11.8 C
Prizren
E premte, 29 Mars, 2024

Vdekjet misterioze në Infektivë: Policia fillon hetimet për gjashtë raste të dyshimta

Gjashtë vdekje të dyshimta kanë ndodhur brenda 48 orëve të fundit në Klinikën Infektive të QKUK-së. Të gjithë këta persona të shtrirë në këtë Klinikë ishin të konfirmuar me Covid-19.

E vdekja e tyre ishte misterioze. Anise ka dyshime se ajo mund të ketë ndodhur si pasojë e mungesës së oksigjenit.

Por, organet e hetuesise a as Infektiva e QKUK’së e Ministria e Shëndetësisë, ende nuk kanë dhënë asnjë version sa i përket kësaj cështjeje.

Hetimet, tashmë kanë nisur nga ana e policisë së Kosovës. Ky institucion hetimor, ka bërë të ditur sot se janë 6 vdekje të dyshimta që kanë ndodhur në Infketiv se fundmi e që po hetohen.

Të gjithë trupat janë dërguar për në obduksion për ta zbuluar kështu mistrein e vdekjes së këtyre personave.

“Prishtinë 05.07.2020 – 01:00. Raportohet se në Kliniken Infektive në Prishtinë kanë vdekur gjashtë persona që të gjithë kosovar. Me vendim të prokurorit, trupat e pa jetë të viktimave dërgohen në Institutin e Mjekësisë Ligjore për Obduksion. Rasti është duke u hetuar”, thuhet në raportin e Policisë së Kosovës.

E gjatë ditës së djeshme Ministria e Shëndetësisë dhe Shërbimi Spitalor dhe Klinik Universitar i Kosovës kanë dalë me një komunikatë të përbashkët pas ngjarjeve në Klinikën Infektive.

MSH’ja njoftoi se pacientët që ndërruan jetë mbrëmjen e së dielës në Infektivë ishin në gjendje të rëndë me COVID-19, pa dhënë informata të tjera.

Ministria dhe SHSKUK’ja nuk e konfirmuan numrin e saktë të pacientëve që ndërruan jetë sot, teksa u shprehën ngushëllime familjarëve.

Ndërkaq kryeministri, Avdullah Hoti nuk ka dhënë ndonjë informatë shtesë se si ka ndodhur e gjithë kjo ngjarje. Ka thënë se për këtë cështje do të merren organet e hetuesisë kosovare./Express/

Më Shumë

PDK propozon datën e zgjedhjeve të parakohshme

Abelard Tahiri, shef i grupit parlamentar të PDK-së, ka folur për zgjedhjet e parakohshme. Në fjalën e tij, Tahiri ka treguar se PDK e...

Biletat për koncertin e Dua Lipës në Kroaci u shitën për 10 minuta

Ylli shqiptaro-britanik i muzikës pop, Dua Lipa do të performojë në Kroaci në qershor, dhe për vetëm disa minuta ka shitur të gjitha biletat...

Lajmet e Fundit