Kandidati i Nismës për kryetar të Prizrenit, Zafir Berisha, fushatën zgjedhore e ka vazhduar në fshatin Lubizhdë të Prizrenit dhe Gernçar.
“Sa herë që jam në Lubizhdë ndjehem i nderuar”, tha Berisha.
Ai, në këtë fshat, ka rikujtuar luftën e heroit të Kosovës, Ekrem Rexhen-Drini.
“Mirëpo, sot jemi këtu për të kërkuar mbështetjen tuaj, mbështetje që e keni dhënë edhe më parë, qe sot ne jemi deputet në kuvendin e Kosovës”.
“ Kandidimi për kryetar të Prizrenit nuk është diçka personale e imja, sepse jam i zgjedhur në institucionin më të lartë shtetëror siç është Kuvendi i Kosovës, por kryetar i Prizrenit dua të jem për një arsye të vetme, që të jem afër qytetarit, e kjo pozitë ma mundëson këtë”.
“ Ju jeni dëshmitar që unë kam bërë shumë për këtë lokalitet edhe në të kaluarën, i njëjti do të jem përsëri, por tash me prioritete tjera, e në fokusin tim kryesor, do të jetë luftimi ndaj papunësisë, sepse si rezultat i kësaj kemi ikje masovike të rinisë nga Kosova, dukuri tejet shqetësuese”.
Ndërkaq, në fshatin Gernçar, Berisha tha se “jam në mesin e shokëve dhe miqve që më kanë mbështetur përherë në projektet e mia, prandaj edhe në të ardhmen do të qëndroj afër komunitetit boshnjak, siç kam qëndruar tash e 17-të vite pas luftës, duke mbështetur kërkesat e tyre të arsyeshme për një jetë më të mirë në lokalitetet tuaja”
Tubimet i përshëndetën bartësi i listës Sinan Aliaj, deputetja Albulena Balaj-Halimaj, kandidatët për kuvend komunal Skender Susuri dhe Ahmet Shala.