Ajo deklaroi para gjykatësit se ka pasur paqartësi sa i përket rubrikës së të ardhurave nga Kuvendi.
“Kur kemi ardhur te rubrika e të ardhurave nga Kuvendi, nuk ka pasur kurrfarëë informatash shtesë, ka shkruar vetëm rroga e jo edhe shtesat, të ardhurat. Rroga jonë është publike dhe të gjithë deputetët që kemi qenë në tavolinë, jemi marrë vesh që në bazë të asaj që shkruante në rubrikë ta shënojmë rrogën bazë të Kuvendit,” sqaroi Balje.
E akuzuara Duda Balje e pranoi se pos pagës bazë ka pasur edhe të ardhura tjera, sepse tha se ka qenë edhe anëtare e komisioneve për të cilat tregoi se deputetët nuk e dinë asnjëherë sesa të ardhura do të kenë.
Ajo përfundimisht deklaroi se nuk e kishte ditur që në formular duhet të deklarohen edhe të ardhurat shtesë pos pagës bazë.
Prokurorja ia bëri me dije të akuzuarës se në pikën 6 të formularit precizohet se duhet të paraqiten të ardhurat një nga një. Ajo e pyeti të akuzuarën se si çka i ka konsideruar ato të ardhura të marra nga komisionet dhe shpenzimet e rrugës.
Përgjigjja e të akuzuarës ishte se pikërisht këtu kishte gabuar, ngase ato të ardhura i ka konsideruar si të ardhura shtesë.
Në fund Duda Balje tha se ndjehet keq dhe nuk ka pasur për qëllim të bëjë keqpërdorime financiare.
“Vetë fakti se vetëm njëherë kam gabuar, shkon në dobi të asaj se nuk e kam pasur për qëllim që të bëj ndonjë malverzim financiar,” tha Balje.
Seanca e radhës ku do të jepet fjala përfundimtare e palëve do të mbahet më 28 prill 2015.
Deputetja Balje, akuzohet nga Prokuroria e Shtetit se më 28 mars 2013 në kohë të papërcaktuar në Agjencinë Kundër Korrupsion në Prishtinë në cilësinë e zyrtares së lartë publike në formularin për deklarimin e pasurisë nuk ka paraqitur të dhënat e kërkuara.
Duda Balje, ka paraqitur vetëm pagën bazë si deputete në shumën prej 17 mijë e 856 eurove, ndërsa në bazë të të dhënave të Kuvendit të Kosovës është konstatuar se të hyrat vjetore nga Kuvendi për këtë deputete janë 24 mijë e 327 e 19 euro.
Diferenca e mosdeklarimit të pasurisë është 6 mijë e 471 e 19 euro, diferencë të cilën deputetja Balje e merr për pjesëmarrje në seancat dhe mbledhjet e komisioneve parlamentare./Petrit Kryeziu dhe Qazim Hasanaj – KALLXO.com/
Një vogëlush yll, pjesë e serialit të famshëm komik “Everybody Loves Raymond”, ka vrarë veten.
Sawyer Sweeten, 19 vjeç, vrau veten gjatë një vizite në familjen e tij në Teksas, SHBA.
Raportohet se ai e qëlloi veten në verandën e shtëpisë.
Ai ka luajtur rolin e Geoffrey Barone në serialin e famshëm në krah të vëllait binjak, Sullivan, që luajti rolin e Michael.
Të dy janë shfaqur në 139 episode.
Motra e tyre e madhe, Madylin po ashtu ka luajtur rolin e motrës së madhe në serial, Ally.
Një burim tha se familja është tronditur nga tragjedia.
Ambasadori gjerman në Serbi, Heinz Wilhelm tha sot se vënia në pikëpyetje e kufijve të Ballkanit Perëndimor është e papranueshme.
Wilhelm, duke iu përgjigjur pyetjeve të studentëve të Fakultetit të Shkencave Politike, tha se deklaratën e kryeministrit të Shqipërisë Edi Rama, rreth bashkimit të Kosovës me Shqipërinë, askush në BE nuk e ka vlerësuar pozitivisht.
Ambasadori gjerman rikujtoi se zëdhënësja e Komisionit Evropian kritikoi deklaratën e Ramës.
“Ndryshimi i kufijve të Ballkanit Perëndimor, është i papranueshëm, por kjo është një temë që gjithmonë është e pranishme”, tha ai.
Duke folur për dialogun Kosovë-Serbi, Wilhelm tha se ai beson se të dyja palët duhet të jenë të gatshme për të bërë lëshime. Këto negociata sipas tij janë të vështira, por në interes të të dyja palëve./Lajmi.net/
Këngëtarja e bukur Bleona është duke përgatitur një set të fotografive.
Pritet që fotot e nxehta të këngëtares të dalin gjatë javës.
E veshur me kostume të zeza ajo duket më seksi se kurrë.