Isa Mustafa, mund t’ia shohë hairin zgjedhjeve të jashtëzakonshme. Partia të cilën e udhëheq ai ka filluar përgatitjet për mbajtjen e kuvendit të ri zgjedhor, por shpallja e mundshme e zgjedhjeve të jashtëzakonshme nga ana e presidentes Atifete Jahjaga, do ta detyronte këtë parti që t’i përshpejtonte procedurat për mbajtjen e atij kuvendi.

Kësisoj, në mungesë të kohës për zhvillimin e garës elektorale brenda partisë, do të bënte që Isa Mustafa në një kuvend ekspres të rikonfirmohej si i pari i LDK-së. Njëjtë si LDK pak para zgjedhjeve të parafundit kishte vepruar edhe Partia Demokratike e Kosovës, e cila brenda një kohe shumë të shkurtër kishte organizuar kuvendin zgjedhor. Një kuvend i tillë ishte zhvilluar vetëm për të mundësuar pjesëmarrjen në zgjedhje.

Megjithatë, nënkryetarja e kësaj partie, Teuta Sahatçija, ka mohuar mbajtjen e një kuvendi “ekspres”. Sipas saj, kjo parti do të mbajë një kuvend të mirëfilltë zgjedhor. Po ashtu ajo ka thënë se nga degët është kërkuar qe të rishikohet rregullorja për zgjedhje dhe janë kërkuar disa ndryshime në mënyrë që ky proces të jetë i udhëhequr sa më mirë./tribuna/

Partitë politike të përfaqësuara në Kuvendin e Kosovës i kanë tejkaluar tashmë disa kufizime kohore që i kishin para vetës për të shmangur mundësinë që vendi të shkojë në zgjedhje. Thirrjet e presidentes Atifete Jahjaga për një takim të përbashkët, liderët e bllokut LDK, AAK, Nisma dhe Vetëvendosje nuk i kanë përfillur, duke insistuar se si shumicë e krijuar parlamentare kanë të drejtë t’i formojnë dhe udhëheqin institucionet e reja.

Në anën tjetër, PDK e cila nuk po arrin që fitoren në zgjedhje ta kurorëzojë me formimin e qeverisë së re, shfrytëzon mundësitë që i ka ofruar Aktgjykimi i Gjykatës Kushtetuese që të mos tërhiqet në opozitë. Bllokada e krijuar tani mund të provohet të zgjidhet me anë të ndonjë vendimi të presidentes Jahjaga, që nënkupton shpalljen e zgjedhjeve, në funksion të garantimit të kushtetutshmërisë dhe funksionimit të institucioneve të Republikës së Kosovës.

Mirëpo, nga Zyra e Presidentes ende jepen shenja që tregojnë se partitë politike mund të ndryshojnë pozicione dhe në momentin e fundit ta shpëtojnë vendin nga zgjedhjet. ”Ka ardhur koha që liderët e partive politike parlamentare të ulen në një takim të përbashkët. Dhe ka ardhur koha që së bashku të gjejnë zgjidhjen e pranueshme për ndërtimin e institucioneve të qëndrueshme dhe funksionale”, ka deklaruar zëdhënësi i presidentes, Arbër Vllahiu../tribuna/

Deputetja e LDK’së, Besa Gaxherri ka thënë se nuk ka shans të ketë zgjedhje të reja ashtu siç është duke kërkuar PDK’ja. Ajo ka vlerësuar se nuk do të ishte mirë për demokracinë që dy partitë e mëdha të bëhen bashkë në një koalicion.

“ Qeveria e udhëhequr nga PDK’ja dhe LDK’ja nuk ka qenë e suksesshme për arsye se në një shtet demokratik nuk bën që dy forca kryesore të bëhen bashkë, pastaj opozita të mes ketë fuqi ta kontrollojë qeverinë. Duhet të punojmë në atë drejtim që dy partitë më të mëdha, njëra ta formojë qeverinë, tjetër ta kontrollojë atë duke qenë në opozitë”, ka thënë Gaxherri.

“The Guardian” për prokuroren që zbuloi skandalin e korrupsionit në EULEX.

Menjëherë pasi Maria Bamieh vendosi të dilte në shtyp me pretendimet për korrupsion dhe me dëshmim të rasteve, zyrtarë të misionit të Bashkimit Evropian për sundim të ligjit i filluan raportet agresive kundër saj, duke e përshkruar atë si një prokurore mediokër, arrogante dhe mbase edhe të çekuilibruar deri në tepri, përcjell Koha Ditore.

