Publicisti Veton Surroi, në një intervistë për Zërin e Amerikës, ka deklaruar se koalicioni PDK-LDK mund të mos jetë kurrfarë përjashtimi nga rregulli i deritashëm në Kosovë – ku elitat politike e kanë shfrytëzuar pjesëmarrjen e tyre në politikë për të krijuar rrethana më të mira për veten, e jo për të krijuar një shtetndërtim të duhur.

Këto janë përgjigjet e Surroit lidhur me vonesën e formimit të institucioneve, koalicionin PDK-LDK, zgjedhjet, Gjykatën Speciale, raportet e tij me Hashim Thaçin, si dhe rrezikun nga ekstremizmi.
Për vonesën në formimin e institucioneve

Kjo flet për dobësinë institucionale në Kosovë, dobësinë e strukturave politike. Është një produkt i një procesi të kapjes së shtetit në Kosovë, i cili, fatkeqësisht, e ka përcjell hyrjen e Kosovës në pavarësi dhe pastaj edhe Kosovën e pavarur.

Për Koalicionin PDK-LDK
Nuk mendoj se duhet të përqendrohemi fare tek formulat. Puna është se çfarë do të prodhojnë pushtetet. Dhe, pushtetet në Kosovë, në masë të madhe, janë pjesë të një periudhe para-moderne të shtetit, ku ai që është në pushtet merr nga shteti dhe nuk jep shtetbërje.Elitat politike në Kosovë e kanë shfrytëzuar pjesëmarrjen e tyre në politikë, për të krijuar rrethana më të mira për veten dhe për familjet e tyre, por jo për të krijuar një shtetndërtim të duhur.Ky koalicion mund të mos jetë kurrfarë përjashtimi nga ky rregull i deritanishëm.

Për zgjedhjet
Zgjedhjet dhe kjo tejzgjatje po i bëjnë dëm nocionit të demokracisë, sepse të gjithë ata që mendojnë se me zgjedhje dhe me votë të lirë do të bëhen ndryshime janë zhgënjyer me produktin e këtyre zgjedhjeve të kaluara, ku me manovra të ndryshme, me institucione të kapura nga struktura politiko-maifioze, nëse mund të përdoret ky formulim, nëpërmjet këtyre manovrimeve e kanë bllokuar një vendimmarrje e cila në shtetet tjera do të ishte demokratike.

Për Gjykatën Speciale

Varet se çfarë do shoqëria kosovare… Si do a interpretojnë klasa politike, shoqëria civile, mediat, pjesa intelektuale e kësaj shoqërie.
Për një shtet të ri, i cili që nga lindja po lëngon nga thyerjet e brendshme, është shumë me rëndësi ta kalojë këtë fazë të katarsës dhe të spastrohet nga akuzat. Nëse ato janë të vërteta, atëherë të procedohen më tutje. E nëse janë të pavërteta, të hiqen një herë e përgjithmonë nga opinioni publik ndërkombëtar.Kosova e ka fatin e keq të dyfishtë, jo vetëm të pasjes së një strukture politike të lidhur me krimin, e cila është shndërruar në elitë udhëheqëse, por edhe në krijimin e një perceptimi të gabueshëm në një pjesë të bashkësisë ndërkombëtare se të gjithë janë të njëjtë në Kosovë, se disi kodi gjenetik shqiptar duhet të prodhojë krim, gjë që është krejtësisht e pavërtetë.

Për raportet me Hashim Thaçin

Fakti që kemi bashkëpunuar, nuk do të thotë se ka pasur afri. Njeriu, në një fazë historike, duhet të bashkëpunojë me ata që duhet të bashkëpunojë, e jo me ata që zgjedh të bashkëpunojë. Kjo nuk ka qenë zgjedhja ime. Ka qenë zgjedhja e rrethanave historike. Po të kthehesha në po ato rrethana, prapë do të bashkëpunoja pa kurrfarë dyshimi, sepse ishte interesi madhor i këtij vendi. Por, Z. Thaçi dhe struktura së cilës ai i përket, struktura e ngushtë politike e lidhur me krimin, është lajm i keq për Kosovën dhe do të jenë një lajm i keq për Kosovën përderisa do të jenë pjesë e kësaj elite.

Për terrorizmin
Kosova, Shqipëria, Maqedonia, shqiptarët në Ballkan, janë shumë të rrezikuar nga shndërrimi i Islamit Politik në një lëvizje ndërkombëtare dhe shndërrimin e kësaj lëvizjeje ndërkombëtare në një magnet që tërheq njerëzit nga viset e ndryshme të botës në një kauzë e cila është krejtësisht jashtë besimit, traditës, formës së komunikimit të shoqërisë shqiptare.
Ky është një rrezik jo vetëm për sigurinë e shqiptarëve dhe Ballkanit, pra edhe të Europës, por është edhe një rrezik për natyrën, për kodin e bashkëjetesës të cilin e kanë të ndërtuar shqiptarët dhe i cili është shembull për Europën dhe më gjerë.

