Aktorja Pamela Anderson ka mbizotëruar mediat këto dy ditë me rrëfimin e saj tronditës në ditën e lançimit të fondacionit të bamirësisë me emrin e saj.
Aktorja është këto ditë në Kanë dhe u fotografua sërish me nje dekolte të hapur.
Në fjalimin që mbajti në ceremoninë për fondacionin, që do u kushtohet kryesisht kafshëve, ajo tha se këto të fundit e kanë ndihmuar që të mbijetojë pas viteve të tëra abuzim.
“Nuk kam pasur një fëmijëri të lehtë. Pavarësisht se kisha prindër që më donin, më ka ngacmuar nga mosha 6 deri në 10 vjeç dadoja ime,” tha aktorja.
Ajo rrëfeu edhe se e kanë përdhunuar kur ishte 12 vjeç.
“Eksperienca ime e parë hetero ishte kur isha 12 dhe ai 25 vjeç”.
Por sulmet nuk ndaluan këtu.
“I dashuri im i parë në klasën e nëntë vendosi se do ishte më mirë nëse do më përdhunonte me gjashtë shokët e tij. E kot të them që kam pasur një kohë kur e kisha të vështirë të vesoja tek njerëzit dhe thjesht doja të zhdukesha nga kjo botë”.