13.8 C
Prizren
E enjte, 28 Mars, 2024

Del në diskutim publik projektplani i punës së kryetarit të Prizrenit për vitin 2023

Në sallën e mbledhjeve të Kuvendit Komunal të Prizrenit është mbajtur konsultim publik me qytetarë për projektplanin e punës së kryetarit të Komunës së Prizrenit për vitin 2023, organizuar nga anëtarët e grupit punues për hartimin e planit.

Ymer Berisha, Udhëheqës i Njësisë për Komunikim me Publikun, bëri hapjen e këtij konsultimi dhe theksoi se për herë të parë është duke u mbajtur një konsultim i tillë për planin e punës së kryetarit sipas kërkesave ligjore për hartim të dokumenteve komunale.

Dokumenti është fleksibil deri në datën e miratimit të tij në Kuvend, ndaj ftoi të pranishmit dhe qytetarët e tjerë që të japin propozime apo sugjerime.

Plani ka dalë në konsultim publik me kohë dhe komentet për këtë plan, qytetarët mund t’i japin edhe gjatë ditëve në vijim.

Bashkim Gashi, ka kërkuar që në projektet e drejtorisë për Shërbime Publike të parashihet rregullimi pjerrinave në institucione publike si dhe në ato private për persona me aftësi të kufizuara; rregullimi i rrugës që dërgon për në kalanë e qytetit; krijimi i mekanizmave për rritjen e transparencës; kujdes më të madh në matjen dhe rritjen e performancës.

Ndërsa, Flaka Bamja-Bytyqi nga zyra informative për turizëm, ka kërkuar që të përfshihet në Drejtorinë e Turizmit rregullimi i inventarit të zyrës informative si dhe punëtorët e kësaj zyre të hynë në listë të pagave të zyrtarëve komunal.

Haziz Krasniqi, përgjegjës për konsultime publike në Komunën e Prizrenit ka folur për publikimin e planit që ka dalë në konsultim publik në uebfaqe si dhe në platformën e konsultimeve publike më 16.11.2022 dhe në konsultim publik do të jetë deri më 16.12.2022.

Më Shumë

“Fëmija po rrezikohen”- vozitje të “çmendura” në një fshat të Malishevës, pamje nga kamerat

Në njërën rrugë të fshatit Drenoc të Komunës së Malishevës banorët atje po rrezikohen nga ngasësit e veturave. Pamjet nga kamerat e sigurisë që janë...

Nga 1 prilli nëse nuk e pastron baltën nga mjeti, gjoba do të jetë 1 mijë euro

Në fillim të prillit pritet të fuqizohet Ligji i ri për rregullat në trafik. Kështu, parashihen gjoba të ashpra ndaj shkelësve. Iniciuesit e këtij ligji...

Lajmet e Fundit