Film është i bazuar mbi novelën e njohur të shkrimtarit të madh Leon Tolstoy ”Sonata e Kruizerit ”por që i përshtatet realitetit në Kosovë. Studenti i regjisë, Durim Kryeziu theskon në një intervistë për KultPlus se temë e këtij filmi do të jetë më saktësisht dashuria mes dy personaliteteve të kundërta me karaktere dhe kërkesa të përditshmërisë, ku jo rastësisht prodhon edhe pyetjet e brendshme ku herë-herë nuk gjen as përgjigjet.

Regjisori dhe skenaristi i ri Durim Kryeziu ka nisur realizimin e filmit të metrazhit të shkurtër të quajtur “Sonata”. Ky film është duke u realizuar me një ekip të madh dhe me aktorë profesionistë. ”Sonata” ngrihet mbi novelën e njohur të shkrimtarit të madh Leon Tolstoy ”Sonata e Krojcerit”.

“Filmi është bazuar mbi novelën e shkrimtarit Leon Tolstoy , por kuptohet që skenari është ndërruar dhe është përshtatur mbi perceptimet e logjikës së gjërave në Kosovë”, ka thënë për KultPlus, Kryeziu.

Temë e këtij filmi do të jetë më saktësisht dashuria mes dy personaliteteve të kundërta me karaktere dhe kërkesa të përditshmërisë, ku jo rastësisht prodhon edhe pyetjet e brendshme ku herë-herë nuk gjen as përgjigjet.Për realizimin e filmit, Durim Kryeziu ka marrë ide edhe nga profesori i tij Selami Taraku.

“Këtë film e kam bërë për arsye diplomimi por pasi që të kryhen fazat e postproduksionit do t`i shoh mundësitë për të konkurruar në festivale kombëtare dhe ndërkombëtare”, shtoi Kryeziu.

Studenti i regjisë thekson se për të arritur deri në këtë fazë, i është dashur shumë kohë dhe përkushtim, e bërë me aktorë profesionistë në mesin e të cilëve është edhe Çun Lajçi.

“Pse bash Çun Lajçi ka rol në film.. Sepse me figurën dhe zërin e tij baca Çun luan rolin e një plaku të moshuar , ku në mes intelektualëve mbron parimet tradicionale për dashurinë”, tregoi ekskluzivisht Kryeziu.

Durim Kryeziu tregon për fillimin e paraqitjes së skenarit tek ata aktorë që ka dëshiruar t`i ketë në këtë projekt dhe për pëlqimin që ka marrë nga ata.

“E gjithë ekipit të filmit u ka pëlqyer ideja e skenarit dhe mënyra e trajtimit të temës së dashurisë, kështu ekipi me përkushtim të madh kanë dhënë kontributin e tyre profesional në mënyrë vullnetare ku edhe shfrytëzoj rastin t`i falënderoj shumë.”,ka thënë ai. Në film luajnë: Labinot Lajçi, Albulena Kryeziu, Armend Baloku, Selman Lokaj, Çun Lajçi, Selami Taraku, Vlora Nikçi, Doresa Rexha, Mevlyd Osmani. Regjia: Durim Kryeziu, Skenari: Ben Apolloni, Durim Kryeziu, drejtor i fotografise: Rron Ismajli, kompozitor: Memli Kelmendi, tonisti: Agron Demolli, kostumografe: Greta Maksuti, skenografet: Lumjeta Havolli, Agron Blakqorri.

Ky regjisor për publikun në të ardhmen e afërt do të nisë të punojë në shumë projekte të ndryshme. Ai zbuloi për KultPlus se planifikon ta shkruaj një skenar për film të metrazhit të gjatë ‘’Kurorëzimi” , ku këtu kërkon mbështetjen e institucioneve shtetërore.

Filmin i metrazhit të gjatë “Tri dritare dhe një varje”, me skenar të Zymber Kelmendit dhe regji të Isa Qosjes është parë vetëm nga 1300 persona.

Menaxherja e kinemasë ABC, Miradije Vllahiu ka thënë për “KultPlus” se 1300 bileta janë shitur për filmin “Tri dritare dhe një varje”, pa i llogaritur 500 persona që kanë parë filmin me ftesa me rastin e premierës kombëtare që është dhënë në dy salla, më 4 shtator.

Mirëpo, këtu nuk është mbyllja e prezantimit të këtij filmi në kinemanë ABC. Vllahiu ka thënë se me qëllim që tu jepet shansë artdashësve që të kenë mundësi ta shohin filmin, kinemaja ka shtyrë prezantimin e këtij filmi deri më 24 shtator, ku do të jepet vetëm në një termin, atë të orës 16:00.

Në anën tjetër, filmi “Tri dritare dhe një varje”, është mbështetur nga Qendra Kinematografike e Kosovës, pos prezantimit të filmit si projekt filmik ka pas edhe pjesën humane, pasi që me vendim të producentit të këtij filmi, Shkumbin Istrefi dhe me mbështetje të ekipit të filmit dhe QKK-së, është marrë vendim që 50 % e pjesës që i ka takuar produksionit në shitje të biletave të shkojnë për gratë që janë dhunuar nga serbet gjatë luftës së fundit në Kosovë.

Mirëpo, interesimi i paktë i qytetarëve për artin në Kosovë me këtë rast ka cunguar edhe këtë fond, pasi që i bie se nga fondi i përgjithshëm, viktimave të dhunës seksuale t’u takojnë vetëm 1.950 euro.