Kryetari i LDK-së në Prizren, Haxhi Avdyli, ka akuzuar pushtetin lokal për keqqeverisje. Sipas tij, “Qeveria Muja” po përdhos vlerat e qytetit të Prizrenit.

Avdyli, konsideron se kryetari i Prizrenit Ramadan Muja po e mban peng qytetin ku së bashku me drejtorët e tij, shumica të hetuar edhe të dënuar, sipas tij, asnjeherë nuk treguan interesim për qeverisje të mirë e me duar të pastra.

“Kjo çka po i ndodh qyteti tonë, këtij qyteti antik, kulturor e turistik, më nuk ka kuptim. Nuk më le ndërgjegjja të rri i heshtur karshi gjithë kësaj çfarë po ndodh, si kryetar i LDK-së në Prizren, partisë më të madhe opozitare por edhe si një qytetar i thjeshtë”, ka shkruar Avdyli në llogarin e tij në Facebook.

“Të nderuar qytetar, kjo çka po ndodh me qytetin tonë e ka emrin përdhosje e vlerave dhe nënqmim i ndërgjegjjes qytetare. Ne nuk e meritojmë dhe nuk ia kemi borgj askujt të degjenerohemi në këtë nivel. Ne po qeverisemi nga një qeverisje e cila ja ka humbur vlerën këtij qyteti, me një kryetar të dënuar me vendim i cili vazhdon ti përdhos ato vendime gjyqësor por edhe besimin e mijëra qytetarëve. Ai po e mban peng qytetin ku së bashku me drejtorët e tij shumica të hetuar edhe të dënuar që asnjeherë streguan interesim për qeverisje të mirë e me duar të pastra”.

“Ata cdo ditë e më shumë po vazhdojnë të shkatërrojnë qytetin, me ndërtime të egra, gjelbërimin po betonizojnë, po degradojnë Arsimin me afera , po dëmtojnë kulturën e trashëguar nga të parët tanë . Ata me shumë janë bërë problemi sesa zgjidhës të problemeve. Skandalet e ditura por tash te hetuara në arsim ku njerëz pa diploma , familjarë e militant partiak punësohen derisa mijëra intelektual të mirëfilltë sillen rrugëve po i jep vulën e zezë kësaj qeverie komunale. Tashmë së fundmi me hetimet e paralajmëruara nga Kryeprokurori i Prizrenit për Drejtorinë e Urbanizmit dhe Inspektoriatit, po del qe po kjo qeverisje ka degraduar dhe po shkatërron edhe qendren historike dhe trashëgemin kulturore. Unë personalisht por edhe cdo zyrtar e aktivist i Ldk-së siq ka vepruar edhe më parë nuk mund dhe nuk do të rrimë asnjeherë indiferent para kësaj katrahure. Javën tjetër është marrë iniciativë e përbashkët e partive opozitare për të diskutuar keto cështje ku do dënohen këto veprime të turpshme të zyrtarëve komunal në institucionin e vetëm multipartiak në asamble e qytetit. Por si duket këto dënime e diskutime formale më spo qojnë peshë dhe po hasin në vesh të shurdhër. Sepse një fjalë urtë thotë që i laguri si mërzitet shiut”.

“Prandaj qytetarë të nderuar, ne nuk duhet të rrijmë të heshtur,ku do që jeni, të ngrisim zërin e mospajtimit , të guxojmë ti kundërshtojmë veprimet e paligjshme që po bëhen në emër tuaj pa dallim përkatësie partiake. Ne ishim e jemi qendër e civilizimit dhe kulturës kombëtare , nuk duhet të lejojmë që kjo garniturë politike e cila në ditët e numëruara të qeverisjes së tyre të shfrytëzoj rastin për përfitime personale, duke shfrytëzuar gjithçka: punësime partiake, ryshfet, korrupsion, ndërtime e mbindërtime, parkingje vend e pavend, etj”.

