11.8 C
Prizren
E diel, 26 Mars, 2023

Shpërthim në xhami, 32 të vrarë dhe dhjetëra të plagosur në Pakistan

Të paktën 32 persona janë vrarë dhe 150 të tjerë janë plagosur në një shpërthim me bombë në një xhami në qytetin pakistanez Peshawar, raporton BBC.

Një pjesë e ndërtesës u shkatërrua dhe zyrtarët thonë se shumë njerëz kanë mbetur nën rrënoja.Shumica e atyre që humbën jetën ishin pjesë e forcave të policisë dhe besohet se ata ishin objektivi i sulmit.

Muhammad Ijaz Khan, oficer i policisë së kryeqytetit të Peshavarit, tha për mediat lokale se rreth 300 dhe 400 zyrtarë policorë ishin të pranishëm në zonë në kohën e shpërthimit.

Kryeministri Shehbaz Sharif e ka dënuar ashpër atë. Në një deklaratë, Sharif tha se ata që qëndrojnë pas incidentit “nuk kanë asnjë lidhje me Islamin”.

Ai shtoi: “I gjithë kombi po qëndron i bashkuar kundër kërcënimit të terrorizmit.”

Shpërthimi ndodhi gjatë lutjeve të pasdites në qytetin veriperëndimor, rreth orës 13:30 (08:30 GMT), pranë kufirit të vendit me Afganistanin.

Talibanët e Pakistanit janë ndër grupet që kanë kryer sulme në të kaluarën. Ata përfunduan një armëpushim në nëntor dhe dhuna ka qenë në rritje që atëherë.

Më Shumë

Rigjykimi për korrupsion ndaj ish-drejtorit të Komunës së Prizrenit, aprovohet propozimi për dëgjimin e ekspertit financiar

Gjykata Themelore në Prizren, të hënën, ka aprovuar propozimin e prokurorit Mehdi Sefa, për dëgjimin e ekspertit financiar, Agim Sheqiri, në rigjykimin për korrupsion...

Në mesnatë përfundon ora dimërore, akrepat lëvizin një orë para

Natën nga e shtuna në të diele, më saktë më 26 mars në orën dy pas mesnate, mbaron ora dimërore dhe fillon koha e...

Lajmet e Fundit