15 C
Prizren
E mërkurë, 8 Korrik, 2020

Pas plotësimit të aktakuzës, ish-drejtori dhe dy zyrtarë të Komunës së Dragashit sërish kërkojnë të hudhet poshtë aktakuza ndaj tyre

Pas plotësimit të aktakuzës, Gjykata Themelore në Prizren, ka vazhduar shqyrtimin e dytë, në rastin ku ish-drejtori i Financave në Komunën e Dragashit, Ahmet Bahtijari, si dhe dy zyrtarëve tjerë të kësaj komune, Avni Nebiu dhe Selajdin Vehbi, të akuzuar për keqpërdorim të detyrës zyrtare dhe për konflikt interesi.

Prokuroria Themelore në Prizren, më 31 maj 2019, ka ngritur aktakuzë ndaj Avni Nebiu dhe Selajdin Vehbi, të cilët i ngarkon me veprën penale të keqpërdorimit të detyrës apo autoritetit zyrtar, ndërsa Ahmet Bahtijarin, përveç për keqpërdorim të detyrës zyrtare, akuzohet edhe për konflikt të interesit, raporton “Betimi për Drejtësi”.

Në seancën e kaluar që ishte mbajtur më 26 shtator 2019, pas leximit të aktakuzës nga prokurori i rastit Mehdi Sefa, gjyqtarja Raime Elezi, ka marrë vendim që të bëhet plotësimi aktakuzës.

Ndërsa, në seancën e së hënës prokurori Sefa, ka bërë plotësimin e aktakuzës duke thënë se sa i përket dispozitivit të parë dhe të tretë pas emrit Ahmet Bahtijari, shtohet “në kundërshtim me nenin 26 të Rregullores 01/2013 për shpenzimin e parasë publike”.

Kurse, në dispozitivin e dytë, sipas prokurorit, në rreshtin e katërt ku thuhet ka interes financiar shtohet “në kundërshtim me Ligjin për Parandalimin e Konfliktit të Interesit nr.04/L-051”, dhe pjesa tjetër e aktakuzës, sipas tij, mbetet e pandryshuar.

Pas plotësimit të aktakuzës, të akuzuarit Ahmet Bahtijari, Avni Nebihu e Selajdin Vehbi kanë kërkuar që ajo të hudhet poshtë si e pabazuar.

I akuzuari Ahmet Bahtjari, ka thënë se prokuroria ka precizuar ekzekutimin e pagesave në bazë të nenit 26 të Rregullores 01/2013, mirëpo sipas tij, zyrtari zotues nuk bën ekzekutimin e pagesave, por ndanë mjetet në bazë të kërkesës.

“Zyrtari Zotues nuk ekzekuton pagesat por ndan mjetet në bazë të kërkesës së zyrtarit autorizues së pari kontrollon a disponon me mjetet në sistemin informativ të menaxhimit financiar apo fre-balancë e pastaj nëse ka mjete i zoton, por nuk merr pjesë në zotim, andaj konsideroj se precizimi i aktakuzës në nenin 26 të rregullores është i pabazë”, ka thënë Bahtijari.

Precizimin e aktakuzës e ka kundërshtuar edhe i akuzuari Avni Nebiu, duke thënë se prokurori nuk e ka asnjë bazë për shkeljen e kontratës mbi servisimin si dhe Ligjin mbi Prokurimin Publik ku sipas tij, saktë precizon detyrat dhe obligimet e zyrtarit autorizues.

Ai i ka dorëzuar gjykatës origjinalin e autorizimit si zyrtar autorizues dhe kontratën për servisimin, ku sipas tij, ai është autorizuar dhe i obliguar që si zyrtar të autorizojë zyrën e prokurimit që të vazhdojë procedurat e nevojshme për çdo veprim ekonomik apo shpenzim që bëhet në kuadër të Ligjit për Prokurim Publik.

