Kryetari i AAK’së Ramush Haradinaj tha se Blloku filloi të lëkundej në momentin kur Gjykata Kushtetuese mohoi mundësinë që Isa Mustafa të ishte Kryeparlamentar. Në këtë kohë sipas Haradinajt, LDK nisi të kërkonte mënyra për të përmbushur ambiciet e tyre politike.

“LDK ka qenë dashtë me qenë me e qartë. Nëse e kanë dashtë veç postin e Kryeministrit ose me ne ose me tjerët është dashur të tregonte se duan pushtet”, tha Haradinaj.

Haradinaj në emisionin ‘Argument Plus’ tha se pavarësisht se kishin njohuri për ndryshimin në LDK nuk kishin arritur të ndryshonin qeverisjen në vend.

Tha se nuk ka rëndësi nëse do të jetë Kryeministër Hashim Thaçi ose Isa Mustafa, sipas tij qeverisja e këtyre dy partive do të jetë e dobët.

Haradinaj tha se nuk mund t’i linte postin e Kryeministrin Isa Mustafës, pasi tha se kjo do të ishte një Qeveri e dobët.

“Me ia pranue mandatarin gjatë asaj kohe sa isha i propozum prej tyre do t’i pranojsha mandatarin dikujt që udhëheqke me 47 deputetë për një Qeveri edhe sikur të rrinte në Bllok pra për një Qeveri 47 deputetë plus komunitetet etnike që do të ishte një Qeveri çdo herë e mvarne nga votat e listës serbe, pa të keqe se ne i kemi partnerë janë qytetarë të venit, por atëherë unë do të shkojsha për një variantë të një kryetari të Qeverisë për të cilin mendoj se është i dobët për kryetar të Qevrisë”, tha Haradinaj.

Burime të portalit Koha.net kanë dhënë emrat që nga radhët e LDK-së mund të jenë ministra në kabinetin qeveritar që kjo parti do të ketë me PDK-në e Hashim Thaçit.

Qeveria, që me gjasë do t’i prijë Isa Mustafa, për Ministër të Financave do të ketë Abdullah Hotin, për ministër të Zhvillimit Ekonomik do të ketë njohësin e çështjeve ekonomike, Muhamet Mustafa.

Në dikasteret që kanë të bëjnë me ekonominë, e që sipas gjitha gjasave do t’i takojnë LDK-së, ministre e Tregtisë dhe Industrisë do të jetë Hikmete Bajrami.

Ministrinë e Kulturës, Rinise dhe Sportit do ta drejtojë Kujtim Shala, ndërsa atë të Administratës Publike, Arben Gashi. Mbetet i padefinuar emri i ministrit të Diasporës, e cila do t’i takojë LDK-së, ndërsa janë dy emra që po përmenden për të qenë në krye të Ministrisë së Shëndetësisë. Ata janë Teuta Sahatqija dhe Valbon Krasniqi.

Sipas këtij burimi, shef i kabinetit të kryeministrit Mustafa do të jetë Bajram Gecaj, ndërsa Arban Abrashi zëdhënës i Qeverisë.

Më parë kryeministri në detyrë Hashim Thaçi ka thënë se marrëveshja me LDK-në do të finalizohet gjatë vikendit.

Vazhdimi seancës konstituive e Kuvendit të Kosovës që pritet të mbahet këtë të hënë mund të ndodhë që të shtyhet për fillimin e vitit të ardhshëm, nëse nuk nënshkruhet marrëveshja mes PDK’së e LDK’së.

Anëtari i kryesisë së PDK’së, Xhavit Haliti ka thënë për televizionin publik se posti i kryeministrit mbetet çështje e diskutueshme.

“Shpresoj që së shpejti të nënshkruhet marrëveshja. Me të kthyer kryeministri Hashim Thaçi nga Nju Jorku besoj se kjo do të kryhet të shtunën ose të dielën gjatë takimit të dy liderëve të të dyja partive”, ka thënë Haliti.

Ai më pas ka theksuar se PDK nuk është e gatshme ta prish marrëveshjen me LDK’në, dhe se nuk beson që do të mund të ketë shtyrje të seancës.

Vazhdimi seancës konstituive e Kuvendit të Kosovës që pritet të mbahet këtë të hënë mund të ndodhë që të shtyhet për fillimin e vitit të ardhshëm, nëse nuk nënshkruhet marrëveshja mes PDK-së e LDK-së

Anëtari i kryesisë së PDK-së, Xhavit Haliti ka thënë për RTK-në se posti i kryeministrit mbetet çështje e diskutueshme.

