-4.2 C
Prizren
E mërkurë, 19 Janar, 2022

Dhuna ndaj grave, kërkohet vëmendje serioze institucionale

Rastet e dhunës në familje nuk po kanë të ndalur. Policia çdo ditë përmes raportit 24 orësh po publikon shifra shqetësuese të këtyre rasteve, ku kryesisht janë gratë ato që po pësojnë nga bashkëshortët e tyre.

E përveç dhunës, shpesh-herë mosmarrëveshjet brenda një familje po kalojnë edhe në vrasje. Viktima e fundit e dhunës në familje ishte Lirije Qerimaj, 48 vjeçarja nga Llausha e Skenderajt u vra nga bashkëshorti i saj, me armë zjarri.

Siç njoftoi Policia, çifti edhe me herët kishin pasur mosmarrëveshje. Përveç Lirije Qerimaj, nga dhuna në familje kanë pësuar shumë gra edhe gjatë vitit 2021 në Kosovë.

Kjo situatë po shihet shumë shqetësuese nga psikoterapeuti, Yll Avdijaj. Ai në një deklaratë për Telegrafin ka thënë se këto raste kërkojnë vëmendje serioze institucionale.

“Rastet e dhunës që po ndodhin kohët e fundit, padyshim se janë shqetësuese dhe kërkojnë një vëmendje serioze institucionale dhe profesionale. Siç e dimë, pandemia ka ndikuar negativisht në shumë sfera të jetës, e po ashtu edhe në gjendjen psiko-emocionale të njerëzve. Kjo dukuri, ka arritur të shpërfaqë shumë probleme si në aspektin politik, ekonomik e po ashtu edhe në rrafshin social, gjë që kjo e fundit shpesh herë po rezulton e dhimbshme, në momentin kur po cenohet dinjiteti dhe integriteti personal i individit në shoqëri”, u shpreh ai.

Avdijaj tha se “këto dukuri nuk është që nuk kanë ekzistuar edhe më herët, mirëpo dinamika e ngjarjeve, frika dhe shqetësimet e tjera psiko-emocionale që ka shkaktuar kjo gjendje, po rezulton edhe me sjellje të cilat po eskalojnë deri tek dhuna psikike, emocionale, fizike e po ashtu edhe kërcënimi i jetës së individit”.

Duke folur për dhunën në familje, Avdijaj thekson se një rol të madh e ka edhe sistemi tradicional.

“Një rol të madh ka edhe aspekti socio-kulturor në shoqërinë tonë, sistemi tradicional, e që shpeshherë në një farë mënyrë sikur e aprovon dhunën dhe e miraton atë. Kjo direkt apo indirekt i kontribuon zhvillimit të një modeli të thellë të dhunshëm në shoqëri. Mesazhi që e përçon te të tjerët është se ‘qëllimi duhet arritur vetëm përmes dhunës’, e kjo gjë padyshim se lehtësisht mund të bëhet një lloj modelimi edhe për gjeneratat e ardhshme të reja”, potencoi ai.

Kurse, sa i përket profilit të dhunuesve, Avdijaj thotë se ata janë persona me çrregullime psikike.

“Nga rrafshi psikologjik, shikuar profilin e dhunueseve atëherë mund të themi se domosdo kemi të bëjmë me ndonjë person me çrregullime psikike, psiko-emocional, apo edhe konflikte të pazgjidhura me vetën, gjë që personi dhunues i projekton të të tjerët, deri në cenimin e të drejtës dhe dëmtimit të tyre. Në rrafshin psiko-social, mund të themi se mungon edukata dhe zhvillimi i vetëdijes së plotë mbi marrjen e përgjegjësive sociale, të cilat na ndihmojnë në mbajtjen e balancit shoqëror”, deklaroi ai.

Avdijaj mes tjerash tha se rastet e tilla të dhunës ndikojnë edhe te qytetarët duke krijuar frikë.

“Padyshim se rastet e tilla, te viktimat, familjarët normalisht që do të ndikojnë në traumatizmin e tyre, e po ashtu me një pasiguri edhe frikë edhe për qytetarët dhe audiencën e cila nis ditën duke lexuar vazhdimisht për raste të tilla që po ndodhin në shoqërinë tonë”, ka thënë mes tjerash ai.