Kryeministri Hashim Thaçi gjatë fjalimit të tij në seancën e Këshillit të Sigurimit të OKB-së, ka thënë se Kosova është storie e suksesit dhe shtet i konsoliduar.

Ai ka thënë se shteti kosovar brenda javës do t’i konstituoj institucionet.

Lexojeni fjalimin e Thaçit në Këshillin e Sigurimit:

OKB e ka pasur njërën nga misionet më të suksesshme në botë, në Kosovë.

Kosova është shtet modern me ligje të mira që garanton të drejtat e qytetarëve.

Kosova tashmë ka hyrë edhe formalisht në rrugën drejt integrimit në BE.

Falë dialogut me Serbinë dhe marrëveshje historike me Serbinë, Kosova është importuese e sigurisë.

Ne vendosëm të normalizojmë marrëdhëniet për hir të fëmijë tanë dhe të shikojmë përpara si dy kombe dhe drejt anëtarësimeve euro-atlantike.

Veriu ka qenë brengë e vazhdueshme e eskalimit të situatës. Qytetarët e veriut kanë pasur frikë nga Qeveria e Kosovës, mirëpo kjo gjë ka ndryshuar.

Pjesëmarrja e serbëve në zgjedhjet e përgjithshme sipas ligjeve të Kosovës për herë të parë, është një ogur i mirë për normalizim dhe mirëqenie për të gjithë qytetarët.

Qytetarëve me nuk ju interesojnë fjalimet nacionaliste, por ata duan punë, arsim… prandaj viti 2014 do të shënohet në histori, që si veriu ashtu edhe jugu morën pjesën në zgjedhje.

Kosova organizoi brenda gjashtë muajve dy palë zgjedhje të suksesshme. Këto zgjedhje u vlerësuan si me të mira nga ndërkombëtare. Këto zgjedhje sollën integrimin e serbëve në sistemin e Kosovës.

Pas zgjedhjeve nacionale kemi pasur një bllokadë, por jo krizë… Ne nuk patëm as trazira gjatë kësaj kohe, por treguan se klasa politike e Kosovës e respekton Kushtetutën, ligjet, presidenten e Kosovës, Atifete Jahjaga, përndryshe presidentja e parë femër në tërë Kosovën.

Tani me kënaqësi te veçantë mund t’ju garantoj se duke respektuar vendimin e Kushtetuese, PDK dhe LDK kanë arritur marrëveshje për bashkëqeverisje. Dhe ju them se javën e ardhshme konstituohen institucionet e Kosovës.

Kryeministri serb, Aleksandër Vuçiq, ka bërë thirrje për krijimin e Gjykatës Speciale, duke pretenduar se pjesëtarët e UÇK-së duhet të dënohen për krimet e kryera kundër serbëve dhe jo-shqiptarëve.

“Serbët nuk mund të vizitojnë varret e të parëve të tyre në Kosovë sepse nuk ka siguri. Thirrja e institucioneve atje është veç mashtrim sepse atje nuk ka siguri”, ka thënë ai.

“Gjykata speciale duhet t’i gjykojë pjesëtarët e UÇK-së që kanë kryer krime kundër serbëve. Dënimi i tyre nga EULEX-i deri më tani nuk është bërë sepse te ndërkombëtarët ka pasur ndikim elita e politikanëve shqiptarë”.

Ai ka folur në detaje për rastin Kleçka dhe për Grupin e Drenicës.

Vuçiq: Kemi problemet tona, nuk kemi kohë për nacionalizëm

Kryeministri i Serbisë, Aleksandër Vuçiq, në mbledhjen e Këshillit të Sigurimit, ka thënë se shteti i tij asnjëherë nuk ka krijuar probleme nacionaliste, pasi sipas tij, Serbia ka problemet e veta të brendshme.

“Serbia është e përcaktuar për paqe në mënyrë të pavarur dhe pa kurrfarë shtytje nga jashtë. Kemi bërë reforma ekonomike, nuk krijojmë probleme nacionaliste sepse kemi problemet tona të brendshme. Serbia ka shmangur konfliktet etnike sepse këtë e bëjnë vetëm politikanët e dobët”, ka thënë Vuçiq.

Gjatë mbledhjes, kryeministri serb, ka pohuar edhe njëherë se Serbia nuk do ta njohë Kosovën, por kjo nuk do t’i pengojë Beogradit që të bisedojë me Prishtinën.

