19.8 C
Prizren
E premte, 12 Prill, 2024

Gjykimi për Limajn, i panevojshëm

Fatmir LimajAvokati i Limajt, Tomë Gashi, ka vlerësuar se gjykimi për MTPT-në është krejtësisht i panevojshëm. “Kemi kërkuar që Gjykata e Apelit t’i aprovojë në tërësi kundërshtimet të cilat janë paraqitur ndaj aktakuzës sa i përket Fatmir Limajt. Gjithashtu, kemi kërkuar që aktakuza të mos konfirmohet, por të hidhet poshtë në tërësi, të mos shkohet fare në gjykim, sepse gjykimi do të jetë krejtësisht i panevojshëm”, ka thënë Gashi për “Epokën e re”.

Ai ka thënë se mbi provat e njëjta kryetarja e trupit gjykues në rastin e MTPT-së, Ana Adamska Gallant, ka sjellë vendime të ndryshme. “Në njërën anë thuhet se provat të cilat janë marrë në shtëpinë e deputetit Fatmir Limajt janë prova joligjore dhe të papranueshme, në anën tjetër me ato prova nxirret vendimi të shkohet me katër vepra penale në gjykim që, sipas kryetares së trupit gjykues, do të duhej të fillonte dikur në shtator”, ka thënë Gashi, duke shtuar se të gjitha pikat e aktakuzës është dashur të hidhen poshtë. “Nëse provat e njëjta janë analizuar dhe janë hedhur poshtë nga aktakuza, atëherë e njëjta gjë do të duhej të ndodhte edhe me katër pikat e tjera të aktakuzës të cilat janë konfirmuar”, ka thënë Gashi.

Më Shumë

Policia shqipton mbi një mijë e 800 gjoba në trafik brenda 24 orëve

Policia e Kosovës ka bërë me dije se gjatë 24 orëve të fundit ka shqiptuar 1873 gjoba në trafik. Sipas policisë, gjatë kësaj periudhe kohore...

Zafir Berisha: Lubizhda e Hasit ishte mbështetja e fuqishme e luftës së UÇK-së

Kryetari i Nismës në Prizren, Zafir Berisha ka kujtuar dëshmorët dhe martirët e fshatit Lubizhdë të Hasit “Sot, 25 vite më parë (12 prill 1999)...

Lajmet e Fundit