-0.2 C
Prizren
E shtunë, 28 Janar, 2023

Trajneri i Greqisë: Nuk do të jetë aspak e lehtë ndeshja kundër Kosovës

Greqia nesër do të zhvillojë ndeshje në stadiumin “Toumba”, në të cilin me fillim nga ora 20:45 e pret Kombëtaren e Kosovës.

Ndeshja e nesërme i takon Grupit B të kualifikimeve drejt “Katar 2022”, dhe nuk do të jetë shumë e rëndësishme pasi që të dy kombëtaret nuk kanë arritur ta sigurojnë kualifikimin tutje, përcjell KosovaPress.

Para ndeshjes me Kosovën, trajneri i Greqisë John van’t Schip ka folur në një konferencë për media, ku i cilësoi këtë takim si tejet të vështirë, pasi që “Dardanët” kanë skuadër me lojtarë të mirë.

“Ata janë një skuadër e mirë. Tani ata kanë një trajner tjetër, janë një skuadër e rrezikshme me lojtarë të fortë dhe të shpejtë. Lojtarët e krahut i kanë agresivë. Duhet të jemi tejet të fokusuar, të mbajmë topin në posedimin tonë dhe ë pozicionohemi mirë”, tha Schip

“Për të fituar, e përsëris që duhet të jemi të fortë. Nuk do të jetë ndeshje aspak e lehtë, por ne dëshirojmë të bëjmë çdo gjë për të siguruar tre pikët”, shtoi trajneri i kombëtares greke.

Kosova dhe Greqia gjenden në Grupin B të kualifikimeve për në Botërorin “Katar 2022”, së bashku me Suedinë, Spanjën dhe Gjeorgjinë.

Kosova zë vendin e fundit në këtë grup me vetëm katër pikë të arkëtuara, pesë sosh më pak se Greqia që zë vendin e tretë në tabelë.

Më Shumë

Momenti kur qytetari shpëton gruan që kërceu nga Ura e Fshejt

Gjatë ditës së djeshme një qytetarë ka shpëtuar një grua 29 vjeçare e cila ka kërcyer nga Ura e Fshajt në Gjakovë Din Salihi ka...

Një muaj paraburgim ndaj të dyshuarit për kanosjen e kryetarit të Prizrenit, Shaqir Totaj

Gjykata Themelore e Prizrenit i ka caktuar masën e paraburgimit prej një muaji, të dyshuarit F.K., për kanosjen e kryetarit tw Prizrenit, Shaqir Totaj. Në...

Lajmet e Fundit