Kërkesë për hudhjen e aktakuzës ka paraqitur edhe Selajdin Vehbi, i cili ka deklaruar se ai nuk e ka shkelur kontratën të cilën e ka nënshkruar zyra e prokurimit.

“Të gjitha pagesat vijnë nga zyra e prokurimit dhe kalojnë përmes zyrtarit zotues, i cili kontrollon se a ka mjete të mjaftueshme për servisimin e automjeteve dhe nëse ka mjete e bënë zotimin e mjeteve dhe e lajmëron zyrtarin autorizues për nënshkrimin e pagesës, e në këtë rast ka qenë drejtori i Administratës Avni Nebihu”, ka thënë i akuzuari Vehbi.

Prokurori Sefa, gjatë seancës të së hënës ka kërkuar nga gjykata që në rast të vazhdimit të kësaj çështje penale në shqyrtim kryesor, në cilësi të ekspertit financiar të prokurimit të ftohet Agim Shiqiri.

Gjykatësja Raime Elezi, ka thënë se për kërkesën e palëve do të merr vendim brenda afatit ligjor.

Ndryshe, Prokuroria Themelore në Prizren, më 31 maj 2019, ka ngritur aktakuzë ndaj Avni Nebiu dhe Selajdin Vehbi, të cilët i ngarkon me veprën penale të keqpërdorimit të detyrës apo autoritetit zyrtar, ndërsa Ahmet Bahtjarin, përveç për keqpërdorim të detyrës zyrtare, akuzohet edhe për konflikt të interesit.

Sipas aktakuzës, Ahmet Bahtijari akuzohet se gjatë periudhës 2004, e deri më 2017, në cilësinë e Drejtorit të Financave në Komunën e Dragashit, nuk i ka përmbushur detyrat apo autoritetin zyrtar, me qëllim të përfitimit të çfarëdo dobie për servisin “Menti”, pronar i të cilit është djali i tij, Armend Bahtjari.

Në aktakuzë thuhet se kjo ka ndodhur në atë mënyrë që i pandehuri Bahtijari, i ka mundësuar lidhjen e marrëveshjes me Kuvendin Komunal të Dragashit për dhënie në shfrytëzim të pronës komunale, parcelën në sipërfaqe prej 122 m2, dhe e nënshkruan urdhërpagesën e servisimit të automjeteve zyrtare në servisin “Menti”, në bazë të faturave edhe pse Kuvendi Komunal i Dragashit, ka pasur kontratë me operatorin ekonomik për servisim “LML”, për rregullimin e automjeteve, kështu që i mundëson djali të tij dobi pasurore si pronar i servisit “Menti”, për vitin 2015, shumën prej 3069 euro, për vitin 2016, shumën prej 712 euro, dhe për vitin 2017, shumën prej 1532 euro, duke dëmtuar kështu operatorin ekonomik “LML”, e cila ka pasur kontratë për servisimin e automjeteve të Komunës së Dragashit.

Me këtë, akuzohet se ka kryer veprën penale “keqpërdorim i detyrës zyrtare apo autoritetit zyrtar”, nga neni 422 par.1 lidhur me par.2 nënpar.2.4 të KPRK-së.

Gjithnjë sipas aktakuzës, Bahtjari akuzohet se në periudhën e njëjtë kohore, në cilësinë e drejtorit të Financave në Komunën e Dragashit, personalisht merr pjesë në çështje zyrtare në të cilën anëtari i familjes-djali i tij, Armend Bahtjari ka interes financiar, në atë mënyrë që e nënshkruan urdhërpagesën e servisimit të automjeteve zyrtare në servisin “Menti” dhe, kështu i mundëson djali të tij, dobi pasurore si pronar i servisit “Menti”, për vitin 2015, shumën prej 3069 euro, për vitin 2016, shumën prej 712 euro dhe për vitin 2017, shumën prej 1532 euro.

