17.8 C
Prizren
E hënë, 26 Shtator, 2022

Vazhdojnë rrënimet në Prevallë

Prevalla 2Prokuroria e Qarkut në Prizren, ka ngritur 18-të aktpadi për ndërtimet pa leje në fshatin turistik të Prevallës, ku kanë nisur edhe rrënimet nga MMPH. Ditë më parë, në këtë institucion ka arritur edhe një kallëzim penal për drejtorin e urbanizmit, Sadik Paçarizi. Rrënime janë paralajmëruar edhe në zonën e parë historike të Prizrenit,shkruan rtk

Prokuroria Themelore në Prizren gjatë vitit 2013 ka pasur mjaft punë. Sipas kryeprokurorit Sylë Hoxha, lëndët që kanë pasur prioritet, kanë qenë ato të korrupsionit. Një vëmendje e veçantë, i është kushtuar edhe lëndëve për ndërtime pa leje në Prevallë, bënë të ditur kryeprokurori. Sipas tij, nga 20 kallëzime penale, sa ka pasur për këtë çështje, janë ngritur 18-të aktakuza, ndërsa janë duke u shqyrtuar edhe dy të tjera.

Ashtu siç edhe kishte paralajmëruar kryeinspektori i MMPH, Bedri Halimi, një kallëzim penal në prokurorinë e Prizrenit është ngritur edhe ndaj drejtorit të urbanizmit Sadik Paçarizi, ndërsa ky i fundit thotë se ka pranuar një kërkesë për tu paraqitur në prokurori.

Ndonëse rrënimi i ndërtimeve pa leje po vazhdon në fshatin turistik të Prevallës, MMPH ka paralajmëruar rrënime edhe në zonën historike të Prizrenit. Drejtori i urbanizmit, Sadik Paçarizi thotë se objektet janë të identifikuara, por ministria ende nuk është konsultuar për këtë çështje me institucionet lokale.

Për këto dhe çështje të tjera foli edhe dhe kryeprokurori, Sylë Hoxhaj.

“Gjatë vitit 2013 për lëndë të korrupsionit janë ngritur 138 kallëzime penale për zyrtarë të ndryshëm komunalë,nga Prizreni, Suhareka, Dragashi dhe ndërmarrjeve të tjera të shërbimeve publike”, tha Hoxhaj.

Më Shumë

Rusi: Qindra të arrestuar në protestat kundër vendimit të Putinit për dërgimin e civilëve në luftë

  Qindra njerëz janë arrestuar nga autoritetet ndërsa protestat kundër “mobilizimit të pjesshëm” të ri të Rusisë vazhdojnë në të gjithë vendin, ka thënë një...

Limaj: Do mbahem mend se e kam nxjerr Kosovën prej lloçit – i kam ndërtu autostradat

Fatmir Limaj – Kryetari i Nismës Socialdemokrate, ka thënë se në politikë do të mbahet mend që të ndihen krenarë nipërit dhe mbesat e...

Lajmet e Fundit