Deputeti i PDK-së, Andin Hoti ka thënë se gjatë kohës së fushatës për zgjedhjet lokale të 22 Tetorit, është fokusuar në Rahovec.
“Fokusin kryesor e kom në Rahovec, edhe si deputet, edhe si zëvendëskryetar i rinisë, më ka rënë të vizitojë edhe qytete të tjera”.
Por a do të kandidojë ai për të qenë kryetar i Rahovecit?
“Unë mendoj për momentin që të kryejë përgjegjësinë që e kam marrë prej qytetarëve, por që të ndjekë agjendën politike në parlamentin e Kosovës por nuk përjashtohëet asnjë mundësi”.
“S’e kam menduar se çfarë do të bëjë pas katër vjetësh”.
Hoti që është i ftuar në Info Lokale në Klan Kosova ka treguar edhe se ku e sheh të ardhmen e tij.
“Unë thashë që për momentin jam i fokusuar të mbajë me përgjegjësi besimin, hyrjen në Kuvend e kam ndjerë si obligim për shkak të historisë familjare, të ardhmen time e shoh në politikë, s’besoj se do të largohem nga politika”.
“Jam futur në politikë, me dhënë kontributin tim në interes të qytetarëve, mendoj se edhe në mandatin e ardhshëm, nëse qytetari I Kosovës kërkon që të jem aktiv, do të jem aktiv”.
Ai ka folur edhe për deputetët e tij kolegë që janë poashtu të rinj në Kuvendin e Kosovës.
“PDK ka disa të rinj, përpos që janë edhe në partitë tjera politike, kam respekt edhe për deputetët e vjetër dhe kanë përvojë të madhe”.
“Ne si deputetët të ri po tentojmë me sjellë një frymë të re, e thashë edhe në fjalimin tim se banaliteti dhe gjuha e ashpër nuk janë në interes të qytetarëve, nuk duhet të kenë vend në Parlamentin e Kosovës”.
“Po tentojmë bashkë që rininë e Kosovës, që mendoj se është shumë keq, mos ta shohim si vetëm të ardhme të vendit po si të tashme të vendit”.