Për vrasjen e Lirije Qerimajt ka pasur reagime të shumta, ndërkaq ditën e premte në Skenderaj ka pasur edhe një protestë paqësore kundër dhunës dhe vrasjes së grave. /Telegrafi/

Më Shumë

Kryetari Totaj ka mbajtur takimin e parë me kabinetin e drejtorëve komunal

Kryetari i Komunës së Prizrenit, Shaqir Totaj sot ka mbajtur takimin e parë me kabinetin e drejtorëve komunal, një ditë pas emërimit të tyre...

Totaj: LDK na ndihmoi në Prizren, kjo është arsyeja pse nuk lidhëm koalicion

Dorëheqja e Anton Qunit nga detyra e kryetarit të LDK-së në Prizren është arsyeja kryesore për mos arritjen e një koalicioni bashkëqeverisës me LDK-në. Në...

ShSKUK: 33 pacientë janë me oksigjeno-terapi

43 pacientë të konfirmuar me Covid-19 pozitivë janë të spitalizuar në klinikat Covid-19 dhe spitalet e përgjithshme. Po ashtu, në trajtim janë edhe 29...

Këto janë vendet që do të mbesin pa rrymë nesër në Prizren

KEDS ka njoftuar për punime të domosodshme për siguri të sistemit, teksa ka njoftuar për ndërprerje deri në 7 orë.   Prizren 1. NS 35/10 kV Pirana do...

EC Ma Ndryshe: “Hidroregjioni Jugor” të sigurojë furnizim të rregullt me ujë të pijes

Furnizimi me ujë të pijes në qytetin e Prizrenit së fundmi po realizohet me aplikimin e reduktimeve ka njoftuar Kompania Rajonale e Ujësjellësit “Hidroregjioni...

Kosova e shpresës, Kosova e zhgënjimit!

Behxhet Sh. SHALA – BAJGORA 22 vite pas përfundimit të luftës Kosova nuk është ende e çliruar. Se aq në mënyrë të padinjitetshme trajtohen ata që...

Arrestohet një person i kërkuar për organizim të bixhozit në Prizren

Gjatë ditës së sotme Policia e Kosovës ka arrestuar një person, i cili ishte në kërkim me urdhëresë të lëshuar nga gjykata, shkruan Gazeta...

Fejohen Megan Fox dhe Machine Gun Kelly

Një dolli është për aktoren Megan Fox dhe rep artistin, Machine Gun Kelly – pasi që çifti ka bërë të ditur se janë fejuar. Fox...

Një muaj paraburgim për personin që ushtroi dhunë ndaj gruas në Prizren

Gjykata Themelore në Prizren ka caktuar masën e paraburgimit në kohëzgjatje prej 30 ditësh ndaj të pandehurit K.P., i cili dyshohet se ka kryer...

“Meka Halal Food” ua jep punëtorëve edhe pagën e 14-të

Kompania vendore “Meka Halal Food”, e cila merret me prodhimin dhe përpunimin e produkteve të mishit, ka bërë me dije se punëtorëve të kompanisë...

Rritja e çmimit të rrymës – kryesuesi i Bordit të ZRrE s’jep detaje: Kërkesa është në shqyrtim

Kryesuesi i Bordit të Zyrës së Rregullatorit të Energjisë (ZRrE), Ymer Fejzullahu, tha se janë duke shqyrtuar kërkesën për rritjen e çmimit të energjisë...

Arrestohet i dyshuari për posedim të marihuanës në Prizren

Policia në Prizren, ka arrestuar të dyshuarin për posedim të sasisë të substancës së dyshuar narkotike, e llojit  marihuanë në peshë 3.14 gram.  Lajmi është bërë...

47 vjet nga vdekja e shkrimtarit dhe intelektualit, Ernest Koliqi

Përkujtohet sot ndarja nga jeta e shkrimtarit Ernest Koliqi. Muzeu Historik Kombëtar solli në vëmendjen këtë figurë të rëndësishme të letrave shqipe. Më 15 janar...

554 vjet nga vdekja e Skënderbeut

Sot mbushen plot 554 vjet nga vdekja e figurës legjendare të Gjergj Kastriot Skënderbeu, më 17 janarin e vitit 1468, në Lezhë. Gjergj Kastrioti, Heroi...

Prokuroria e thërret Sali Berishën

Prokuroria e Tiranës ka thirrur sot paradite ish-kryeministrin Sali Berisha për të dhënë dëshminë e tij për ngjarjet e 8 janarit në selinë e...

Midis luftës, për të shpëtuar jetë

Kinematografia e luftës graviton rreth epshit vizual për brutalitet dhe beteja të gjakosura. Mel Gibson mbase është ekzemplar historik në trupëzimin e kësaj ideje. Me Hacksaw...

Lajmet e Fundit