Partia e Drejtësisë mbrëmë ka themeluar edhe një nëndegë në fshatin Bllacë, të Suharekës, ndërsa kryetar i saj është zgjedhur, Jeton Guraziu.
Ferid Agani, kryetar i PD-së ka thënë se Partia e Drejtësisë është një koncept politikë, demokratik, i cili promovon Drejtësi. “Rruga e saj ka shumë ngarkesa dhe vështirësi, por PD-ja ka vlera etike dhe morale të cilat mëshirohen dhe kultivohen suksesshëm në gjeneratat që janë dhe do të vijnë”, ka pohuar Agani.
Në anën tjetër, kandidati për kryetar të Suharekës, Bajram Tërshana, ka shprehur bindjen e tij, se në zgjedhjet e 3 nëntorit, PD-ja në këtë rajon do të shënojë ngritje dhe do të dëshmojë se është ndër partitë kryesore në Suharekë.