16.8 C
Prizren
E premte, 29 Mars, 2024

Ronaldo i ka disa fjalë për Cristiano Ronaldon

Para se bota të njihte Cristiano Ronaldon, i vetmi Ronaldo në qarkullim që magjepste të gjithë rruzullin ishte Luis Nazario Da Lima.

I njohur edhe si “Fenomeni”, ai mahniti gjatë karrierës së tij duke u bërë idhull i shumë fëmijëve në të gjithë globin dhe shumëkush e ka cilësuar si sulmuesin më të kompletuar të futbollit modern, të ndalur për fat të keq vetëm nga dëmtimet e njëpasnjëshme që i shkurtuan karrierën.

Sa herë që përmendet emri Ronaldo, për brezat që e kanë parë atë të luajë, është e sigurt se ai është “origjinali” e jo portugezi që ndoqi hapat e tij te Real Madrid duke e marrë si shembull.

“Duhet të jetë bezdisëse për Cristianon që njerëzit thonë se unë jam Ronaldo origjinal. Njerëzit nuk mund të krahasohen, Cristiano do të mbetet në historinë e futbollit për golat dhe vazhdimësinë që ka pasur. Ai do ta mbyllë si një ndër më të mirët. Ai, si Messi, si të tjerë”, shpjegoi vetë Ronaldo në një bashkëbisedim në rrjetet sociale me Fabio Cannavaron ku ai kaloi edhe disa nga etapat e viteve në Itali.

Më Shumë

Haradinaj e Latifi nderojnë 5 dëshmorët dhe 49 martirët e fshatit Brestoc

Kryetari i AAK-së, Ramush Haradinaj dhe kryetari i Komunës së Rahovecit, Smajl Latifi, kanë përkujtuar në 25-vjetorin e përjetësimit 49 martirët e Brestocit të...

Vdes në vendin e punës mërgimtari nga Malisheva

Nazmi Morina nga Lubizhda e Malishevës, ndërroi jetë një ditë më parë në vendin e tij të punës në Itali. Lajmi u bë i ditur...

Lajmet e Fundit