Me këtë, akuzohet se ka kryer veprën penale “konflikt i interesit”, nga neni 424 paragraf 1 të KPRK.

Ndërsa, sipas aktakuzës, Avni Nebiu dhe Selajdin Vehbi, akuzohen se gjatë periudhës nëntor 2014, e deri në kohë të pacaktuar, në cilësi të personave zyrtar të Komunës së Dragashit, Avni Nebiu, zyrtar autorizues i pagesave, ndërsa Selajdin Vehbi, zyrtar certifikues, duke mos i përmbushur detyrat zyrtare apo autoritetin zyrtar, kanë tejkaluar kompetencat me qëllim të përfitimit të dobisë pasurore për servisin “Menti”, pronar i të cilit është djali i drejtorit të Financave në Komunën e Dragashit.

Në aktakuzë thuhet se të pandehurit Avni Nebiu dhe Selajdin Vehbi, nënshkruajnë urdhërpagesat e servisimit të automjeteve zyrtare, në servisin “Menti”, në bazë të faturave edhe pse Kuvendi Komunal i Dragashit, ka pasur kontratë me operatorin ekonomik “LML” për rregullimin e automjeteve, kështu që i mundëson dobi pasurore pronarit të servisit “Menti”, për vitin 2015 shumën prej 3069 euro, për vitin 2016, shumën prej 712 euro dhe për vitin 2017, shumën prej 1532 euro, duke dëmtuar kështu operatorin ekonomik “LML”, e cila ka pasur kontratë për servisimin e automjeteve të Komunës së Dragash.

Me këto veprime, ata akuzohen se kanë kryer veprën penale “keqpërdorim i pozitës apo autoritetit zyrtar”, nga neni 422 par.1 lidhur me par.2 nënpar.2.4 të KPRK-së. /BetimipërDrejtësi

- Advertisement -

Më Shumë

8 raste të reja me COVID-19 në Prizren, 5 në Rahovec dhe 2 në Suharekë

117 TË SHËRUAR DHE 114 RASTE ME COVID-19! Sot më 03 korrik 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar...

Nuk ka buxhet për të bërë pagesat e dyta për punëtorët

Qeveria e Kosovës nuk ka mjete të mjaftueshme për të zbatuar Pakon Emergjente Fiskale, pa rishikim të buxhetit i cili tashmë është dërguar në...

Ennio Morricone në intervistën e fundit: Kam qarë vetëm…

“Kam qarë vetëm dy herë në jetën time, njëherë për “Mission” dhe për Papë Françeskun”. Këto kanë qenë fjalët e kompozitorit të njohur italian...

Një grup i muzikës popullore gjatë viteve ’30 në Rahovec (FOTO)

Muzika në hapësirat ku flitet shqip i ka rrënjët e thella. Shqiptarët që moti janë dhënë pas tingujve të bukur dhe ndijesive të këndshme...

Humbi betejën me sëmundjen, vdes ish-referi i njohur kosovar

Rushit Selimi, një emër i njohur i botës së sportit në Kosovë, është ndarë nga jeta. Ish-gjyqtari ka ndërruar jetë dhe mesazhet e ngushëllimit...

Komisioni Komunal i Aksionarëve në Prizren raporton borxhe milionëshe të ndërmarrjes “Ekoregjioni”

Raportimi i anëtarëve të Komisionit Komunal të Aksionarëve nga Komuna e Prizrenit në ndërmarrjen publike “Ekoregjioni” lidhur me operimin në vitet e shkuara të...

Mustafa: Pas aktakuzës ndaj Thaçit e Veselit, vendi është futur në situatë e cila nuk garanton stabilitet të institucioneve

Kreu i LDK-së, Isa Mustafa ka thënë se, pas propozim aktakuzës nga Specialja ndaj presidentit Hashim Thaçi dhe kreut të PDK-së, Kadri Veseli, Kosova...