“Aferat dhe skandalet për këtë qeverisje nuk kanë të ndalur, kjo cka po i ndodh Prizrenit është e pa pranushme andaj gjithmonë ne si parti por edhe si qytetar,do ta ngrisim zërin, bashkë me ju për ta mbrojtë, qytetarin, historinë, kulturën, gjelbërimin, rrugët e bugjetin e qytetit tonë. Nëse zëri ynë i arsyes nuk do dëgjohet ,e injorohet ne bashkë me ju ,këtë zë do bëjmë edhe më të fuqishëm për të shpëtuar Prizrenin tonë nga njerëz të pandërgjegjshëm”, ka shkruar Avdyli. /PrizrenPress.com

Pas  disa vjetëve radhazi Raporti i Progresit për Kosovën paraqet të njëjtat dështime në sistemin e drejtësisë dhe, ndonëse apelohet që të adresohen problemet dhe të përmirësohet sistemi, sërish asgjë nuk ndryshon. Njohësit e çështjeve të drejtësisë njëzëri shprehen se për dështimin në drejtësi është faji i politikës, e cila ka bërë pjesë të Gjyqësorit dhe Prokurorisë njerëz të shantazhuar e të korruptuar skajshëm. Pyetja shtrohet, se a munden këta njerëz të përmirësojnë drejtësinë, me të kaluarën e tyre të errët, të cilën politika ua përdor, nëse e kundërshtojnë ose nuk heshtin? Për shkak se në drejtësi ka njerëz të shantazhuar në Kosovë, nuk ka ndonjë zyrtar të lartë të dënuar për korrupsion apo për krim të organizuar.

Zëvendësshefi  i Zyrës së BE-së në Kosovë, Thomas Gnocchi, gjatë një takimi, pikërisht për gjetjet e Raportit të Progresit është ndalur tek  dënimet vendimtare për korrupsionin që, sipas tij, mbeten sfidë, e cila po e përcjell Kosovën çdo vit. “Lufta kundër korrupsionit është një fushë për të cilën ne mendojmë se Kosova është në një fazë të hershme e të përgatitjeve. Por, ka pasur ca përparime, në veçanti sa i përket bashkëpunimit në mes të agjencive kundër korrupsionit dhe Prokurorisë. Përparime kemi parë edhe sa i përket deklarimit të pasurisë, që është rritur paksa gjatë kësaj kohe. Megjithatë, ne nuk kemi parë rezultate konkrete në këtë fushë, posaçërisht s’kemi parë të jenë dhënë dënime vendimtare  a meritore për nivel të lartë të korrupsionit. Thjesht, nuk ka vullnet politik për këtë veprim”, thotë Gnocchi../kosova sot/

Ideja e rokadës në Qeveri, me ç’rast kryetari i PDK-së, Hashim Thaçi, do të hiqte dorë nga zgjedhja për president të vendit vitin tjetër, për ta rimarrë postin e kryeministrit, ndërsa kryeministri aktual, Isa Mustafa, ta marrë pozitën e të parit të shtetit, ka shkaktuar përplasje brenda zyrtarëve të lartë të partisë më të madhe në vend.

Sipas burimeve të gazetës “Zëri” një propozim i tillë nuk është hedhur poshtë nga Thaçi, pasi që, ky i fundit, po qe se do të zgjidhej president i vendit, do ta humbte “timonin” e partisë, të cilin do ta merrte menjëherë Kadri Veseli, aktualisht kryetar i Kuvendit.

Po ashtu Thaçi, sipas këtyre burimeve, nuk është i interesuar t’i hynte garës për presidente, derisa disa deputetë të LDK-së kanë paralajmëruar publikisht votë kundër tij në Kuvendin e Kosovës. Në anën tjetër, zyrtarë të LDK-së nuk janë kundër idesë që Mustafa të zgjidhet president, për një mandat të ri 5-vjeçar, sidomos pas përplasjeve të fundit me opozitën në Kuvend, e cila po i kundërshton ashpër marrëveshjet me Serbinë dhe Malin e Zi. ../zeri/