18.8 C
Prizren
E enjte, 25 Korrik, 2024

A do të ulën pagat në sektorin publik ?

Ministri në detyrë i Financave dhe Transfereve, Besnik Bislimi, ka thënë se lajmi se do të ulën pagat në sektorin publik është i pasaktë.

Ai përmes një reagimi në llogarinë e vet në “Facebook”, ka thënë se kësaj radhe objektiv i dezinformimit janë të punësuarit e sektorit publik.

“Natyrisht se nuk ka asnjë shkronjë të vërtetë në këtë ‘lajm’, ka shkruar ministri Bislimi.

Reagimi i plotë i tij:

Të nderuar qytetarë,
Disa nga mediat e papërgjegjshme, edhe sot kanë vazhduar serinë e dezinformatave qëllimkëqija që synojnë rritjen e konfuzionit tek secili prej jush rreth angazhimeve të qeverisë, gjithnjë duke u thirrur në “burimet e brendshme”. Kësaj radhe objektiv i dezinformimit janë të punësuarit e sektorit publik, kurse informata nga “burimet e brendshme” dhe të “sigurta” i referohet “nisjes së procedurave për uljen e pagave në sektorin publik”. Duket se “pacienti zero” del të jetë një gazetarë i një miniportali, i cili as nuk ka bërë përpjekje për ta ndërtuar “minimumin e besueshmërisë” në dezinformatën e plasuar. Sa për dijeni (kur të plasoni të pavërtetat e radhës), Ministria e Financave i ka të gjitha informatat për përfituesit dhe nivelin e pagave në sektorin publik edhe atë nga databaza e Thesarit e jo e ATK-së.
Natyrisht se nuk ka asnjë shkronjë të vërtetë në këtë “lajm” dhe si gjithnjë, thirrja në “burime të brendshme” paraqet indikatorin e parë dhe të mjaftueshëm për joseriozitetin e informatës dhe të mediumit që e shpërndanë të njëjtën. Këshilla ime për secilin prej jush mbetet që sapo të hasni referencë në “burime të brendshme”, të kuptoni se keni të bëni me pseudoinformatë dhe që medium i caktuar ka për synim keqpërdorimin e hapësirës mediale për qëllime jo të mira.

Më Shumë

”Sezai Surroi” lokacioni më i mundur për zhvillimin e Superkupës

Sezoni i ri i garave në basketbollin kosovar pritet të fillojë më shpejtë se që u mendua. Siç raportoi AsistiOnline.com garat pritet të fillojnë me...

Dënohet me burgim me kusht drejtori i shkollës në Suharekë që përjashtoi arsimtaren me shami

Liman Bytyçi, ish-drejtor i shkollës fillore të mesme të ulët “Flamuri i Arbërit” në Reshtan të Suharekës, është dënuar nga Gjykata Themelore në Prizren...

Lajmet e Fundit