22.8 C
Prizren
E enjte, 18 Korrik, 2024

Prizren: 64 vjeçari gjendet i vdekur në motel

Një person është gjetur pa shenja jete dje në mesditë në një motel në Prizren.

Ai është M.R., 64 vjeçar nga fshati Nebregoshtë e Prizrenit dhe ka qenë i shoqëruar nga një 68-vjeçare.

Lajmin është bërë i ditur në raportin ditor të policisë së Kosovës për 24 orët e fundit.

Siç thuhet në raport, vdekjen e tij e ka konstatuar ekipi mjekësor që ka dalë në vendin e ngjarjes.

“Në vendngjarje kanë dalë edhe prokurori kujdestar dhe njësitet e hetuesisë, si dhe forenzika. Trupi i pajetë, me vendim të prokurorit, është dërguar për obduksion në Institutin e Mjekësisë Ligjore në Prishtinë”, thuhet tutje në raport.

Ndërsa, zëdhënësi i Policisë për rajonin e Prizrenit, Shaban Osmanolla tha: “Dje rreth orës 12:17, Policia ka pranuar një informacion nga një ekip i emergjencës se në një motel në Prizren është gjetur një person pa shenja jete. Hetuesit dhe forenzika kanë dalur në vendin e ngjarjes, është informuar Prokurori dhe me urdhër të prokurorit trupi i pajetë është dërguar në IML për obduksion”, tha Osmanollaj.

Më Shumë

13 fshatra të Prizrenit, pa ujë

Kompania e Ujësjellësit "Hidroregjioni Jugor" në Prizren ka njoftuar se për shkak të ndërprerjes së energjisë elektrike nga KEDS, pa paralajmërim, sot prej orës...

Moti me diell, temperaturat 38 gradë Celsius

Instituti Hidrometeorologjik të Kosovës, njofton se sot mban moti me diell. “Temperaturat minimale do të lëvizin ndërmjet 16-19 gradë Celsius, ndërsa maksimalet e ditës parashihen...

Lajmet e Fundit