16.8 C
Prizren
E premte, 22 Shtator, 2023

Dy javë para shpalljes së aktgjykimit, Limaj paralajmëron prova të reja në rastin “MTPT”

Fatmir Limaj, ish-ministër në Ministrinë e Transportit dhe Postë-Telekomit (MTPT), njëherësh zëvendëskryeministër, ka paralajmëruar, përmes avokatit të tij, se do të propozojë para gjykatës prova të reja në rastin “MTPT”.

Tani për tani, siç i është thënë “Kohës Ditore”, Limaj dhe të akuzuarit e tjerë kanë hequr dorë nga propozimi i dëshmitarëve, duke ia hapur rrugën prezantimit të provave, që është procedura e fundit para paraqitjes së fjalës përfundimtare.

Provat e reja, por edhe prova që veç janë në shkresa të lëndës, pritet të prezantohen më 15 nëntor, kurse në datat 21 dhe 22 nëntor do të jepet fjala përfundimtare.

Verdikti final i këtij procesi gjyqësor është planifikuar të shpallet më 24 nëntor.

Ish-ministri Limaj, së bashku me këshilltarin e tij, Endrit Shala, ish-shefin e prokurimit në MTPT, Nexhat Krasniqi, si dhe shoferi e tij, Shpëtim Telaku, po përballen me drejtësinë për krim të organizuar, keqpërdorim të detyrës zyrtare e marrje e dhënie ryshfeti./koha ditore/

Haradinaj: Kosova në NATO është zgjidhja

Kryetari i Aleancës për Ardhmërinë e Kosovës, Ramush Haradinaj ka deklaruar se Kosova duhet të anëtarësohet në NATO, dhe se kjo sipas tij është...

Kryeziu: Asociacioni aktual është OJQ, ky i riu ka elemente ekzekutive

Analisti politik, Kadri Kryeziu, ka thënë që Asociacioni i vitit 2013 ka qenë në formë të organizatës joqeveritare, ndërkaq i riu do të jetë...

Lajmet e Fundit