“Ne nuk njohim pavarësinë e Kosovës, por kjo nuk na pengon që të bisedojmë me Prishtinën. Kjo është një qasje pozitive e Serbisë. Ne kemi dëshmuar se dëshirojmë paqe në Ballkan dhe se dëshirojmë të ardhme normale”, ka thënë ai. /Koha.net/

Vonesa 6 mujore e krijimit të institucioneve të Kosovës, ka dëmtuar vendin, dhe ka dërguar në pakënaqësi të madhe publike, po ashtu ka vonuar reformat dhe rifillimin e dialogut Prishtinë – Beograd, ka thënë në fjalimin e tij, në Këshill të Sigurimit, Përfaqësuesi special i sekretarit të përgjithshëm të Kombeve të Bashkuara në Kosovë, Farid Zarif.

Duke folur për gjendjen në Kosovë, në seancën e cila ka filluar para pak çastesh në selinë e OKB-së, në New York, Zarif, megjithatë ka vlerësuar se përkundër bllokadës politike, bisedimet teknike mes Kosovës dhe Serbisë kanë vazhduar, për temat që kanë të bëjnë me energjinë, menagjimin e integruar të pikave kufitare dhe lirinë e lëvizjes.

Ai ka folur edhe për komunat në veri, duke kërkuar që sa më parë të krijohet asociacioni i komunave me shumicë serbe.

Sa i përket riintegrimit dhe riatdhesimit të personave të kthyer në Kosovë, Zarif ka thënë se këtu ka ende hapësirë për brengosje.

Duke folur për sigurinë, me theks të veçantë, Zarif ka folur për aksionin policor të Kosovës lidhur me arrestimin e 40 të dyshuarve për ekstremizëm, duke përshëndetur një aksion të tillë.

Ai po ashtu ka përshëndetur mbështetjen që i ka dhënë këtij aksioni edhe Bashkësia Islame e Kosovës.

Ndryshe, pas fjalimit të Zarif, fjalën e ka marrë kryeministri serb, Aleksandër Vuçiq, për të cilin zeri.info, do t’ju informojë së shpejti./Zëri/

Edhe deputeti i Nismës për Kosovën, Zafir Berisha, është përfshirë në debatin për protestat e shoqatave të luftës lidhur me regjistrimin e studentëve në Universitetin e Prishtinës, duke i dalë në mbrojtje të rektorit Ramadan Zejnullahu.
Lexojeni reagimin e plotë të Berishës:

“Një mendim personal si luftëtar i orëve të para të UÇK-së dhe familje që nuk jem përkul nga 81-ta asnjë regjimi dhe padrejtësie.

FORCA REKTOR.

Është e pamundur të qëndrosh indiferent ndaj zhvillimeve që kanë prekur UP-në dhe trysninë për të regjistruar studentë ‘pa doganë’. Jam ndier i ofenduar me mendimin e drejtë të prof. Rexhep Gjergjit dhe disa të tjerëve, por nuk e kuptoj se a e dinë këta mbrojtës të rektorit se veteranët e vërtetë nuk janë duke protestuar, hiq këtu ndonjë prej tyre. Matrapazët tani e pesëmbëdhjetë vjet me parë vijojnë të keqpërdorin vlerën e shenjtë të këtij kombi, UÇK-në, dhe këta meritojnë një: boll më. Ka kohë që ndjehem keq kur dëgjojë që në emër të luftës çlirimtare disa çakej në emër të shoqatave predikojnë trimëri.

Në fakt disa prej tyre në kohën e luftës as istikame me kazme nuk kanë hapur dhe as me ujë luftëtarët nuk i kanë furnizuar. Madje disa prej tyre në përpjekjen për të ikur në Itali desh e lanë kokën në Adriatik. Është e vërtetë që ka mbetur pa u regjistruar ndonjë fëmijë dëshmori apo luftëtari, por këta injorantë dhe matrapazë nuk kanë lënë vend këto 15 vite me luajtur rolin e bajraktarit për fëmijët e çlirimtarëve. Lufta është bërë për shtet ligjor dhe demokratik o jo për hajdutët që njollosin UÇK-në.

Nëse ka dikush të më thotë se cili dëshmor ka dhënë jetën për shtet anarkik, cili luftëtar ka marrë pushkën për Kosovë e që disa delenxhinj injorantë të luajnë me emrin e tyre pingpong? Kush di të më thotë se është luftuar që dikush të abuzojë në emrin e tyre? Pse vallë dëshmorët paskan luftuar që të rinjtë e Kosovës pas 15 vitesh liri të lëshojnë Kosovën, për të shtegtuar në Evropë për bukën e gojës? Athua që ata kanë luftuar që shtetin të udhëheqin analfabet të sojit të disave që janë mësuar të thërriten në emër të UÇK-së sa herë kanë që duan të realizojnë ambiciet djallëzore të tyre. ‘Boll më…’, nuk durohet më tej idiotizimi juaj!.