“Ata e bënë atë të dukej si një grua e pastrehë”, tha një ish-koleg.
Fushata ishte aq e pamëshirshme, sa filloi ta përplaste londinezen 55-vjeçare dhe gruan e papërshtatshme në epiqendër të stuhisë që ka gllabëruar Prishtinën dhe establishmentin e politikave të jashtme të Brukselit.

“Kam dëgjuar aq shpesh se isha e çmendur, saqë më duhet të kthehem e t’i shoh vazhdimisht dokumentet për t’ia kujtuar vetes se nuk jam duke e shpikur këtë”, theksoi Bamieh.

Fëmijët i dërgojnë në shkollë por prindërit janë të brengosur pasi fare pranë saj është hapur një bastore sportive.

U ankuan edhe në Komunë, Inspektoriati shkoi në vendin e ngjarjes mirëpo kur pronari kishte larguar gjithçka nga objekti.

Pronari tha se nuk e kryen këtë aktivitet të ndaluar në afërsi të institucioneve arsimore por faktet flasin ndryshe.

Banorët e fshatit Astrazub thonë se në lokalin vetëm disa metra larg shkollës vihen baste sportive.

Në bazë të ligjit për lojërat e fatit një bastore nuk guxon të jetë e hapur në një distancë prej 500 metra nga shkolla.

VLAN pritet të tërhiqet nga posti i kryeparlametarit. Këtë mund ta bëjë nesër, pas një takimi që mund të kenë liderët e Lidhjes Demokratike të Kosovës, të Aleancës për Ardhmërinë e Kosovës, Lëvizjes Vetëvendosje e të Nismës për Kosovën.

Një burim brenda VLAN-it i ka thënë portalit Koha.net në kushte anonimiteti se VLAN-i është i interesuar që të zhbllokojë ngërçin politik, duke lëshuar pe nga pozita e të parit të Kuvendit të Kosovës.

Ndërkohë, në Interaktiv të KTV-së, deputeti i Kuvendit të Kosovës, nga radhët e Nismës për Kosovën, Zafir Berisha, paralajmëroi se brenda 2-3 ditësh mund të ndodh zhbllokimi. Ai ka thënë se PDK-së duhet lënë kryeparlametari, të cilin ai e ka quajtur “ciceron”, ndërsa ka thënë se mes Isa Mustafës dhe Ramush Haradinajt duhet të gjendet një zgjidhje për postin e kryeministrit me rotacion.

Kujtojomë se kreu i Lidhjes Demokratike, Isa Mustafa dhe ai i Aleancës për Ardhmërinë e Kosovës, Ramush Haradinaj, kanë takuar sonte vonë sërish presidenten e Kosovës Atifete Jahjaga. Jozyrtarisht mësohet se ata kanë kërkuar garanci nga Presidentja se herën e dytë do t’u takojë atyre e drejta për të formuar Qeverinë, pasi mundësinë e parë ta ketë shteruar PDK-ja e Thaçit. Një gjë të tillë nuk e kanë marrë nga Presidentja Jahjaga.

Deputeti i Kuvendit të Kosovës nga radhët e Nismës, Zafir Berisha, ka thënë se e njeh mirë kreun e PDK-së, Hashim Thaçin, prandaj është shprehur i sigurt se ai nuk do të lëshojë pe.

“Hashim Thaçi nuk është ai i luftës dhe i dy viteve të para të pasluftës. Nga viti 2002 ai është ndryshe; i ka humbur burrëria. Është në gjendje me të gënjye, me qesh dhe në të njëjtën kohë me të përqaf”, ka thënë Berisha në “Interaktiv” të KTV-së.

“Duke e njohur Hashim Thaçin, nuk pres që ai të lëshojë pe, madje edhe sikur të kallej Kosova nga Vërmica në Merdar”.

Ai ka thënë se bllokimi ka ardhur nga pakica parlamentare. Ndërsa, ka shprehur bindjen se PDK-së duhet lënë kryeparlametari, të cilin ai e ka quajtur “ciceron”, ndërsa shton se mes Isa Mustafës dhe Ramush Haradinajt duhet të gjendet një zgjidhje për postin e kryeministrit me rotacion, përcjell koha.net.

Berisha ka thënë se pretendenti për kryeparlametar i PDK-së, Arsim Bajrami, është djegur politikisht.

Nënkryetarja e Parlamentit Europian, Ulrike Lunaçek, ka thënë se nëse një mision i BE’së është i përfshirë për korrupsion, atëherë kjo nuk është shqetësuese vetëm për atë mision por për gjithë BE’në.

