16.8 C
Prizren
E enjte, 18 Gusht, 2022

Eliminohet Bashkimi

Peja është kualifikuar në gjysmëfinale të play-offit në Superligën e Kosovës në basketboll, pasi e ka mposhtur Bashkimin edhe në ndeshjen e dytë.

Pejanët kanë avancuar në raundin tjetër me rezultatin e përgjithshëm 2-0, pasi edhe të shtunën mbrëma, në palestrën “Sezai Surroi”, Peja shënoi fitore me rezultat të ngushtë 77:75.

Në fakt, Bashkimi e pati mundësinë për të barazuar rezultatin kur kishin mbetur edhe dy sekonda lojë, por amerikani Terrence Thompson dështoi në dy gjuajtjet e lira që i pati dhe konfirmoi fitoren e Pejës.

Si në fitoren e parë edhe në të dytën, te Peja më i dalluari ishte Darius Washington me 28 pikë, gjashtë kërcime e tetë asistime. Kapiteni i Pejës, Dardan Berisha nuk u aktivizua fare.

Ndërkohë, te Bashkimi më i dalluari ishte Corey Ross me 22 pikë të realizuara.

Në serinë gjysmëfinale, Peja do të takohet me skuadrën e Trepçës, që stinorin e rregullt e mbylli në pozitën e dytë.

Më Shumë

Tottenham nuk dorëzohet, përgatit një ofertë të re për Zaniolon

Antonio Conte kërkon me çdo kusht të ketë nën urdhërat e tij këtë sezon te Tottenham edhe yllin e Romës, Nicolo Zaniolo. Sipas Calcio MercatoWeb,...

Mbi 5,000 raste aktive me COVID-19 në Kosovë

3,184 persona kanë vdekur që nga paraqitja e rasteve të para në Kosovë, të cilat ishin konfirmuar më 13 mars të vitit 2020. Aktualisht janë...

Lajmet e Fundit