22.5 C
Prizren
E mërkurë, 2 Korrik, 2025

Arrestohen tetë persona në Prizren, dyshohen për organizim të skemave piramidale dhe bixhozit të paligjshëm

Tetë persona janë arrestuar në Prizren.

Ata dyshohen për organizim të skemave piramidale dhe bixhozit të paligjshëm.

Komunikata e plotë

Me datë 22.8.2019, Njësia Rajonale për Hetimin e Krimeve Ekonomike dhe Korrupsion në Prizren, në kuadër të Policisë së Kosovës, ka zbatuar Urdhëresën e Gjykatës Themelore në Prizren për urdhër-kontroll në trembëdhjetë (13) lokacione, lidhur me dyshimet e bazuara për veprën penale “Organizimi i skemave piramidale dhe bixhozit të paligjshëm” dhe gjatë operacionit janë arrestuar tetë (8) persona të dyshuar:

Personat e dyshuar me iniciale janë:

• B. M., M/Sh/K i lindur më 1977
• F. K., ,M/Sh/K i lindur më 1998
• B. M., M/Sh/K i lindur më 1976
• F. H., M/Sh/K i lindur më 1976
• L. A., M/Sh/K i lindur më 1976
• A. K.,M/Sh/K i lindur më 1996
• A. B., M/Sh/K i lindur më 1983
• F. S., M /Sh/K i lindur më 1971

Gjatë kontrollit në tetë (8) lokacione janë gjetur dhe sekuestruar dëshmi relevante:

-Pesë (5) shtëpiza të kompjuterit;
-Njëmbëdhjetë (11) telefona mobilë;
-Katërqind e tetëdhjetë e pesë (485) euro, dhe
-Tiketa të lojërave të fatit

Në lidhje me këtë operacion janë intervistuar personat e dyshuar, ndërsa për ecurinë e zbatimit të urdhër-kontrollit në vazhdimësi është informuar prokurori i shtetit dhe me vendim të prokurorit shtatë (7) nga personat e arrestuar janë ndaluar për 48 orë.

Në zbatim të urdhëresës kanë qenë të angazhuar zyrtarë policorë të njesive kompetente, të asistuar nga Drejtoria Rajonale e Prizrenit si dhe Njësia për Krime Kibernetike e Policisë së Kosovës.

Njësia Rajonale për Hetimin e Krimeve Ekonomike dhe Korrupsion në Prizren do të vazhdojë me veprime hetimore në kompletim dhe referim të rastit në Prokurori.

Më Shumë

Kurti i fton në takim të përbashkët liderët e partive politike

Kryetari i VV-së, Albin Kurti i ka ftuar në takim të përbashkët liderët e partive politike pas aktgjykimit të djeshëm të Gjykatës Kushtetuese lidhur...

Kosova luan ndaj Britanisë së Madhe në kualifikimet për Botëror

Kombëtarja e Kosovës në hendboll (meshkujt) do të përballet me Britaninë e Madhe në fazën e parë kualifikuese për Kampionatin Botëror të vitit 2027. Kështu...

Lajmet e Fundit