Kryemafiozi Hashim Thaçi duhet të ketë turp që e sjell situatën në Kosove në këtë gjendje. Në Kosovë është luftuar për një Kosovë tjetër. Për një arsim tjetër, pasi arsimi është alfa dhe omega e zhvillimit të të gjitha proceseve të shtetit. Nëse edhe këtu nuk lejoni të vendoset rend dhe ligj atëherë do t’ju mallkojnë brezat e ardhshëm. Le të më tregoj dikush nga këta që po thirren në emër të veteranëve, çfarë përgjegjësie kanë pasur në luftë? Të më tregojë dikush nga këto të shoqatave a pasur ndonjëri prej tyre përgjegjësi si komandant zone, brigade, batalioni, kompanie apo togu… ?!”, ka shkruar Berisha. /Telegrafi/

Në ditën kur është publikuar lajmi se ndaj tij është ngritur aktakuzë për keqpërdorim të detyrës zyrtare dhe autoritetit zyrtar, kryetari i Organit Shqyrtues të Prokurimit, Hysni Hoxha, tha për KALLXO.com se nuk ka bërë shkelje të ligjit të prokurimit.

Shefi i të ashtuquajturës “gjykatë e tenderëve” në Kosovë tha se nuk është i njoftuar për këtë aktakuzë.

“Nuk kam të bëj absolutisht me asnjë shkelje të dispozitave të ligjit të prokurimit, por kjo është një çështje politike e operatorëve ekonomikë. Kur atyre një herë nuk u shkon kungulli mbi ujë, ata përdorin gjithçka”, tha Hoxha.

Por atij nuk i bën përshtypje fakti që është nën hetime dhe tash është njeri me aktakuzë të ngritur.

“Unë jam nën hetime pothuaj prej kohës së ish regjimit dhe më vjen keq që disa njerëz punojnë ne institucione tona edhe më tutje dhe bartin një tagër të po atyre njerëzve”, u shpreh ai.

Sipas Hoxhës, në rastin konkret “ka lidhje edhe të operatorëve ekonomikë dhe njerëzve të caktuar”.

Por ai nuk deshi të bëhej më konkret se cilët operatorë dhe cilët njerëz janë të përfshirë.

“Nuk dëshiroj që të hap çështje më shumë. Të gjitha këto do t’i them për publikun, por jo sot”, tha kryetari i OShP-së.

“Unë nuk jam i njoftuar për këtë aktakuzë. Më parë duhet të njoftohem unë pastaj të njoftohen mediat. Vetëm ky fakt më bën të dyshoj se kjo është një përgatitje politike e dikujt tjetër për eliminimin tim”, nënvizoi Hysni Hoxha.

Ai thotë se ka operatorë ekonomikë që dëshirojnë ta eliminojnë atë.

“Janë plot operatorë, plot zyrtarë të caktuar që e kërkojnë eliminimin tim, e të cilët kanë menduar se mund të përfitojnë në mënyrë të paligjshme. Duke qenë kryetar I OSHP-së, jam përpjekur ta mbroj ligjin, ta zbatoj ligjin”.

“Në rastin konkret, krimet mund të çojnë edhe në institucione të mëtutjeshme”, tha ai.

Por ai nuk dëshiron të flasë në këtë fazë se cilat institucione dhe njerëz mund të jenë të përfshirë.

“Do ta them më vonë, jo tash”, u shpreh shkurt Hysni Hoxha.

Nënkryetari i PDK-së, Rrustem Mustafa Remi, i cili kishte habitur të gjithë me insistimin se partia e tij do të bëjë koalicion me LDK-në, tash ka dal me një tjetër deklaratë. Kësaj here LDK-ja “lutet” që Remi mos t’ia qëllojë.

Ai ka thënë se ende nuk dihen postet kryesore udhëheqëse në Qeverinë e ardhshme të Kosovës.

“Hashim Thaçi është i nominuari jonë. Kemi koalicion i cili shpresojmë se do të sjell rend dhe ligj. Unë nuk besoj që Isa Mustafa kushtëzon ecjen e funksionimit të vendit me pozicionin e tij personal. Besoj se asnjë nga liderët nuk e bënë këtë gjë”, ka thënë ai për 21.

“PDK respekton procedurat demokratike e në bazë të zgjedhjeve jemi partia e parë që i prin Qeverisë dhe kështu i zhvillojmë procedurat”, ka shtuar ai.