Shtatorja e heroit kombëtar Gjergj Kastrioti – Skënderbeu e vendosur në qytetin e Prizrenit është ngjyrosur me ngjyrë ari.
Zëdhënësi i Policisë së Kosovës për rajonin e Prizrenit, Shaqir Bytyqi në një prononcim për Telegrafin ka thënë se nga vëzhgimet paraprake nuk ka indikacione se veprimi është kryer me qëllim përdhosjeje.
Bytyqi tha se sipas gjendjes së konstatuar, dikush ka ngjyrosur (ose praruar) me ngjyrë ari shpatën dhe përkrenaren e shtatores së Gjergj Kastriotit – Skënderbeut.
Tutje sipas tij, pavarësisht kësaj, Policia ka nisur hetimet dhe të gjitha informacionet i janë përcjellë Prokurorisë Themelore në Prizren.
“Veprimet e mëtejshme do të ndërmerren në përputhje me udhëzimet e Prokurorisë kompetente”, ka thënë Bytyqi. /Telegrafi/
