Prend Ndoja, SHBA
LUTJE E MËNGJESIT
O, Zot!
Të falënderoj që më zgjove për ta marrë dhuratën tënde
Për ta filluar edhe këtë ditë.
Të falënderoj që ma dhe mundësinë ta kem edhe këtë ditë
-këtë pjesë të jetës.
Më ndihmo t’i shijoj dukuritë e natyrës.
Dy krijesa që Ti i krijove- natyra dhe shpirti im
Të komunikojnë këndshëm mes vete.
O, Zot !
Të falënderoj për Tokën, Dritën, Ajrin, Ujin
Që na shërbejnë bollshëm në jetën tonë.
Më ndihmo, o Zot, që gjatë kësaj dite mos të bije pre e grackave të djallit.
Më ndihmo, o Zot, që të sjelli lumturi edhe te njerëzit që do t’i takoj gjatë ditës.
Më ndihmo, o Zot, që të kem aftësi pune
Me frytin e punës së duarve të mia të gëzohen edhe të tjerët.
O, Zot, i përulem ekzistencës sate.
Nga ekzistenca e jote jam unë.
O, Zot, sill paqe, dashuri dhe bekim për tërë njerëzimin.
LUTJE E MBRËMJES
O, Zot!
Të falënderoj për të gjitha që m’i ke dhënë.
Të falënderoj edhe për këtë ditë
Që nën kujdesin tënd e përmbylla me sukses.
O, Zot!
Në këtë natë po dorëzohem në duart e engjëjve
Që të kujdesen për mua gjatë kohës së gjumit
Që fuqitë negative mos të kenë qasje në shpirtin e as në trupin tim.
O, Zot, në emrin tënd po e fali, nëse dikush ka gabuar ndaj meje.