Ministri i Drejtësisë, Hajredin Kuçi i cili ishte pjesë e delegacionit të Kosovës kur është arritur marrëveshja për drejtësinë me Serbinë në Bruksel, ka thënë se kjo marrëveshje e ruan sistemin unik të drejtësisë në Republikën e Kosovës.
Ai ka bërë me dije për “Epokën e re” se marrëveshja në fjalë është bërë në përputhje me ligjet e aplikueshme të Kosovës.
Sipas Kuçit, me këtë marrëveshje parashihet të formohen një gjykatë edhe një prokurori, të cilat do të ofrojnë drejtësi për gjithë juridiksionin e Gjykatës Themelore në Mitrovicë.
Ai ka thënë se presin që sa më shpejt të fillojë implementimi i marrëveshjes për drejtësinë.