24.8 C
Prizren
E enjte, 18 Gusht, 2022

Deputeti i VV-së: Hoti u nis në Uashington për njohje, atje u demantua

Deputeti nga radhët e Lëvizjes Vetëvendosje, Hajrulla Çeku, në një prononcim për Front Online ka thënë se delegacioni i Kosovës është nisur për në Uashington pa platformë dhe sipas të gjitha gjasave pa idenë se çka përmban agjenda.

Sipas tij, kryeministri Hoti para nisjes u kishte thënë se vetëm njohja reciproke do të diskutohet, por që lajmet nga atje e kanë demantuar këtë deklaratë.

“Marrëveshja e mirë me Serbinë kërkon dy parakushte themelore. E para, legjitimim të qeverisë në zgjedhje dhe unitet të brendshëm mbi një platformë të dakorduar, dhe e dyta, vendosje e dy kushteve për dialog ndaj Serbisë: njohja e Kosovës dhe fatura e luftës, e cila përfshinë drejtësinë për viktimat dhe dëmshpërblimin ekonomik”, ka thënë ai.

Çeku ka thënë se brenda grupit po ashtu ka edhe mospajtime e përçarje dhe mungesë totale të koordinimit sa i përket qasjes në bisedime.

“Ky është delegacioni më jo përfaqësues që ka pasur Kosova nga bisedimet në Rambuje. i mungon legjitimiteti për shkak se qeveria aktuale është jo legjitime, si në kuptim të numrave, ashtu edhe në atë të mandatit burimor nga vota popullore. Delegacionit i mungon edhe cilësia, pasi anëtarët nuk shquhen për përgatitje profesionale, përvojë politike dhe njohuri historike”, ka shtuar ai./Front Online/

Më Shumë

“Nuk mund t’i rezistoj kurrë një gruaje tërheqëse”

Ish-lojtari i njohur uellsian i Manchester United dhe ish-trajneri i kombëtares së vendit të tij, Ryan Giggs, bëri rrëfimin e tij të parë përpara...

Mbi 5,000 raste aktive me COVID-19 në Kosovë

3,184 persona kanë vdekur që nga paraqitja e rasteve të para në Kosovë, të cilat ishin konfirmuar më 13 mars të vitit 2020. Aktualisht janë...

Lajmet e Fundit