1.8 C
Prizren
E hënë, 4 Mars, 2024

Mjekët në QKUK i shpëtojnë jetën fëmijës që gëlltiti një pjesë lodre

Shërbimi Spitalor Klinik dhe Universitar i Kosovës ka njoftuar për trajtimin e një rasti të një fëmije një vjeçar, të cilit i janë bllokuar rrugët e frymëmarrjes pasi ka gëlltitur një pjesë të lodrës.

 

Shërbimi Spitalor Klinik dhe Universitar i Kosovës ka njoftuar për trajtimin e suksesshëm të një rasti të një fëmije një vjeçar, të cilit i janë bllokuar rrugët e frymëmarrjes pasi ka gëlltitur një pjesë të lodrës.

Sipas SHKSUK-së fëmija i moshës 1-vjeçare i është nënshtruar një operimi me urgjencë në Klinikën e Otorinolaringologjisë.

“Pacienti nga Klinika Emergjente, është transferuar në Klinikën e Otorinolaringologjisë për shkak të aspirimit të trupit të huaj (lodër plastike e rrumbullakët), gjë që e bën shumë të vështirë  heqjen e trupit të huaj. Në këto kushte fëmija dërgohet me urgjencë në sallë  të operacionit, ku thirret ekipi kujdestar i mjekëve  të ORL-së, ata thërrasin me urgjencë mjekët e anestezionit, ku pas ndërhyrjes me bronkoskop, fëmijës i largohet pjesa e lodrës, i lirohen rrugët e frymëmarrjes dhe i shpëtohet jeta”, njofton SHKUSK.

Më Shumë

Shërbimet dhe kapacitetet e Repartit të Pediatrisë në Spitalin e Prizrenit

Gjatë muajit janar të këtij viti, në Repartin e Pediatrisë të Spitalit të Prizrenit, janë hospitalizuar 242 fëmijë, me gjithsej 1.293 ditë shërimi dhe mesatarja e kohës...

Vërmicë, parandalohet kontrabanda me ushqime të detit

Në pikëkalimin kufitar të Vërmicës është parandaluar një rast i kontrabandimit të produkteve ushqimore. Dogana ka njoftuar se pas ndalimit dhe kontrollit të një automjeti...

E përsosur je

Lajmet e Fundit