Mbrëmë, KQZ-ja shpalli rezultatet përfundimtare të zgjedhjeve komunale, të cilat u mbajtën më 22 tetor 2017. Në përbërjen e re të Kuvendit të Prizrenit, PDK do të ketë 13 kuvendarë me 31,22 % të votave të fituara në zgjedhjet e 22 tetorit. Në vendin e dytë rangohet LVV me 7 kuvendarë dhe 16,91 % të votave. LDK radhitet e treta me 6 kuvendarë dhe 15,25 % të votave. Pas saj radhitet AAK me 4 kuvendarë dhe 8,72 % të votave, ndërsa po kaq kuvendarë do të ketë edhe Nisma për Kosovën me gjithsejtë 8, 34 % të votave.
Partia e komunitetit turk KDTP do t’i ketë 3 kuvendarë me 7,24 % të votave, ndërsa partitë e komunitetit boshnjak: koalicioni VAKAT dhe NDS nga dy kuvendarë nga 5,53 % respektivisht 3, 98 % të votave. Në vijim iu sjellim dhe emrat e kuvendarëve të rinj nga PDK: Kujtim Gashi, Kastriot Krasniqi, Shkodran Kryeziu, Skender Sallauka, Shukri Quni, Bardhi Avdaj, Simir Krasniqi, Sulltan Badalli, Alush Shala, Antigona Bytyçi, Dafina Bllaca, Sherife Balaj dhe Rreze Hoxha.
Kuvendarë të LVV-së do të janë: Artan Abrashi, Adem Shabanaj, Faruk Dakaj, Ilir Gashi, Dafina Alishani, Ana Spaqi dhe Nazife Kokollari. Kuvendarë të LDK-së janë: Haziz Hodaj, Xhavit Ukaj, Petrit Hoxhaj, Behar Begaj, Kujtesa Kabashi- Shatri dhe Sadije Osaj- Jakupi. Nga AAK kuvendarë do të janë: Fatmir Kastrati, Ilir Baldedaj, Agnesa Sinanaj dhe Vjollca Kabashi. Kuvendarë të Nisma për Kosovën do të janë: Sinan Alija, Pranverim Berisha, Lirije Bytyçi dhe Ganimete Hoxha- Babuna.
KDTP do të përfaqësohet me këta kuvendarë: Senxhar Karamuço, Ertan Simitçi dhe Sevil Kazaz. Anëtarë të Kuvendit nga VAKAT-i do të janë: Rasim Demiri dhe Bedrija Ejupagiq, ndërsa nga partia tjetër e komunitetit boshnjak NDS do të janë kuvendarë të rinj: Bajrush Sezairi dhe Arhim Ajazi.
Kjo do të jetë përbërja e re e Kuvendit të Prizrenit që do t’i ketë 41 anëtarë nga 7 parti politike që kanë fituar më së shumti vota në zgjedhjet e 22 tetorit.