Për nëntë ditë me radhë sa edhe zgjat DokuFesti në qytetin e Prizrenit, hoteleria dhe gastronomia marrin një shtytje të fuqishme të ardhurash.
Ndonëse ende nuk dihet numri i saktë i vizitorëve, hotelet janë të mbushura, ndërsa pothuajse të gjitha restorantet punojnë me kapacitete të shtuara.
Në hotelet dhe bujtinat e qytetit vende nuk ka më …. Nga të gjithë ato që merren me këtë lëmi DokuFesti shihet si një ngjarje që sjell jo vetëm kulturën e vendeve të ndryshme të botës, por edhe të ardhura të mira për bizneset e tyre.
Jeta në Prizren ka një dinamikë ndryshe nga përditshmëria. Ivon Llam nga Anglia, ka zgjedhur transportin urban që është vënë në dispozicion të dukufestit, për të përcjellë filmat e saj të preferuar.
Edhe Vlora Prizreni bashkë me vajzën e saj udhëtojnë për në Dokukids. Interesimi për këtë trafik urban gjatë DokuFestit është i madh.
Kjo gjendje, sa dinamike dhe kreative gjatë 24 orëve në qytetin e Prizrenit, do të zgjasë deri më 13 gusht, kur mbyllet edhe edicioni i 21 i DokuFestit.RTK