18.8 C
Prizren
E martë, 28 Maj, 2024

Hidhërohet Dacic, ndërpren bisedimet me Thaçin

Ddacic5-20Ivica Dacic ka vendosur që t’i ndërpresë bisedimet me Hashim Thaçin në Bruksel, si shenjë hakmarrjeje ndaj refuzimit të lejes për ta vizituar Kosovën në fillim të fushatës. Hajredin Kuçi thotë është gabim kush mendon t’i ndëpresë bisedimet.

Ivica Dacic ka vendosur që t’i ndërpresë bisedimet me Hashim Thaçin në Bruksel, si shenjë hakmarrjeje ndaj refuzimit të lejes për ta vizituar Kosovën në fillim të fushatës zgjedhore.

Siç raporton gazeta beogradase Politika, përfaqësuesit e Qeverisë së Serbisë kanë thënë se ky refuzim paraqet shkelje brutale të marrëveshjes së Brukselit dhe nesër, me anë të një letre, Dacic do ta informojë Shefen e BE’së për Politikë të Jashtme, Catherine Ashton, për zhvillimet e fundit.

“E kam paralajmëruar Brukselin dhe Ambasadorët e QUINT’it se vendimi i Qeverisë në Prishtinë është skandaloz dhe paraqet goditje ndaj procesit paqësor”, ka thënë Dacic.

“Nëse unë si nënshkrues i marrëveshjes së Brukselit dhe përfaqësuesit e Qeverisë që e kanë përkrahur atë dhe kanë punuar për implementimin e saj nuk mund të shkojmë në Kosovë dhe t’u bëjmë ftesë serbëve të dalin në zgjedhjet lokale, kjo shtron pyetjen e arsyeshmërisë të pjesëmarrjes sime të mëtutjeshme në dialog.”

Zëvendëskryeministri i Kosovës, Hajredin Kuçi, ndërkaq, ka thënë për lajmi.net se është gabim kush mendon t’i ndërpresë bisedimet, në Bruksel.

“Fushata elektorale është për Kosovën, e jo për Serbinë. Pas fushatës, mund të ketë vizita të karakterit ndërshtetëror. Mendoj që është gabim i madh kush mendon t’i ndërpresë bisedimet. Por, pas fushatës bisedimet mund të vazhdojnë”, ka thënë Kuçi.

Më Shumë

Jennifer Lopez thotë këto fjalë për Ben Affleck, mes aludimeve për ndarje!

Mes spekulimeve të shumta për statusin e martesës së Ben Affleck dhe Jennifer Lopez, kjo e fundit ka dhënë një intervistë në Jimmy Kimmel...

U konfrontua me policinë, arrestohet një person në Prizren

Një person i dyshuar u arrestua në Prizren pas një konfrontimi të tensionuar me forcat e policisë. Ngjarja ndodhi pasi personi i dyshuar refuzoi të...

Lajmet e Fundit