13.8 C
Prizren
E shtunë, 2 Mars, 2024

“Hyalomma”, rrezikon Malishevën dhe Suharekën

Rriqrat6-21Një ndër shkaktarët kryesor të etheve hemorragjike, konsiderohet se është rriqra i njohur si Hyalomma. Kjo është konstatuar nga një hulumtim shkencor që është bërë gjatë dy viteve të fundit në Kosovë. Ky hulumtim është bërë nga profesor Kurtesh Sherifi, njohës i mirë i parazitologjisë.

Gjatë një studimi të bërë nga Kurtesh Sherifi, profesor i parazitologjisë me sëmundje invazive dhe ligjshmëri veterinare, është konstatuar se banorët e Malishevës dhe Suharekës janë më të rrezikuarit nga “rriqra e fortë”, apo siç njihet në gjuhën shkencore “Hyalomma”. Në një intervistë për Radio Kosovës, Sherifi potencon se përqindja më e lartë e kësaj familje të rriqrës është e pranishme në këto dy komuna.

“Në Komunën e Malishevës janë analizuar 242 mostra ku 238 apo 98% të tyre është konstatuar se është i përhapur rriqra Hyalomma marginatum. Rastin e njëjtë e kemi edhe në komunën e Suharekës ku janë analizuar 161 mostra dhe prej tyre 158 ose 98% kanë rezultuar se i takojnë familjes Hyalomma marginatum”, theksoi ai.

Sipas profesor Sherifit, ndër faktorët kryesor që ndikojnë në përhapjen e kësaj gjinie të rriqrës në këto dy komuna, janë edhe kushtet klimatike.

“Është vërtetuar se në vendet ku toka është e fragmentuar, janë parcela të vogla, një pjesë e tyre nuk janë të punuara gjithashtu në to ka edhe shkurre, pastaj edhe kullosja e bagëtive dhe të gjitha këto janë vende ku mund të rriten dhe të zhvillohet ky lloj i rriqrave. Gjithashtu në shumëzimin e tyre rol të rëndësishëm luan edhe temperatura dhe lagështia”.

Po ashtu, profesor Sherifi thotë se ndërhyrja e institucioneve për të ndikuar në parandalimin e këtij virusi është e vonshme.

Vetëm gjatë këtij viti, si pasojë e pickimit të rriqrave kanë vdekur tetë persona. Ndërkohë, zyrtarë të QKUK-së i kanë thënë Radio Kosovës se në Klinikën Infektive ndodhen të shtrirë edhe 5 pacientë të tjerë të dyshuar.

Më Shumë

Fenomeni i ndryshimit të mbiemrave shqiptarë në turq në Prizren për përfitime materiale

Ndryshimi i mbiemrave nga shqiptar në mbiemra turq është kthyer në një fenomen tek banorët e Prizrenit në Kosovë. Kjo vihet re te të rinjtë...

Avokatët e shoferit që aksidentoi me veturë burrin e Shkurte Fejzës: Aksidenti ndodhi pa qëllim, klientit tonë iu konfiskua telefoni

Dy avokatët Gent dhe Blend Gjini, që përfaqësojnë shoferin që ka aksidentuar Hajrush Behlulin, kanë bërë një deklaratë për Telegrafin duke thënë se konfiskimi...

Lajmet e Fundit