Pink Floyd do ta publikojnë albumin e tyre më të ri, të quajtur “The Endless River”, në tetorin e këtij viti.
Lajmi ka ardhur përmes një cicërime në Twitter të gruas së këngëtarit dhe kitaristit David Gilmour, Polly Samson, e cila është zëdhënëse e bendit.
Samson ka treguar se LP do të quhet “The Endless River” dhe në të do të shfaqen punimet e instrumentalistit Richard Wright, i cili në shtator të vitit 2008 kishte vdekur, pasi e kishte humbur betejën me kancerin, në moshën 65 vjeçare.