“Shpresoj që së shpejti të nënshkruhet marrëveshja. Me të kthyer kryeministri Hashim Thaçi nga Nju Jorku besoj se kjo do të kryhet të shtunën ose të dielën gjatë takimit të dy liderëve të të dyja partive”, ka thënë Haliti.

Ai më pas ka theksuar se PDK nuk është e gatshme ta prish marrëveshjen me LDK-në, dhe se nuk beson që do të mund të ketë shtyrje të seancës.

Ndërkaq, nënkryetari i LDK-së, Haki Rugova, nuk e ka mohuar mundësinë e shtyrjes së seancës konstituive për në fillim të vitit të ardhshëm.

“Pres që të hënën e ardhshme ose në fillim të vitit të ardhshëm të thirret seanca”, ka thënë Rugova.

Ai ka theksuar se LDK-ja do të jetë ajo që do ta udhëheq qeverinë e Kosovës.

“Nuk kem hy në koalicion pa e pas postin e kryeministrit. LDK nuk do ta lëshoj postin, nëse LDK e lëshon unë nuk do të jem pjesë e saj”, ka deklaruar Rugova.

Është liruar përkohësisht nga Haga por nuk po i ndalë kërcënimet.

Lideri i radikalëve serbë Vojsllav Sheshel në një intervistë për Klan Kosovën ka deklaruar se Serbia do të kthehet në Kosovë edhe me luftë nëse është nevoja. Ai ka treguar se në qendrën e paraburgimit në Hagë ka takuar Fatmir Limajn e Ramush Haradinajn dhe se ka kaluar mirë me ata.

Sheshel nuk e pranon faktin që ajo që për të është krahinë jugore e Serbisë u bë shtet i pavarur i shumicën shqiptare.

‘Ne do të kthehemi në Kosovë me ose pa ushtri. Duam ta bëjmë këtë në paqe dhe rezoluta 1244 i garanton Serbisë këtë kthim. S’do të pengojmë jetën e shqiptarëve dhe politikanëve të tyre. Nëse kjo do të thotë luftë, atëherë bëhuni gati, ushtria serbe do të kthehet o sot o nesër”, tha Sheshel.

Thotë se do e vizitoj Kosovën edhe pse e di se do ta ketë të vështirë.

‘Nuk do të më lëshojnë në kalimet administrative por më duhet të shkoj ilegalisht nëpërmjet ndonjë rruge dhish që të mos më ndal policia. Do t’i vizitoj Mitrovicën, Prishtinën e Graçanicën. Mund të më vrasin por jo edhe të më ndalin”, tha ai.

12 vjet në burg në Holandë ku u mbajt si i dyshuar për krime lufte e kanë zbutur pak njeriun që është simbol i urrejtjes etnike dhe fetare ndaj shqiptarëve, myslimanëve boshnjak dhe kroatëve. Çuditërisht me disa nga përfaqësuesit politik të të parëve ka kaluar mirë në Hagë.

“Në Hagë takova Fatmir Limajn që nuk e di nëse ende është nënkryetar i PDK’së e njoh Ramush Haradinajn e tjerë shqiptarë që kanë qenë në Hagë. Ne jemi shoqëruar, flisnim se si secili ka luftuar për interesat e popullit të tij. Aty kurrë nuk pati telashe shqiptaro-serbe por serbët mes vete kaluam keq”, theksoi ai.

Nënkryetari i LDK-së, Haki Rugova, nuk e ka mohuar mundësinë e shtyrjes së seancës konstituive për në fillim të vitit të ardhshëm.

“Pres që të hënën e ardhshme ose në fillim të vitit të ardhshëm të thirret seanca”, ka thënë Rugova për televizionin publik.

Ai ka theksuar se LDK-ja do të jetë ajo që do ta udhëheqë qeverinë e Kosovës.

“Nuk kemi hyrë në koalicion pa postin e kryeministrit. LDK nuk do ta lëshojë postin. Nëse LDK e lëshon, unë nuk do të jem pjesë e saj”, ka deklaruar Rugova.

