Tridhjetë punëtorë do të punësohen në Administratën e Komunës së Prizrenit.Punësimi i tyre nuk do të zgjatë më shumë se gjashtë muaj.
Drejtori i Administratës, Ilir Baldedaj thotë se vendimi për punësimin e 30 punëtorëve është marrë për shkak rritjes së efikasitetit të punës në kohën e ardhjes së mërgimtarëve në Prizren.

“Ne kemi marrë një vendim për punësimin e 30-të punëtorëve për shërbime të veçanta në afat 6 mujor, pasi që dëshirojmë që mërgimtarëve t’iu ofrojmë shërbime të shpejta dhe efikase”, thotë Baldedaj për “PrizrenPress”.

Asambleistja e Vetëvendosjes në Prizren, Drita Millaku, ndërkaq ka akuzuar pushtetin komunal se punësimi i 30 punëtorëve, po bëhet në prag të fushatës zgjedhore.

“Një arsye më shumë për punësimin e militanteve partiak është edhe kërkesa e Drejtorisë se Administratës për punësimin e 30 punëtorëve me afat prej 6 muajve kinse për shërbimet më të lehta për diasporën”, ka thënë Millaku.

Ajo thotë se ky justifikim është plotësisht i pavend.

“Siç dihet as pritet ndonjë fluks i veçantë për marrjen e dokumenteve personale as nuk ndonjë aktivitet i veçantë”.

“Sipas qeverisë lokale i tërë sistemi i gjendjes civile është i automatizuar dhe palës nuk i nevojitet më shumë se 3-5 minuta për nxjerrjen e një dokumenti, gjithnjë, e theksoj sipas deklarimeve të tyre. Shtrohet pyetja përse u dashkan të punësohen këta 30 punëtorë shtesë me afat të kufizuar të kontratës?”.

Drejtori i Administratës, Ilir Baldedaj, ndërkaq nuk pajtohet me këtë konstatim të Millakut të VV-së në Prizren. Ai thotë se në këtë konkurs kanë aplikuar edhe aktivistët e Vetëvendosjes.

“Jam i gatshëm të ballafaqohem me Vetëvendosjen, nëse ka argumente se në këtë konkurs ka nepotizëm”.

“Asgjë nuk ka të keqe nëse punësohen të rinjtë.Po të ishte mundësia buxhetore do të kisha punësuar më shumë se 30 punëtorë”, thotë Baldedaj. /PrizrenPress.com/

Më shumë se 20 familje skamnore dhe fëmijët e braktisur mund të përfitojnë nga një shkëmbim akuzash ndërmjet kryeparlamentarit Jakup Krasniqi dhe zv/kryeministrit Behgjet Pacolli. Dy ish-shokët e shkollës së mesme po duan të bëjnë një shkëmbin ekonomik pas akuzave ndaj njëri-tjetrit, shkëmbim nga i cili do të përfitonin të varfrit. Shtëpia katërkatëshe e kryeparlamentarit Jakup Krasniqi me mbi 500 metra katrorë mund të jetë subjekt i një shitblerjeje në vlerë prej një milion eurosh. Paratë do t’i jepte biznesmeni që është edhe lider i AKR-së, Behgjet Pacolli.

Krasniqi, nga shuma e parave do të përvetësonte vetëm 400 mijë euro, ndërsa pjesa tjetër do t’u shpërndaheshin skamnorëve. Shtëpia e tij, që pastaj do të ishte në pronë të Pacollit, do të shndërrohej në strehimore për fëmijët e braktisur. Kryeparlamentari që ka nisur subjektin e tij politik si shenjë pakënaqësie ndaj PDK-së, inatet po i shfryn në Pacollin.

Zyrtarët e PDK-së edhe më herët kanë thënë se pakënaqësia e vetme e Krasniqit ka të bëjë me garën që ka pasur me Pacollin për postin e presidentit. Krasniqi, këtë nuk e ka pranuar asnjëherë, duke thënë se dallimet e tij me PDK-së janë morale. Derisa kanë folur për moral, lideri i AKR-së Pacolli, i ka kërkuar shpjegime Jakup Krasniqit për shtëpinë në vlerë prej një milion eurove../Tribuna/

Kuvendi i Kosovës ende nuk i ka të sigurta votat e minoriteteve për transformimin e FSK-së në Forca të Armatosura të Kosovës
I padobishëm ishte edhe takimi i radhës i zhvilluar të mërkurën në zyrat e Ambasadës Amerikane mes liderëve të partive politike – shkruan Koha Ditore.

Deputetët e komuniteteve pakicë kanë kushtëzuar votën për ndryshime kushtetuese me vazhdimin e vendeve të rezervuara, së paku edhe për një mandat. Ndryshimet kushtetuese për FAK-un nuk mund të bëhen edhe pa 2/3 e komuniteteve.

Kundër vendeve të rezervuara deri më tani janë deklaruar LDK-ja dhe lëvizja “Vetëvendosje” pa votën e të cilave nuk mund të shkojë para kërkesa e minoriteteve. Kurse për PDK-në dhe AAK-në praktikisht është i pamundur krijimi i Forcave të Armatosura të Kosovës pa arritjen e një kompromisi me minoritetet.

(Koha Ditore)

Sindikatat e punëtorëve në Kosovë akuzohen se më shumë po u shërbejnë partive politike për të siguruar vota sesa mbrojtjes së të drejtave të punëtorëve për çka edhe janë themeluar.

Sindikalistët janë ata që po ruajnë paqen sociale, duke mos problematizuar dhe ngritur zërin për problemet e shumta me të cilat përballen punëtorët kosovarë.

Përmbushjen e kërkesave të punëtorëve Qeveria e bën vetëm në prag të zgjedhjeve, ndërkohë që edhe vizitat e partive opozitare nëpër sindikata bëhen po ashtu vetëm në prag të zgjedhjeve./Koha Ditore/

Duket si një bunar i zakonshëm, por një javë më parë pati tjetër pamje.

Sasia e këtij pusi në Astrazub të Malishevës, u rrit aq shumë sa që banorëve u ngjasonte me fontanë, raporton Klan Kosova.

“Sipas babës, thonë se në vitet ’60 ky bunar është përdor si hidrocentral i vogël”, thotë Shaban Elshani, i cili madje pretendon se ka brenda bunarit një shpellë.

Me të dëgjuar këto tregime, pranë këtij pusi u shfaqën edhe disa organizatat ndërkombëtare.

Sipas banorëve, uji nga rrjedha që bën shkon drejt e në Shkodër.