19.8 C
Prizren
E martë, 21 Maj, 2024

Sonte premiera “Vdekja e një komisioneri”, askush pa biletë

Vdekja e një komisioneri-shfaqjePremierën e shfaqjes “Vdekja e një komisioneri” që do të jepet sonte (e martë) në Teatrin Kombëtar të Kosovës, do ta shohin vetëm ata që paguajnë bileta. As për familjarët e aktorëve që janë pjesë e shfaqjes, nuk do të hyjnë në sallë pa ftesa.

Aplikimi i biletave në premierë është një prej vendimeve që ka marrë drejtori i ri i Teatrit Kombëtar të Kosovës, Valdet Avdiu. “Vdekja e një komisioneri” TKK-së i ka kushtuar 35 mijë euro.

Ky lajm, që u dha në konferencën për medie që paralajmëroi premierën e shfaqjes më tekst të Arthur Miller dhe regji të maqedonasit Ljubço Gjorgievski, nuk është pritur mirë nga aktorët, raporton Koha Ditore.

Drejtori i TKK-së, Valdet Avdiu, e ka mbrojtur vendimin e tij mbi atë se njerëzit duhet të trajtohen si të barabartë dhe se nuk duhet që dikush të paguajë për premiera e dikush tjetër jo.

“Teksti është shkruar në vitin 1948 dhe si i tillë i takon dramaturgjisë klasike por akoma është shumë aktual dhe ky tekst luhet në shumë skena, është bërë dhe film. Paraqitja e fundit është në New York në vitin 2012, ku dhe ka thyer rekord të shitjes së biletave”, ka thënë regjisori maqedonas për shfaqjen, ku luajnë edhe aktorët: Ismet Azemi, Hazir Haziri, Bislim Muçaj, Basri Lushtaku, Eshref Durmishi, Sheqeria Buçaj, Shpëtim Kastrati, Albulena Kryeziu, Shota Baraliu e Shkumbin Osmani.

Më Shumë

Kundërshtohet heqja e emrit të Hasan Prishtinës nga UP-ja

Një aksion simbolik është mbajtur sot para Kuvendit të Kosovës. Përmes këtij aksioni, është kundërshtuar heqja e emrit të Hasan Prishtinës, nga Universiteti i Prishtinës. Mehmet...

Ndahen afro 700 mijë euro për ndërtimin e rrugës që shpie tek “Ujëvara e Mirushës”

Zëvendësministri i Infrastrukturës, Hysen Durmishi ka pritur në takim kryetarin e Malishevës, Ekrem Kastrati. Durmishi dhe Kastrati, nënshkruan memorandumin e mirëkuptimit me Komunën e Malishevës...

Lajmet e Fundit