Ylli portugez Cristiano Ronaldo është vënë në situatë të sikletshme kohëve të fundit.
Ai dëshiron të largohet nga klubi anglez Manchester United. Ndërsa disa skuadra të mëdha për të cilat ai do të kishte nënshkruar, nuk kanë shfaqur interesim për të, transmeton Klan Kosova.
Gazetari italian Fabrizio Romano në llogarinë e tij në Twitter ka shkruar se është agjenti Jorge Mendes ai që po kërkon një zgjidhje të mundshme për futbollistin 37 vjeçar i cili tashmë është pranë përfundimit të karrierës së tij.
“Jorge Mendes ende po punon për të gjetur një zgjidhje apo transferim të mundshëm në minutën e fundit. Prioriteti i Ronaldos është largimi nga skuadra Manchester United gjatë verës, ndërsa kjo e fundit insiston se sulmuesi nuk është në shitje”, ka shkruar Romano.