18.8 C
Prizren
E enjte, 20 Qershor, 2024

Krasniqi: Nuk dihet kush do të jetë kryetar i partisë së re

Fatmir Limaj dhe jakup Krasniqi22Kryetari i Kuvendit të Kosovës, Jakup Krasniqi, ka paralajmëruar krijimin e partisë së re bashkë me Fatmir Limajn, madje ka përcaktuar edhe selinë e saj që do të jetë në qytezën “Pejton”, në ndërtesën ku më parë ka qenë Ambasada e Shqipërisë. Ndërkohë, zoti Krasniqi nuk ka bërë të ditur se kush do të jetë kryetar i partisë së re, por ka shprehur sigurinë se partia do të funksionojë mirë.
“Një subjekt i ri politik do të formohet sigurisht dhe këtë e dinë të gjithë, por ende nuk është marrë hapi vendimtar. Sigurisht pasi të kryhen përgatitjet e nevojshme do të mendojmë se si do e prezantojmë para opinionit. Tani për tani një gjë mund të them.
Unë me zotin Limaj kemi qenë pjesë e organizimit politik në Kosovë dhe e njohim këtë organizim mjaft mirë. Ne do përpiqemi që të bëjmë një ndryshim, që do të thotë të mos ecim në rrugën e autoritarizmit, por të krijojmë një subjekt politik që vendimmarrja të jetë në organet e tij, citon Koha.
Pra, vendimmarrja e partisë do të jetë e përcaktuar qartë. Nuk dihet se kush do të jetë kryetari, por dihet që partia do të funksionojë mirë”, ka thënë Krasniqi në emisionin “Tonight” të “Oranews”

Më Shumë

‘Natën e mirë’ nga Elita 5, kënga që rikthen në skenë grupin ikonik shqiptar

Pak javë më parë, grupi ikonik shqiptar, ka publikuar këngën e tyre më të re ‘Natën e mirë’, këngë kjo e cila vjen pas...

Sulmohet një zyrtar në Suharekë

Dje,  në ora 18:30, në Suharekë, është arrestuar një mashkull kosovar i dyshuar për kryerjen e veprës së sulmit ndaj një personi zyrtar. Pas arrestimit,...

Bregu i shpëtimit

Lajmet e Fundit