Shpallet aktgjykim refuzues ndaj ish-inspektorit të ndërtimit në Prizren, dënohet me gjobë i akuzuari tjetër

Gjykata Themelore në Prizren, të hënën, ka shpallur aktgjykim refuzues ndaj ish-inspektorit të ndërtimit në Komunën e Prizrenit, Bashkim Krasniqi, i akuzuar për keqpërdorim...

Pas vetaksidentit me traktor humb jetën një person në Rahovec

Një person ka humbur jetën pas vetaksidentit me traktor në fshatin Qifllak në Rahovec. Vdekjen e viktimës e ka konstatuar mjeku në Spitalin Rajonal të...

Paralajmërimi i ‘zjarrtë’ i Taynës për këngën e re

Ndonëse i mungoi ndjekësve të saj, Tayna po kthehet me një projekt të ri muzikor. Ajo në Instagram ka hedhur një foto të shkëputur nga...

Morena Taraku s’i ndal provokimet, lë pa fjalë fansat me foton e fundit

Morena Taraku është një ndër personazhet më të komentuara të showbizzit shqiptar, për shkak të jetës së saj private por gjithashtu dhe për fotot...

Shkëmbimi i projektuar, Tottenham dhe Napoli bëjnë gati propozimin

Napoli dhe Tottenham po mendojnë të bëjnë një shëkmbim të bujshëm. Napolitanët e Gattusos janë gati të lënë të lirë sulmuesin polal Milik, në...

Gruaja nga Suhareka nuk respekton vetizolimin, hapet rasti në Polici

Një grua e cila ishte e infektuar me koronavirus në Suharekë nuk ka respektuar masën e vetizolimit, pra ka dalë nga shtëpia. Lënda ndaj të...

Çekiçi shënon golin e 10-të në Slloveni

Endri Çekiçi, sulmuesi i Kombëtares, ka gjetur golin në sfidën e sotme që skuadra e tij, Olimpija Ljubjana, ka luajtur në transfertën delikate me...

Juventus i propozon Tottenham-it shkëmbimin e lojtarëve

Juventusi po kërkon të shpejtojë që të formojë sa më shpejt skuadrën për sezonin e ardhshëm dhe përforcimi i repartit të mesfushës është i...

Guardiola flet për Sanchon, kjo është deklarata befasuese e tij

Menaxheri i Manchester Cityt, Pep Guardiola ka përjashtuar mundësinë e transferimit të yllit të Borussia Dortmundit, Jadon Sancho, si një zëvendësim për Leroy Sane,...

Lajmet e Fundit

Haskuka: Në Prizren ka shumë më shumë raste se që janë raportuar

Kryetari i Prizrenit, Mytaher Haskuka, është ankuar për numrin e vogël të testimeve në këtë komunë që aktualisht janë 100 raste aktive – shifër...

Tre të vdekur sot nga coronavirusi në Kosovë, shkon në 82 numri i viktimave

Gjatë ditës së martë tre persona kanë vdekur nga COVID-19 në Kosovë, duke e çuar në 82 numrin e përgjithshëm të vdekjeve. Në Laboratorin e...

183 raste të reja me koronavirus në Kosovë, 4 në Prizren dhe 2 në Rahovec

57 TË SHËRUAR DHE 183 RASTE ME COVID-19! Sot më 07 korrik 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar...

100 raste aktive me koronavirus në Prizren

Drejtori i Instituti Kombëtar të Shëndetësisë Publike në Prizren, Fadil Kryeziu ka folur për gjendjen me Covid-19 në këtë regjion Ai tha se në Prizren...

Edhe një herë tjetër, ish-inkasanti i “Hidroregjionit Jugor” nuk e pranon fajësinë për përvetësim në detyrë

Ish-inkasanti i “Hidroregjionit Jugor”, Hafir Gallopeni, në seancën e mbajtur të martën, në Gjykatën Themelore në Prizren, përsëri është deklaruar i pafajshëm për veprën...