Ekziston “dikush” i cili shumë qartë shfaq interesim për krimet kundër serbëve në Kosovë, deklaroi nënkryetarja e Parlamentit Evropian dhe raportuesja në PE për Kosovën, Ulrike Lunacek për gazetën “Danas”, duke komentuar deklaratat e drejtorit të Zyrës serbe për Kosovën, Marko Gjuriq.

Lunacek para pak ditësh deklaroi se Serbia duhet ta shfuqizojë fletarrestimin për shefin e diplomacisë kosovare Hashim Thaçin, ndërsa Gjuriqi u përgjigj se “dikush do të duhej të interesohet për krimet kundër serbëve në Kosovë”.

“Siç e di zoti Gjuriq, një njësit special hetues në vitin 2014 gjeti dëshmi të fuqishme kundër disa zyrtarëve të lartë të Ushtrisë Çlirimtare të Kosovës, por sigurisht që jo edhe kundër UÇK-së si tërësi”, tha Lunacek për gazetën beogradase, transmeton KP.

“Prandaj, unë dhe raporti im aktual i PE-së për Kosovën theksojmë se themelimi dhe funksionimi i gjykatës speciale për krime lufte duhet të jenë prioritet për Qeverinë e re të Kosovës”, ka thënë Lunacek.

Lidhur me deklaratën për Thaçin, ajo përkujtoi se në pres-konferencën të martën në Prishtinë ka thënë se “Beogradi, që të tregohet konsekuent, duhet të sillet njëjtë si me rastin e Tony Blairit, ish-kryeministrit britanik dhe këshilltarit aktual të kryeministrit Aleksandar Vuçiq”.

Kryetarja e Komisionit për Legjislacion, Albulena Haxhiu, ka treguar se Ministri Hajredin Kuçi ka propozuar në mënyrë të jashtëligjshme kandidatë për Komisionin e Provimit të Jurispodencës.

Sipas saj, kandidatët e propozuar në këtë komision nuk e kanë të kryer as ata provimin e jurispodencës që kërkohet me ligj.

Lexojeni të plotë reagimin e deputetes

Për shkak se shumë kandidatë po pyesin dhe janë të shqetësuar për mos organizimin e provimit të jurisprudencës, si Kryetare e Komisionit për Legjislacion po e shoh të nevojshme të jap disa sqarime.

Me datën 2 mars të këtij viti, Komisioni për Legjislacion ka shqyrtuar emrat për anetarë të Komisionit për provimin e jurisprudencës, të sjellë nga Ministria e Drejtesise!

Këto propozime kanë qenë në shpërputhje me Ligjin per provimin e Jurisprudences, kësisoji Komisioni i’a ka kthyer emrat Ministrise se Drejtesise dhe i ka dhene afat 1 javë për t’i sjelle propozimet në perputhje me Ligjin!

Po bëhen gati 2 muaj dhe deri me tani Ministria e Drejtesise nuk ka sjelle propozime te tjera duke pamundesuar kështu organizimin e provimit te jurisprudences.
Pra per gjithe kete pergjegjese eshte Ministria ne krye me Hajredin Kuçin!

Zëvendëskryeministri i parë dhe ministri i Jashtëm i Republikës së Kosovës, Hashim Thaçi, ka udhëtuar për në Turqi, ku do të marrë pjesë në shënimin e 100-vjetorit të Betejës së Çanakkalasë.

Zëvendëskryeministri Thaçi do të jetë në mesin e presidentëve dhe ministrave të shteteve nga e gjithë bota. Nikoqir i ceremonive do të jetë presidenti turk, Recep Tayyip Erdo?an, ndërsa pjesë e tyre do të jenë edhe kryeministrat nga Australia dhe Zelanda e Re, si dhe liderë nga shumë shtete të tjera. Në qytetin-port të Çanakkalasë, zëvendëskryeministri Thaçi do të merr pjesë në ceremoninë në Monumentin e Mehmetçikut, i cili i kushtohet ushtarit turk për të cilin thuhet se kishte shpëtuar një ushtar britanik gjatë Betejës së Çanakkalasë. Më pas, ai do të jetë i pranishëm edhe në ceremoninë në Monumentin Helles, i cili njëherësh i kushtohet betejës së Komonuellthit përgjatë gjithë Betejës së Çanakkalasë dhe shërben si vend i përkujtimit të shumë ushtarakëve të Komonuelthit që kanë vdekur atje, por që nuk u dihen varret.

Beteja e Çanakkalasë ishte një nga betejat më të ashpra të Luftës së Parë Botërore, e cila u zhvillua në Gadishullin Gelibolu në Perandorinë Osmane në mes 25 prillit 1915 dhe 9 janarit 1916. Data e zbarkimit, 25 prilli, njihet edhe si “Dita e Anzakëve” që shënon përkujtimin më të rëndësishëm të viktimave ushtarake të Australisë dhe Zelandës së Re.