Blloku opozitar LDK-AAK-Nisma dhe Lëvizja Vetëvendosje kur dukej se ishin afër të nënshkruanin marrëveshje për bashkëqeverisje, doli të kenë ende mospajtime.

Partia e Albin Kurtit thotë se “Blloku” nuk po është i gatshëm t’i nënshkruaj në letër ato për të cilat ishin pajtuar deklarativisht.

Deputeti i ri i Vetëvendosjes, Dardan Sejdiu, sot kur ende pritet që këto subjekte të afrojnë qëndrimet dhe të nënshkruajnë marrëveshje, shprehë habinë e tij se si, pala tjetër vazhdon të mos ketë guximin që pajtimet verbale t’i bëjnë kontratë në letër.

“Edhe 15 vjet ma vonë ende i frikësohen letrave, të zezës në të bardhë, kontratës!”, ka shkruar ai në llogarinë e tij në Facebook.

Edhe sot do të vazhdojë nënshkrimi i peticionit në të gjitha komunat e Kosovës, në kërkim të drejtësisë ndërkombëtare për gratë e dhunuara gjatë luftës në Kosovës.

Vetëm në ditën e parë janë me mijëra qytetar që kanë nënshkruar peticionin, dhe pritet interesim edhe më i madh sot gjatë ditës, kurse nënshkrimi mund të bëhet deri të premten sipas agjendës së peticionit.

Qytetarët e interesuar mund ta nënshkruajnë atë nga ora 8:00 e mëngjesit deri në 20:00 të mbrëmjes.

Liderët e koalicionit, Isa Mustafa, Ramush Haradinaj dhe Fatmir Limaj, pritet që sot gjatë ditës të takohen me liderin e Lëvizjes Vetëvendosje, Albin Kurti për të diskutuar lidhur me mundësin e marrëveshjes për bashkëqeverisje.

Edhe pse asgjë nuk është konfirmuar lidhur me ketë takim, burime nga këto subjekte thonë se drafti i Marrëveshjes ka pësuar disa ndryshime duke përafruar qëndrimet rreth temave të ndryshme.

Në skemën sipas së cilës është bërë ndarja e ulëseve për deputetët në bazë të rezultatit të zgjedhjeve të 8 qershorit, të 37 deputetët e PDK-së i vendos në karriget e mesit, e jo deputetët e bllokut opozitar, ashtu siç po pretendojnë tri partitë e koalicionit.

Gjithnjë sipas kësaj skeme, edhe pse deputetët e tri partive LDK-AAK dhe Nisma janë regjistruar në një grup të përbashkët parlamentar, ato në Kuvend, në seancën e parë të 17 korrikut, do të ulën si parti të veçanta.

Pakënaqësitë e tri partive të koalicionit paszgjedhor për renditjen e ulëseve janë shfaqur qysh në mbledhjen e parë të kryesisë. Liderët politikë nuk janë pajtuar me faktin se deputetët e PDK-së do të ulen sërish në karriget e mesit, gjë që kanë bërë që lideri i PDK-së Hashim Thaçi i revoltuar ta lëshoj mbledhjen.

Ky i fundit ka thënë se partia e tij nuk do të lejoj që një “grumbull muskujsh” ta prish rregullin. Ai ka kërkuar nga liderët politik që të respetkojnë vullnetin e jo të bien në kundërshtim me Rregulloren e Punës së Kuvendit, në kundërshtim me ligjet dhe Kushtetutën e Republikës së Kosovës.
E duke i parë pakënaqësitë e subjekteve politike për t’u ulur në mes të ulësve të Kuvendit, në seancën e parë konstituive të 17 korrikut s’do mend se mund të shpërndahen edhe “grushte” e “shqelma”.

Por publicisti Halil Matoshi nuk ka dashur të paragjykoj se si do të rrjedhë seanca konstituive e 17 korrikut, por nisur nga fjalët e zyrtarëve të PDK-së, se “nuk lejojnë aski të shkelin mbi institucionet” ai nuk përjashton as mundësinë e “grushteve” brenda Kuvendit të Kosovës.
“Nuk duhet paragjykuar se do të ketë grushtime.

Unë dua që të ketë ceremoni festive inauguruese, mirëpo kjo varet kryesisht nga fakti se sa e duan vërtet Kosovën përfaqësuesit e ish- LPK-së, përkatësisht PDK-ja, që dikur brohorisnin: “O do bëhet Kosova e jona- o do bëhet shkrum e hi!” E tash, se çfarë do të ndodh varet se çfarë ka menduar Adem Grabovci kur tha: “Nuk do ta lejojmë askë që të shkel mbi institucionet që i kemi fituar me gjak…”, ka deklaruar Matoshi për gazetën “Botaress”.

Analisti politik Shkelzen Maliqi ka vlerësuar se dështimi eventual i marrëveshjes në mes të koalicionit LDK-AAK-NISMA dhe VV-së vë në pikëpyetje të madhe mundësin e formimit të qeverisë së re nga partitë të cilat kanë humbur zgjedhjet e 8 qershorit.

Ai ka deklaruar se ky koalicion pa VV-në nuk i ka numrat për te formuar qeverinë. Sipas tij, tani qeveria e re mund të formohet nga ato parti që janë në gjendje të bëjnë koalicionin me PDK-në, e cika i ka 37 deputetë.

Ai nuk ka përjashtuar mundësinë e shkuarjes në zgjedhje të reja, nëse vazhdon kjo kokëfortësi e subjekteve politike./Epoka e Re/.

Deputetë të LDK-AAK e Nismas në njërën dhe PDK-së në anën tjetër nuk kanë vendosur kurrfarë dialogu pas mbledhjes së kryesisë në shkuarje të Kuvendit. Ngjashëm kanë vepruar edhe liderët e të dyja blloqeve, duke e lënë të hapur mundësinë që të enjten, deputetë të të dyja palëve të konfrontohen fizikisht me qëllim që t`i zënë ulëset që janë në mes të Kuvendit të Kosovës.

Të dyja blloqet pretendojnë se u takon pjesa qendrore e ulëseve në Kuvend, e rezervuar për grupin më të madh parlamentar. Caktimi i ulëseve e ka edhe domethënien e vet. Me të fituar vendin si grupi më i madh, fiton edhe të drejtën e kandidimit për postin e kryetarit të Kuvendit. Kështu që këto paqartësi, pritet të jenë pjesë e zhvillimeve dramatike të seancës konstitutive të 17 korrikut. Pas mbledhjes së kryetarit dhe kryesisë së kaluar të Kuvendit me liderët e partive parlamentare për propozimin e rendit të ditës së seancës konstitutive, kishin dalë sheshazi këto mospajtime../tribuna/