21.8 C
Prizren
E premte, 29 Mars, 2024

Vdes në moshën 70-vjeçare ylli i serisë “The Bill” – Ben Roberts

Aktori Ben Roberts, i njohur për portretizimin e rolit të kryeinspektorit Derek Conway në serinë “The Bill”, që ishte transmetuar nga viti 1987 deri më 2002, ka vdekur të enjten në moshën 70-vjeçare.

Vdekja e tij është konfirmuar nga ish-agjenti i aktorit, i cili e ka quajtur Robertsin aktor “të mrekullueshëm” që ka pasur “një karrierë të gjatë në teatër, televizion dhe film”.

Personazhi i Robertsit në dramën policore ishte ai i një polici tipik të kohës më të vjetër dhe prej negociatori të trajnuar. Seria kishte përfunduar me vrasjen e Conwayit, kur i ishte hedhur një bombë në veturën e tij.

Më pasm ai ishte paraqitur në versionin e filmit të vitit 2011 “Miss Peregrine’s Home for Peculiar Children”, me regji të Tim Burtonit.

I lindur në Bangor më 1950, Roberts ka debutuar me paraqitjen e tij në filmin “A Woman’s Place” më 1978. Ai ka luajtur edhe në serialet “The Professionals”, “Angels” dhe në një episod të serisë “Doctor Who”, në vitin 1984.

Ai ka lënë prapa vetes bashkëshorten Helen Lloyd, ish-narratore e audiolibrave.

Ben Peyton, që është shfaqur në “The Bill” në fillim të viteve 2000, e ka rikujtuar Robertsin si “aktor të madh dhe njeri i mrekullueshëm”.

“Të dy ishim larguar nga ‘The Bill’ në të njëjtën ditë në vitin 2001”, ka kujtuar ai në “Twitter”. “Ai erdhi në dhomën time në sheshxhirim dhe më tha: ‘Kanë gabuar me emrat tanë. Ti është dashur të largohesh dy herë!’”.

“The Bill”, që ka debutuar në vitin 1984, ka përshkruar jetën në një stacion fiktiv policor “Sun Hill”, në jug të Londrës.

Fundi i serisë është shënuar më 2010 pas 27 vjetësh transmetim, 26 sezonesh dhe plot 2.425 episodesh.

Më Shumë

Kurti kujton 25 vjetorin e masakrave serbe në Gjakovë e Rahovec

Kryeministri i Kosovës, Albin Kurti ka kujtuar 25 vjetorin e masakrave serbe në Gjakovë e Rahovec ku nuk u kursyen as gra e fëmijë. Më...

Sot i jepet lamtumira e fundit “Mjeshtrit të Madh” Jorgo Papingji, Begaj: Tekstet e tij i rezistuan të gjitha kohërave

Sot i jepet lamtumira e fundit “Mjeshtrit të Madh”, Jorgo Papingji. Në orën 11:00 do të zhvillohen homazhet, në ambientet e Radio Televizionit Shqiptar. Më...

Dhimbja

Lajmet e Fundit