Fjalimi i kryeministrit në detyrë, Hashim Thaçi, në Këshillin e Sigurimit u kritikua ashpër nga partitë opozitare. Thanë se Thaçi vazhdimisht ishte në defensivë, derisa Vuçiqi sulmonte vazhdimisht. Për opozitarët, Hashim Thaçi nuk e ka përfaqësuar denjësisht Kosovën, raporton KTV.

Kritika të mëdha në adresë të kryeministrit në detyrë, Hashim Thaçi, për paraqitjen e tij në Këshillin e Sigurimit në New York kanë adresuar partitë opozitare në vend.

Në Vetëvendosje dhe AAK, thonë se Thaçi nuk e përfaqësoi denjësisht vendin dhe nuk e mbrojti Kosovën karshi homologut të tij serb, që vazhdimisht fliste për Kosovën si territor të Serbisë.

Glauk Konjufca nga Vetëvendosje thotë se kryeministri në largim në mbledhjen e Këshillit të Sigurimit vazhdimisht është munduar t’i ikte përballjes me Vuçiqin, por sipas tij, një gjë të dy homologët i bashkoi e që ishte krijimi i Gjykatës Speciale për t’i ndjekur luftëtarët e UÇK-së për krime të supozuara.

Konjufca tha se derisa Vuçiqi fliste për Kosovën si territor të saj, Thaçi fliste se sa në Kosovë përdoret interneti.

Ndërkohë, shefja e Grupit Parlamentar të AAK-së, Donika Kadaj Bujupi, tha se është pritur që kryeministri në detyrë të fliste për të zhdukurit dhe dëmet që Serbia ia shkaktoi Kosovës e jo të merret me vetveten.

Shefja e deputetëve të AAK-së tha se Vuçiqi gjithë kohën përpiqej të përfitonte nga sulme të vogla, që kanë ndodhur në Kosovë e Thaçi vetëm improvizonte, përcjell koha.net.

Ndërkohë, nga New Yorku, kryeministri në detyrë, Hashim Thaçi, ka paralajmëruar krijimin e qeverisë së re javën e ardhshme dhe gjithashtu ka shprehur gatishmërinë për krijimin e shpejtë të Gjykatës Speciale për krimet e supozuara në Kosovë.

Hashim Thaçi nuk ndihet mirë me zërat që po dëgjon lidhur me marrëveshjen që lidhi me Isa Mustafën. Thotë se të gjithë ata që flasin për postin e Kryeministrit të ri janë zëra të parëndësishëm.

Në një intervistë për RTV21 Kryeministri në detyrë njëherit kryetar i PDK’së thotë se përbërja e Qeverisë së ardhshme dhe se kush do ta udhëheqë atë do të dihet për pak ditë.

Nuk definon se kur do të krijohen institucionet e reja po thotë se gjithçka vjen me kohë dhe atë shumë shpejt. Kryeministri në detyrë Hashim Thaçi ka thënë se marrëveshja e arritur në mes tij dhe Isa Mustafës për bashkëqeverisje do të realizohet në plotni dhe se për këtë do të vihen nënshkrime në letër qysh javën e ardhshme.

Thaçi tha se nuk do të përmend emra të përveçshëm se kush do të jetë në kabinetin e ardhshëm qeveritar.

“Dëshiroj të potencoj se të gjitha detalet e përgjegjësive institucionale dhe të kemi marrëveshjen zyrtare që do të ndodh në ditët e ardhshme”, tha Thaçi.

Ai heziton të flas edhe për detajin kryesor të paktit që lidhi me Isa Mustafën e LDK’së, nëse ia ka dhënë drejtimin e qeverisjes apo jo.

Thaçi reagoi ashpër edhe ndaj atyre që kanë përmendur në çfarëdo forme çështjen e Kryeministrit. Sipas tij këto fjalë nuk janë në përputhje me paktin që lidhën PDK’ja me LDK’në.

“Krejt të parëndësishm janë zërat që dëgjohen aty-këtu që nuk janë në përputhshmëri me marrëveshjen në mes të PDK’së dhe LDK’së. Ka pasur zëra tash e gjashtë muaj, zëra të ndryshëm, opinione të ndryshme me mbështetje për një lider të caktuar, për një parti të caktuar, kryesisht kanë dalur opinione mund të them lirisht të gabuara por ajo që është shumë me rëndësi është që marrëveshja jonë është e sinqertë, është korrekte, është e përgjegjshme, do të jetë funksionale dhe do të jetë në funksion të shtetit të Kosovës”, tha Thaçi.