15.8 C
Prizren
E premte, 31 Maj, 2024

MASHT dhe GIZ, në përkrahje të rritjes së nivelit në arsimin profesional në Malishevë

RagipBegaj-MASHT dhe GIZKryetari i Komunës së Malishevës Ragip Begaj, ka pritur dje, në një takim përfaqësuesit e organizatës GIZ, të shoqëruar nga zyrtarët e lartë të Ministrisë së Arsimit Shkencës dhe Teknologjisë të Republikës së Kosovës. Temë e takimit ishte përkrahja e GIZ-it për komunën e Malishevës, veçanërisht mbështetja në ngritjen profesionale të stafit arsimor dhe nxënësve të shkollave të mesme profesionale, përkatësisht të Qendrës së Kompetencës.

Begaj i ka falënderuar përfaqësuesit e GIZ-it gjerman dhe Drejtorin e Përgjithshëm të MASHT-së, Ragip Gjoshi, për gatishmërinë e tyre për përkrahjen e avancimit të mësimit profesional.

”Për neve projekti më madhor në Malishevë ka qenë investimi në Qendrën e Kompetencës, dhe i jemi mirënjohës ambasadorit Norvegjez, Sverre Johan Kvale, për këtë projekt, dhe ne kemi kërkuar nga Ministria e Arsimit që në bashkëpunim të vendosim për këtë shkollë, për profilet në të cilat do ta orientojmë këtë shkollë, dhe me ju kërkoj bashkëpunim të sinqertë rreth arsimimit profesional”, tha Begaj.

Ndërsa përfaqësuesit GIZ-it përkatësisht Christoph Heil, shpalosi planin e ngritjes së mësimit profesionale para tij, në fokus në ngritjen e sistemit të mësimdhënies dhe përafrimit të këtij sistemi me atë të sistemit të shkollave profesionale evropiane, projekt ky që zgjatë dy vite dhe menaxhohet nga organizata GIZ-it, për ngritjen e cilësisë së arsimimit në Qendrën e Kompetencës

Përfaqësuesit e GIZ-it gjerman, thanë se kanë hulumtuar nivelin e deritanishëm dhe kanë gjetur se ka nevojë, që të rritet niveli dhe përshtatja me tregun e ekonomisë, për çka edhe kanë marrë model shkollimin e tillë, nga qyteti i Hamburgut.

Ndërsa Ragip Gjoshi, nga MASHT, tha se “për të rritur këtë nivel të mësimit profesional, ministria ka formuar agjencionin për aftësimin në arsimin profesional”. /PrizrenPress.com/

Më Shumë

Kompany e merr timonin e Bayernit

Vincent Kompany është trajneri më i ri i gjigantit gjerman Bayern Munchen. Kompany ka nënshkruar kontratë me bavarezët deri më 30 qershor të vitit 2027. Ish-reprezentuesi...

Avokati i Thaçit: Sipas llogaritjeve tona, ZPS-ja nuk e përfundon çështjen deri në maj të 2027-ës

Në konferencën mbi ecurinë e çështjes në rastin ndaj Hashim Thaçit, Kadri Veselit, Rexhep Selimit dhe Jakup Krasnqit, avokati Luka Mishetiq, mbrojtësi i Thaçit,...

Lajmet e Fundit