Në një intervistë ekskluzive për “Jeta në Kosovë”, ajo ka thënë se po dëgjon njerëzit duke thënë se “kosovarët ia dolën ta korruptojnë edhe Bashkimin Evropian”.

“Ka momentalisht prej atyre që thonë… asi njerëz që tani po thonë se kosovarët kanë infektuar Bashkimin Evropian, dhe se që të gjithë janë të korruptuar, e prandaj nuk na duhet shteti i Kosovës dhe gjithsesi nuk na duhet as BE-ja”, thotë Lunacek.

Ajo ka thënë se kjo çështje duhet të sqarohet edhe brenda misionit të BE’së.

“Kjo është dicka që duhet të sqarohet edhe brenda misionit të BE’së. Për mua është shqetësuese nëse hetimet nuk fillohen sa më par”, tha ajo.

Tha se e di që për Francesco Florin tashmë kanë filluar hetimet.

“Me sa di unë, një për Florin po dhe për të tjerët nuk e di. Duam edhe ne si parlamentatë europian ta dimë. Është e domosdoshme që të sigurojmë që edhe imazhi i BE’së është

Nëse ka pasur korrupsion brenda EULEX’it, këta njerëz duhet të gjykohen”, ka thënë ajo.

Lunaçek ka thënë se disa njerëz që nuk e duan Kosovën, mund ta keqpërdorin këtë skandal të EULEX’it, nëse ka ndodhur ashtu.

“Disa njerëz që nuk e duan pavarësinë e Kosovës dhe që janë kundër BE’së, kemi mjaft prej tyre, nuk dua ta keqpërdorin këtë skandal për të folur kundër Kosovës dhe kundër qytetarëve të Kosovës. Korrupsioni brenda një misioni të BE’së është gjëja më e keqe që mund ta imagjinoni”, ka thënë ajo.

Vendimi për lirimin e përkohshëm të ish kryetarit të Partisë Radikale serbe, Vojislav Sheshel nga Tribunali i Hagës nga zyrtari i Aleancës për Ardhmërinë e Kosovës, Burim Ramadani ndër të tjera është konsideruar edhe fyerje për viktimat.

Sipas një postimi në profilin e tij në Facebook, Ramadani e ka konsideruar këtë vendim një shkelje të rëndë dhe provikim, gjithashtu.

“Lirimi i përkohshëm i Vojisllav Sheshelit nga Tribunali i Hagës është shkelje e rëndë, provokim dhe fyerje për dhjetëra-mijëra familje të viktimave nga politika dhe para-militarët e tij”, është postimi i Burim Ramadanit.

Analisti Imer Mushkolaj ka komentuar deklaratat e ambasadores, Tracey Jacobson, të cilat i quajti skandaloze për faktin se vijnë nga një përfaqësuese diplomatike e shtetit më të fortë në botë për liderët e vendit.

Këto komente ai i bëri në edicionin e lajmeve në Radio Televizionin e Kosovës.
“Deklarata e Ambasadores Jacobson është një shfryrje e mllefit shfryrje e frustimit dhe e gjithë asaj e cila është akumuluar gjatë këtyre pesë muajve tek shumica e qytetarëve të Kosovës, e cila thjeshtë nuk mund të durojnë më lojërat e politikanëve”, ka deklaruar Mushkolaj.

Ai më tutje theksoi se liderët kosovar me muaj të tërë e kanë zvarritur me qëllim krijimin e institucioneve në kuptimin duke e shantazhuar njëri tjetrin, natyrisht se edhe mesazhi i ambasadores sikurse edhe mesazhet e mëparshme që kanë ardhur edhe nga pjesëtarë të shoqërisë civile, gazetarë, opinionist është i atillë që institucionet të krijohen sa më shpejtë dhe zgjedhjet mbesin opsion i fundit.

“Kur themi se zgjedhjet do mbesin opsion i fundit apo duhet të mbesin opsion i fundit natyrisht pajtohemi se ekziston një shumicë parlamentare por në anën tjetër ekziston një vendim i Gjykatës Kushtetuese e cila e ka bërë të qartë se kush e ka të drejtën e nominimt të kryeparalmentarit”, tha Mushkolaj.

AI theksoi se si dalje nga kjo krizë ai e sheh reflektimin e Bllokut në kuptimin që Partia Demokratike e Kosovës ta zgjedh kryeparlamentarin nga radhët e veta, por me kusht që me një garancë ndërkombëtare që bllokut atëherë t’i jepet mundësia e dytë për krijimin e Qeverisjes së Republikës së Kosovës./Indeksonline/