29.8 C
Prizren
E mërkurë, 16 Korrik, 2025

Largimi i Ibrahim Gashit është vetëm hapi i parë

FitimSalihu-Klubi Politik i StudentëveStudentët e Universitetit të Prishtinës të cilët arritën ta detyrojnë të japë dorëheqje rektorin e Universitetit të Prishtinës, Ibrahim Gashin, pas shumë protestave nuk e kanë në plan të ndalen së protestuari. Njëri nga organizatorët e protestave, Fitim Salihu, nga Klubi Politik i Studentëve, ka thënë në një intervistë për Tribunën se kërkesat që ende nuk janë përmbushur janë edhe suprimimi i Këshillit Drejtues, përmirësimi i kushteve në konvikte dhe hetimi i skandaleve në Universitetin e Prishtinës.

Deri në realizimin e këtyre kërkesave, Salihu ka thënë se nuk do t’i ndalin protestat.

Duke folur për gjendjen në UP, Salihu ka thënë se Universiteti i Prishtinës nuk ka nevojë fare për Këshill Drejtues, i cili sipas tij, është organ i mbivendosur në UP. Këshilli Drejtues, sipas Salihut, shërben si bord për kontrollimin e UP-së prej Ministrisë së Arsimit dhe Qeverisë.

Ai ka thënë se duhet ndryshuar statuti i UP-së dhe hequr tërësisht organi i Këshillit Drejtues.

Sipas tij, qëllimi i organizatorëve ka qenë për protesta të qeta. Salihu thotë se ka pasur individë që kanë reaguar pas dhunës së policisë, por e pranon se mund të ketë pasur edhe provokator të infiltruar.

“Ata që kanë goditur me mjete të forta kanë qenë provokatorë që janë infiltruar qëllimshëm në mesin e protestuesve paqësorë”, ka thënë Salihu.

Më Shumë

Nait Hasani s’i beson fjalëve të Vjosa Osmanit për “parandalimin e konfliktit” nga Trump: Nashta hipotezë e saj

Nait Hasani i PDK-së nuk i besoi fjalëve të Vjosa Osmanit, Presidentes së Kosovës, se mund të ketë pasur një konflikt javëve të fundit...

Aktakuzë ndaj një mjeku në Prizren – detyroi pacienten ta kryente lindjen në një spital privat

Prokuroria Themelore në Prizren ka ngritur aktakuzë kundër të pandehurit S.Gj, për shkak të dyshimit të bazuar mirë se i njëjti ka kryer veprën...

Lajmet e Fundit